Rm 14:23 - Meta’

²³ Ŋwiə̀ bɨrɨ zɨ ɨsaʼi ɨgun ə bə̂d mbe nɨə bid ɨkwɨ əghɨjɨg ə mɔʼɔ bɔŋ wɨrɨ jɨg, ɨmbə̀ʼ ɨghəm nɨ chəi mbɨə jɨg ənjìm ɨbenɨ. Ənû ə mɔʼɔ ze nɨ wə̀d ə ghɨ̀ə̀ nɨ chəi zɨə yeʼe rɨ ənɨ ɨbenɨ yɨ ənû rɨbɔ̀ŋ.

Ikan feg

²³ Àsi wə̀d we ne jə̀mə̀, bə̀ ywìrè jə̀ghə, tengàŋ gùg anug imbə̀ʼ icheg ne chəyi we jə̀ghə tì ibḛfiŋ. Inug ijìm mbe ne chəyi wə̀d we ghìyə̀ tì ibḛfiŋ ya inug tibɔ̀ŋ.

Rm 14:23 Referans Kwoze

Mə̀Hibrù 11:6

Ɨbenɨ mɨ bù i, chəi ənɨ tɨ̀ bə̂d ghɨ̀ fîŋ Ŋwìə̀ bɔ̀ŋ, ɨmbə̀ʼ ɨghəm nɨ wə̀d we nɨə kəb tindɨ ɨban ə Ŋwiə̀ berɨ ben ni Ŋwìə̀ wɨ əŋgu bə̀ ben ni wɨ̀ bɨrɨ chɔʼ ə̀fàʼì bə̂d mbe nɨə kə̀b əməd ənɨ tə fîŋ rɨ̀jìm.

Tayitùs 1:15

Ɨnû jìm ə zeŋ əmbɨ ə bə̂d mbe nɨ fîŋ tɨ mɨ̀mə̌d zeŋɨ, àyɨə chəi mbɨ zeŋɨ əmbɨ ə bə̂d mbe nɨ chəi fîŋ tɨ mɨ̀mə̌d bə zeŋ. Chəi mbɨ bə zeŋ əmbɨ mbe nɨ chəi mbɨ nuŋ fîŋ ɨgun ə Kristo, ɨmbə̀ʼ ɨghəm nɨ ɨbə fə nyɨ ɨŋga tɨkɔndɨ tɨ mɨ̀mə̌d bə̀ nyɨ ɨŋga fîŋ tɨ mɨ̀mə̌d.

1 Kɔrèn 8:7

Àyɨə kaʼi wə̀d jìm kyerɨ ənû zɔ̂. Bə̂d mɔʼɔ mbe nɨ fə jeŋgɨ mə̀d mbɨ mbɨ̀anèŋ mɨ yeʼə jɨgə tɨkwɨ rɨjɨg tɔ̂, ɨ mbɨə kɨrɨ kɔndɨə ni à yɨ rɨjɨg nɨ mbɨ naʼ ənɨ əghɨ ə̀fà əmbɨ mbɨ̀anèŋ. Əne fîŋ tɨ mɨ̀mə̌d te nɨ bɔrɨ tɨə saʼə mɨ̀mə̌d, mbɨ sɨə kɔndɨə ni mbə mbɨ rɨzeŋ.

Rm 14:5

“Wə̀d mɔʼɔ wɨə kɔndɨə ni ɨni mɔʼɔ ə bɔ̀ŋ chè ɨni cherə. Wɨ cherə wɨə kɔndɨə ni ɨni jìm yɨ əndəŋ əndəŋ. Wə̀d mɔʼ mɔʼ ben ni ənû ze nɨ wɨə kɔndɨə yɨ əze nɨ kuʼnɨ.

Rm 13:2

Əne wə̀d we nɨ ton bə̂d mbe nɨə tùmbɨ̀ əbeŋ, fə bə̀ ton bə̂d mbe nɨ Ŋwìə̀ chɔʼɔ. Bə̂d mbe nɨ ghɨ əne bɨrɨ zɨ ɨsaʼi ɨgwɨ mbə ɨtu,