Rm 6:17 - Meta’

¹⁷ Àyɨə mə wɨə nàʼə̀ məben-əwe əmbɨ ə Ŋwiə̀ ni mbə̀n mbe nɨ nyaʼa kweʼ ben ɨ̀bòʼò əmbɨ ɨnû rɨbɔ̀ŋ, fə bèŋ tə fîŋ rɨjìm sɨə zuunɨ ɨnû mbe nɨ Ŋwìə̀ ə chwi ɨ nən.

Ikan feg

¹⁷ Tè nàʼ məyakà abə Ŋwiye gha, à ya yaʼ mbègtog, mbə̰ ya yaʼ ìbòʼì abə inug tibɔ̀ŋ. Àsi amad anìŋ, mbə̰ mbe se nɔ̀ŋɔ̀ inug feg mbe ne tì fə chwiti inən ane ìzən fìŋ ijìm.

Rm 6:17 Referans Kwoze

1 Pità 2:9

À yeʼ ɨmbə̀ʼ əwən, mbə̀ yɨ ɨnəbɨ nɨ Ŋwiə̀ nyaʼa chɔʼɔ. Mbə yɨə bə̂d mbàn Ŋwìə̀ nɨə fàʼ əmbɨ ɨfɔ̀n kyeŋ. Mbə yɨ əbeŋ nɨ zeŋɨ. Mbə yɨə bə̂d Ŋwiə̀ ɨmbə̀ʼ gha ɨnû yiirɨ mbe nɨ wɨ̀ fə ghɨ̌. À yɨə məd nyaʼa tɔŋ əwən rɨŋga ɨsɨ firɨ əne zɨ̀ ɨŋga əsɨ ə zeŋɨ ze nɨ wɨ̀ naʼ əmbɨ ə bə̂d.

2 Timotì 1:13

Yim ɨŋgam rəsìʼ we nɨ mə̀ gha ɨ ne ɨghabɨ ənweenɨ nɨ à bɨrɨ beenɨ əbɔʼ. Yim ɨbenɨ we nɨ à berɨ bə̀ ghaʼ bə̂d. Ghɨ əne ɨchî nɨ tɨ̀ yeʼ ənɨ ɨfɔtɨ mbɨ Kristo Yeso.

2 Kɔrèn 2:14

Tɨ̀ naʼ məben-əwe əmbɨ ə Ŋwiə̀ ni, ənjìm ɨchî nɨ tɨ̀ yeʼ ənɨ ɨfɔtɨ mbɨ Kristo, ɨ wɨə che ɨmbì na ɨghəm jìm ghɨ̀ə̀ ni tɨ̀ yèn ɨghabɨ ə bə̂d nɨ che bid. Ɨ wɨə ghɨ̀ə̀ ni tɨ̀ jaŋ ɨnû mbe nɨ tɨ̀ kyerɨ ɨmbə̀ʼ ə Kristo ɨsɨ jìm. Ɨnû mbe yɨ ɨghabɨ ɨfɔ chɔ̀m.

Rm 16:26

Tɨ̀nîn mbɨ fə toʼ ɨnû mbe əsaŋ ənjìm ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ ghɨ̀ ni ɨbeŋ ɨjìm kyerɨ. Ŋwìə̀ we nɨ ten i koŋ nyaʼa fə sob əne, ɨmbə̀ʼ ɨbeŋ jìm ben əməd bə̀ zuunɨ əməd.

Rm 1:8

Ənû rɨtu yɨ ni, mə wɨə nàʼə̀ məben-əwe əmbɨ mɨ Ŋwiə̀ ənjìm ə Yeso Kristo ɨmbə̀ʼ mbə̀n mɨjìm. Mə wɨə ghɨ̀ əne ɨmbə̀ʼ ɨghəm nɨ bə̂d rɨŋga ɨsɨg jìm mbɨə zu ɨchî nɨ mbə̀ nuŋ fîŋ ɨgun ə Ŋwiə̀.

3 Jɔn 1:3

Mə nyaʼa kàŋ ghaʼ əku ənɨ bɔŋgɔb mɔʼɔ nyaʼa yeʼe pè ghà ɨ num ɨmbə̀ʼ ɨchî nɨ àwɔ̀ ə beenɨ əbɔʼ rəsìʼ. Mə kyerɨ ni àwɔ̀ wɨə kàŋə̀ beenɨ əbɔʼ rəsìʼ we ɨghəm jìm.

Rm 15:18

Chəi mə̀ bɨrɨ tɔ gha ənû ə mɔʼɔ, kɨrɨ ənɨ mə̀ gha àmei əze nɨ Kristo che ənjìm num bɔŋ ghɨ̀. Wɨ̀ nyaʼa ghɨ̀ ni bə̂d mbe nɨ kaʼi mɨ̀Jû zuunɨ ə Ŋwiə̀ ənjìm ɨnû mbe nɨ mɨə ghàə̀, ənjìm ɨnû mbe nɨ mɨə ghɨ̀ə̀,

Ɨ̀fàʼì 11:18

Ənɨ mbɨ nyaʼa zu ənû zɔ̂, chəi mbɨ nyaʼa wɨrɨ berɨ ənû ə cherə nɨ ghà. Əne mbɨ yiirɨ ə Ŋwiə̀, ghà ni, “Ŋwìə̀ fə bə̀ nàʼ əpan əmbɨ bə̂d mbe nɨ kaʼi mɨ̀Jû ni mbɨ beŋ tə fîŋ jɨg ɨ̀tènɨ̀.”

2 Jɔn 1:4

Mə nyaʼa kàŋ ghaʼ əku nɨ zə ni mbe bɔn mɔʼɔ mbɨə beenɨ əbɔʼ rəsìʼ àmei ɨchî nɨ Mbǎʼ nyaʼa gha ɨ na.

Mə̀Hibrù 5:9

Ənɨ Ŋwiə̀ nyaʼa fə ghɨ̌ wɨ̀ bɔ̀ŋ màànɨ̀, wɨ̀ nyaʼa bèŋ sɨə ghɨ̀ə̀ ni bə̂d mɨjìm mbe nɨə zuunɨ əməd jwɨ̀ rəŋgəʼ koŋ.

Filemɔ̀n 1:4

Mə wɨə nàʼə̀ məben-əwe əmbɨ ə Ŋwiə̀ ɨghəm jìm ənɨ mɨə kɔ̀ŋgɨ̀ əməd kɔndɨ əwe.

2 Tès 1:3

Mba bɔŋgɔb, tɨ̀ berɨ naʼ məben-əwe əmbɨ ə Ŋwiə̀ ɨghəm jìm ɨmbə̀ʼ əwən. Tɨ̀ berɨ ghɨ əne ɨchî nɨ zɨə kuʼnɨ, ɨmbə̀ʼ ɨghəm nɨ ə ɨbenɨ wɨə kwiə wò ɨmbì. Mbə mbɨə ghaʼə mbə bɔŋgɔb wò ɨmbì.

1 Pità 4:17

Nyùmə̀ fə kuʼ nɨ Ŋwìə̀ bɨrɨ kɔ saʼ bə̂d. Wɨ̀ bɨrɨ kɔ mbɨ ɨnəbɨ Ŋwiə̀. Wɨ̀ mɨ nɨə kɔ mbɨ na, njɨ ɨnwǐ bə̂d mbe nɨ chəi mbɨə zuunɨ ɨkə̂n chɔ̀m ɨmbə̀ʼ ə Ŋwiə̀ kɨə wo yeʼ rɨ ye ə?

1 Pità 3:1

À yɨ əndəŋ əndəŋ ni mbə̀n məyi berɨ zuunɨ mbə mɨnom, ɨmbə̀ʼ à mɨ yeʼ nɨ chəi wɨ mɔʼɔ rəbɔʼ mɨ̀mə̌d kɨrɨ ben ɨŋgam Ŋwiə̀, məyi mɨ̀mə̌d mbe tɨ mbɨ beŋ mɨ̀mə̌d ənɨ tə rɨghɨrɨ-ɨnû, nɨ chəi mbɨ gha ənû ə mɔʼɔ.

1 Pità 1:22

Mbə fə ghɨ tə fîŋ zeŋ ɨchî nɨ mbə̀ə ghɨ̀ ɨnû mbe nɨ yeʼ mbɨ rəsìʼ. Mbə mbɨə kàŋə̀ ghaʼə mbə bɔŋgɔb kwàʼ ɨchî chɔ̀m. Əne mbə̀ ghaʼ mɨ̀mə̌d kwàʼ rɨŋga fîŋ.

Mə̀Hibrù 11:8

À yɨ ɨbenɨ nyaʼa ghɨ ni Abràham zuunɨ ə Ŋwiə̀ ənɨ wɨ̀ nyaʼa tɔŋ əməd ni wɨ̀ jwɨ ə wò əsɨ ze nɨ wɨ̀ nyaʼa wo naʼ ɨ bɔ. Wɨ̀ nyaʼa jwɨ̀ wò, ka à bè yeʼi ni chəi wɨ̀ nyaʼa kyerɨ əsɨ ze nɨ wɨ̀ nyaʼə wò əŋgu.

1 Tèsàlonikà 3:9

Tɨ̀ kɨə kaŋ wo naʼ məben-əwe nɨ kuʼ əmbɨ Ŋwiə̀ ɨmbə̀ʼ əwən rɨ ye, ɨmbə̀ʼ chwi ɨghaʼi we nɨ tɨ̀ berɨ ɨfě a Ŋwiə̀ ɨmbə̀ʼ əwən ə?

Efesùs 1:16

chəi mə̀ nyaʼa sob nɨ ben ə Ŋwiə̀ ɨmbə̀ʼ əwən. Mə wɨə kɔndɨ əwən ənɨ mɨə kɔŋgɨ ə Ŋwiə̀ ɨghəm jìm.

1 Kɔrèn 1:4

Mə wɨə nàʼə̀ məben-əwe əmbɨ ə Ŋwiə̀ ɨghəm jìm ɨmbə̀ʼ ɨ̀chɔ̀m we nɨ wɨ̀ che ənjìm ə Kristo Yeso ghɨ̀ ənɨ ə nən.

Rm 1:5

Ŋwiə̀ wɨə ghɨ̀ ɨ̀chɔ̀m ənɨ ə na ənjìm ə Wan məd we. Tɨ̀ yɨə bə̀ ə bə̂d tom ɨmbə̀ʼ jaŋ ɨkum məd əkaʼ bə̂d mɨ̀jìm mbe nɨ kaʼi mɨ̀Jû, ɨmbə̀ʼ mbɨ zɨ̀ tə fîŋ ɨgwɨ məd bə̀ zuunɨ əməd.

Rm 2:8

Ŋwìə̀ bɨrɨ sə ɨtəm bə̀ chə mbe nɨə kə̀b ɨghɨ àmei əmbɨ tə nyamnyod, nɨ mbɨə bə̀ ton ɨnû mbe nɨ yeʼ mbɨ rəsìʼ ɨmbə̀ʼ sɨə ghɨ̀ yeʼ ɨnû ɨzɨg.

Ɨ̀fàʼì 28:15

Ənɨ bə̂d mbe nɨ nyaʼa ben ə Kristo ə Rom nyaʼa zu ɨmbə̀ʼ əwa, mbɨ nyaʼa nɔ̀ʼ rɨ Ɨbeŋ Ɨwin Apiùs bə̀ nɔ̀ʼ rɨ ə Nəb Ni Rɨtad yeʼe kumnɨ əwa. Ənɨ Pɔ̂l nyaʼa zə mɨ̀mə̌d, wɨ̀ nyaʼa nàʼ məben-əwe əmbɨ ə Ŋwiə̀, əne fîŋ məd nyaʼa wɨrɨ kàànɨ̀.

1 Kɔrèn 14:6

Mbɨ bɔŋgɔb, mə mɨ yeʼe əsɨ nən tɨ̀nîn pè kɔ ghàm ɨ nən ənɨ ɨŋgam rɨsɔ̀ʼɔ̀, ə ze ə kɨə wo weerɨ əwən ənɨ ə ye ə? Chəi zɨə bɨrɨ weerɨ əwən, kɨrɨ ənɨ mə̀ yeʼe mbɨ ənû nɨ Ŋwìə̀ chwi ɨ num, kɨ̀ mbɨ ənû nɨ Ŋwìə̀ kə̀bɨ ni mbə̀ kyerɨ, kɨ̀ mbɨ ɨkə̂n Ŋwiə̀, kɨ̀ mbɨ ənû nɨ kəərɨ əwən.