Rm 2:13 - Meta’

¹³ ɨmbə̀ʼ ɨghəm nɨ kaʼi bə̂d mbe nɨə zu rɨkə mbe ə ghɨ̀ ɨnû nɨ kuʼnɨ. À yɨ mbe nɨə ghɨ̀ ɨnû mbe nɨ tɨkə ə ghàə̀ nɨ Ŋwìə̀ bɨrɨ ben ni ɨnû mɨ̀mə̌d ə kùʼnɨ̀.

Ikan feg

¹³ Chəyi wə̀d we tə̀mə kòʼò imbìghè abə Ŋwiye məyi imbə̀ʼ icheg ne we zùghə mə̀nɔ̀ʼɔ̀ Muse. Wə̀d ya tə̀mə kòʼò məyi ane we fàʼà inug mbe ne mə̀nɔ̀ʼɔ̀ mbe ghà.

Rm 2:13 Referans Kwoze

1 Jɔn 3:7

Mbɨ bɔn nɨ mə̀ ghaʼi kwàʼ rɨŋgəʼ, tɨ mbə̀ ben ə ni wə̀d mɔʼɔ tambɨ əwən. Wə̀d we nɨə ghɨ̀ ɨnû nɨ kuʼnɨ ə təm kùʼnɨ̀ ɨchî nɨ Kristo bə təm kùʼnɨ̀.

Rm 2:25

Ənû nɨ ne mbaŋə̀ yɨ ənû ə chɔ̀m əwù ze nɨ à nùŋ rɨkə. À mɨ yeʼə gùə̀ rɨkə, əne à fə sɨ ɨghabɨ ni chəi mbɨ kɨrɨ ne əwe.

Gàlesìyà 2:16

Ənû nɨ tɨ̀ kyerɨ yɨ ni chəi wə̀d təm kùʼnɨ̀ ɨfě Ŋwiə̀ ɨchî nɨ wɨə nùŋə̀ tɨkə rɨ Mose. Wɨ̀ təm kùʼnɨ̀ àmei ɨchî nɨ wɨ̀ nuŋ fîŋ ɨgun ə Yeso Kristo. Mba bə̂ fə nuŋ fîŋ ɨgun ə Kristo Yeso, əne tɨ̀ fə təm kùʼnɨ̀ ənjìm ɨchî nɨ tɨ̀ nuŋ fîŋ ɨgun ə Kristo, kaʼi ɨmbə̀ʼ ɨchî nɨ tɨ̀ nuŋ tɨkə rɨ Mose. Chəi wə̀d bɨrɨ təm kùʼnɨ̀ ɨchî nɨ wɨə nùŋə̀ rɨkə.

1 Jɔn 2:29

Mbə mɨ kyerɨ ni Kristo wɨə ghɨ̀ ɨnû nɨ kuʼnɨ, njɨ mbə bɨrɨ bɨ kyerɨ ni wə̀d jìm we nɨə ghɨ̀ ɨnû nɨ kuʼnɨ yɨə wə̀d Ŋwìə̀.

Rm 10:5

Mose nyaʼa ŋwàʼnɨ̀ ɨmbə̀ʼ ɨnû nɨ təm kùʼnɨ̀ ɨchî nɨ zɨə yeʼ rɨkə ni, “Wə̀d we nɨə ghɨ̀ ɨnû mbe nɨ yeʼ ɨŋga rɨkə bɨrɨ chub ɨkǎ ɨmbə̀ʼ rɨwən.”

Lk 8:21

Àyɨə wɨ̀ nyaʼa ghà əmbɨ mɨ̀mə̌d ni, “Mɨ nɨ̌ŋ mbɨ mbɨ bɔŋgɔb yɨə bə̂d mbe nɨə zu ɨŋgam Ŋwiə̀ bə̀ ghɨ̀ə̀.”

Rm 3:30

ɨchî nɨ məd mei we mɔʼ. Wɨ̀ bɨrɨ ghɨ ni bə̂d mbe nɨ mbɨ ne mɨ̀mə̌d təm kùʼnɨ̀ ənjìm ɨbenɨ. Wɨ̀ bɨrɨ bɨ ghɨ̀ ni bə̂d mbe nɨ chəi mbɨ ne mɨ̀mə̌d bə təm kùʼnɨ̀ ənjìm ɨbenɨ.

Ɨ̀fàʼì 13:39

Əne Ŋwìə̀ fə waʼ ɨnû rɨbɔ̀ŋ wə̀d mɔʼ mɔʼ we nɨ ben ə Kristo, nɨ chəi tɨkə rɨ Mose te tɨ̀ rɨ nyaʼa waʼ.

Lk 18:14

Mə ghà ɨ nən ni, ənɨ əfetɨ mɨ̀tagsɨ̀ we nyaʼa wò ɨnuʼ, wɨ̀ nyaʼa ghɨ̀ ənû nɨ kuʼnɨ ɨfě Ŋwiə̀ chè Farisiî we. Mbə̀ kyerɨ ni wə̀d jìm we nɨ nɔ i ɨnyod, Ŋwìə̀ bɨrɨ swi əməd, àyɨə wə̀d jìm we nɨ swi i ɨnyod, Ŋwìə̀ bɨrɨ nɔ əməd.”

Gàlesìyà 5:4

Mbə̀n mbe nɨə kə̀b təm kùʼnɨ̀ ɨchî nɨ mbə̀ə nùŋ rɨkə, fə sùŋgɨ̀ rɨ ənɨ ə Kristo. Mbə̀ fə ton ɨ̀chɔ̀m we nɨ Ŋwìə̀ ghɨ̌ ənɨ nən.

Rm 3:23

ɨmbə̀ʼ ɨghəm nɨ bə̂d mɨ̀jìm fə ghɨ̀ ɨnû rɨbɔ̀ŋ əne chəi wɨrɨ i ɨzeŋɨ zeŋɨ Ŋwiə̀ ɨŋga mɨ̀mə̌d.

Rm 3:20

Chəi wə̀d mɔʼɔ əŋgu nɨ təm kùʼnɨ̀ ɨfě Ŋwìə̀ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌. Tɨkə tɨə ghɨ̀ə̀ ni bə̂d kyerɨ ni ɨ mbɨə ghɨ̀ ɨnû rɨbɔ̀ŋ.

Jn 13:17

Tɨ̀nîn nɨ mbə̀ fə kyerɨ ɨnû mbɔ̂, Ŋwìə̀ zɨ əbɔrəbɔd ɨgwɨ nən ənɨ mbə̀ ghɨ mbɨwən!

1 Kɔrèn 4:4

Chəi mə̀ kyerɨ ənû rɨbɔ̀ŋ ə mɔʼɔ ze nɨ mə ghɨ, àyɨə zɨ rɨka chwi i ni chə mə̀ kweʼ ghɨ̀ ənû rɨbɔ̀ŋ. Àmei Ə̀nùŋɨ̀sɨg we nɨ tɨ̀ wɨ̀ saʼ əmɨ.

Jems 1:27

Ənû ə Ŋwìə̀ ze nɨ Ŋwiə̀ Mbǎʼ ben ni zɨə zeŋ, nɨ chəi ənû rɨbɔ̀ŋ ɨŋga, yɨ nɨ nəŋgɨ mɨchɨ bə̀ fɔrɨ nɨ nəŋgɨ mɨku əyi mbe nɨə zəə ŋgəʼ. À yɨə bə ni tɨ wə̀d ben i ɨnû rɨŋga ɨsɨg chəkɨ i əməd.