Rm 4:21 - Meta’

²¹ Wɨ̀ nyaʼa kàŋ ben ɨŋga i fîŋ ni Ŋwiə̀ we tɨ̀ wɨ̀ ghɨ̀ ənû ze nɨ wɨ̀ nyaʼa kaʼi.

Ikan feg

²¹ Wì ya nɔ̀ŋì ibḛfiŋ igun Ŋwiye bə̀ kyèri gha Ŋwiye we tì wì fàʼ anug ze ne wì ya kàʼi.

Rm 4:21 Referans Kwoze

Lk 1:37

Kyerɨ ni chəi ənû ə mɔʼɔ nɨ tɨ̀ zɨə chè ə Ŋwiə̀.”

Mə̀Hibrù 11:19

Abràham nyaʼa ben ni Ŋwìə̀ we tɨ̀ wɨ̀ zwemnɨ bə̂d, əne yɨ ɨnə̂njɨ̀ mɔʼɔ nɨ ghà ni wɨ̀ nyaʼa wɨrɨ nɨŋ ə Aizìk nɨ nyaʼa fə kwɨ.

2 Timotì 1:12

À yɨ əton nɨ mɨə zəə ŋgəʼ ɨchî nɨ mɨə zəə. Àyɨə chəi mɨ ətu ə nìd ɨmbə̀ʼ ɨghəm nɨ mə kyerɨ wə̀d we nɨ mə nuŋ mɨ fîŋ ɨgwɨ məd. Mə bə̀ kàŋ kyerɨ ni ɨ we tɨ̀ wɨ̀ nəŋgɨ ənû ze nɨ wɨ̀ zɨ ɨŋga tum rɨkyerɨ-ɨbɔ pè əni ze nɨ Ŋwiə̀ bɨrɨ saʼ ɨsɨg.

Lk 1:45

Ŋwìə̀ zɨ əbɔrəbɔd ɨgwɨ ne ɨchî nɨ à ben ni ənû ze nɨ Ə̀nùŋɨ̀sɨg gha ɨ ne ə bɨrɨ jwɨ ənɨ rəsìʼ.”

Matìyò 19:26

Yeso nyaʼa nèŋ mɨ̀mə̌d əne ghà ni, “Ənû ə zɨə chè yeʼ bə̂d, àyɨə chəi ənû ə mɔʼɔ nɨ tɨ̀ zɨə che ə Ŋwiə̀.”

2 Kɔrèn 9:8

Ŋwiə̀ we tɨ̀ wɨ̀ nàʼ ɨghɨjìm ɨ nən chè mbe nɨ mbə̀ kəbɨ, ɨmbə̀ʼ mbə̀ berɨ ɨghɨjìm ənɨ mɨ̀nyùmə̀ jìm ɨmbə̀ʼ mbə̀ bɨ nàʼ ni mbɨ ghɨ̀ ɨnû chɔ̀m əŋgu.

Rm 14:4

Àwɔ̀ kɨə we nɨə sob ɨsaʼi ɨgwɨ ə wə̀d ə̀fàʼì wə̀d cherə ə? À yɨ mbǎʼ ə̀fàʼì məd bɨrɨ gha ni wɨ̀ fə fàʼ ɨchî chɔ̀m kɨ̀ ni wɨ̀ fə faʼ ɨchî rɨbɔ̀ŋ. Wɨ̀ bɨrɨ faʼ ɨchî chɔ̀m ɨmbə̀ʼ ɨghəm nɨ Ə̀nùŋɨ̀sɨg ə berɨ ɨka nɨ ghɨ ni wɨ̀ ghɨ əne.

Rm 8:38

Mə kàŋ kyerɨ ni ka àbei ɨvɨ, kɨ̀ ɨ̀tènɨ̀, kɨ̀ mbɨ̀aŋgɨrə̀, kɨ̀ ɨzwî mbe nɨ yeʼ əton ɨkaŋ, kɨ̀ ɨghɨ mbe nɨ yeʼ rɨ̀nîn, kɨ̀ mbe nɨ bɨrɨ yeʼe,

Mə̀Hibrù 11:13

Mɨ̀mə̌d mbɔ̂ mɨjìm nyaʼa nùŋ ɨbenɨ ɨgun ə Ŋwiə̀ pè ənɨ mbɨ nyaʼa kwɨ. Mbɨ nyaʼa kwɨ nɨ chəi mbɨ nyaʼa kɨrɨ berɨ ɨghɨ mbe nɨ Ŋwìə̀ nyaʼa kaʼ əmbɨ mɨ̀mə̌d. Mbɨ nyaʼa zə ɨghɨ mbe nɨ Ŋwìə̀ nyaʼa kaʼi rɨ əsa əgha, əne mbɨ nyaʼa ghaʼ kwàʼ rɨŋgəʼ. Mbɨ nyaʼa zə əne, kyerɨ ni mbə yɨə bə̂d rɨ̀sɔ̀ʼɔ̀ nɨə che ə che ɨŋga ɨsɨg wɔ̂.

Lk 1:1

Wə̀d kyeŋ Tiofilùs, bə̂d mɨ̀nɔnɔʼ fə ghɨ̀ ɨka nɨ ŋwaʼnɨ ɨnû mbe nɨ nyaʼa ghɨ̌ əkaʼ na.

Rm 14:5

“Wə̀d mɔʼɔ wɨə kɔndɨə ni ɨni mɔʼɔ ə bɔ̀ŋ chè ɨni cherə. Wɨ cherə wɨə kɔndɨə ni ɨni jìm yɨ əndəŋ əndəŋ. Wə̀d mɔʼ mɔʼ ben ni ənû ze nɨ wɨə kɔndɨə yɨ əze nɨ kuʼnɨ.