Rm 14:13 - Meta’

¹³ Tɨ tɨrə̀ bə̀ saʼ a mba bɔŋgɔb, àyɨə tɨ̀ nuŋ ɨŋga ta fîŋ ni chəi tɨ̀ bɨrɨ nuŋ əghɨ nɨ tɨ̀ wə̀d tɨgrɨ ɨgun, kɨ̀ əghɨ nɨ tɨ̀ zɨə kən ɨnə̂njɨ̀ əmbɨ wa aŋgɔb.

Ikan feg

¹³ Ane, imbə̀ʼ tì ywiri sɔ̀bɔ awa isaʼi igun wə̀d gha wè gùg anug. Mbə̀ nɔŋɔ inga ìtən fìŋ gha chəyi mbə̀ biri ghì wə̀d mɔ̀ʼɔ abɔ̀ʼ inən gùg anug, kə̀ ghì ìwən ifi kùn feg.

Rm 14:13 Referans Kwoze

2 Kɔrèn 6:3

Chəi tɨə kən ɨnə̂njɨ̀ əmbɨ wə̀d mɔʼɔ, ɨmbə̀ʼ tɨ mbɨ gha ə ənû rɨbɔ̀ŋ ɨmbə̀ʼ ə̀fàʼì ze nɨ tɨə fàʼə̀.

Jems 4:11

Mbɨ bɔŋgɔb, tɨ wə̀d gha i ɨnû rɨbɔ̀ŋ ɨgwɨ wi aŋgɔb. Wə̀d we nɨə ghà ɨnû rɨbɔ̀ŋ ɨgwɨ wi aŋgɔb kɨ̀ beə saʼ əməd wɨə ghàə̀ ni tɨkə rɨ Ŋwiə̀ rɨka kuʼi. Məd wɨə bə̀ saʼə tɨkə rɨ Ŋwiə̀. Àwɔ̀ mɨ yeʼ wə̀d nɨə saʼə tɨkə rɨ Ŋwiə̀, njɨ kaʼ àwɔ̀ wɨə nùŋ e rɨkə te. À wɨə saʼə rɨwən.

Lk 12:57

“Əton nɨ mbə kyerɨ ənû nɨ kuʼnɨ, àyɨə chəi mbə̀ə ghɨ̀ə̀ kɨ ɨmbə̀ʼ ə ye?

Matìyò 7:1

“Tɨ mbə̀ saʼ e bə̂d cherə, ɨmbə̀ʼ tɨ Ŋwìə̀ bɨ saʼ i əwən.

Rm 16:17

Mbɨ bɔŋgɔb, mə wɨə buʼ ɨbɔ ɨ nən ni mbə̀ we əwən mbɨ ə bə̂d mbe nɨə ghɨ̀ ni bə̂d Kristo ghabrə mbɨ ni mbɨ feb ɨnə̂njɨ̀. Ɨ mbɨə ghɨ̀ əne ɨchî nɨ mbɨə ton ɨnû mbe nɨ mbə̀ nyaʼa fə be kwembɨ. Tɨ mbə̀ tiinɨ ə ɨban mɨ̀mə̌d,

Rm 14:10

“À kɨə sob ɨsaʼi ɨgwɨ we aŋgɔb ɨmbə̀ʼ ə ye? Kɨ̀ à kɨə tə̀ə̀nɨ̀ we aŋgɔb ɨmbə̀ʼ ə ye? Mbə̀ kyerɨ ni mba mɨjìm bɨrɨ təm ɨfě Ŋwiə̀ ni wɨ̀ saʼ əwa.

Lk 17:2

Zɨə bɨrɨ bɔ̀ŋ ni mbɨ tiŋ ɨti ŋgə̀ŋ ədɔʼ ɨ bɔ wò màʼ əməd ɨŋga rɨ̀bàà, chè ɨchî nɨ tɨ mbɨ sàŋ ni wɨ̀ ghɨ̀ wan kwa mɔʼɔ rəbɔʼ mbɔ̂ ghɨ ənû rɨbɔ̀ŋ.

Ɨnû 2:14

Àyɨə mə berɨ ɨnû mɔʼɔ rɨpiî ɨmbə̀ʼ əwe. Bə̂d mɔʼɔ mbɨ əkaʼ nən nɨə beenɨ əbɔʼ ɨnû mbe nɨ Balàm nyaʼə chwiə. Balàm nyaʼa chwi ɨchî əmbɨ Balàk ni wɨ̀ febrɨ mɨ̀Izre ɨmbə̀ʼ mbɨ jɨg ɨghɨ mbe nɨ mbɨ nyaʼa naʼ ənɨ ɨghɨ ə̀fà əmbɨ mbɨ̀anèŋ. Wɨ̀ nyaʼa bə̀ febrɨ mɨ̀mə̌d ni mbɨ ghɨ̀ ɨfabrɨ ɨnû.

Jems 2:4

njɨ chəi mbə̀ kɨrɨ ghabrɨ bə̂d əkaʼ nən, bə̀ saʼ bə̂d mbɨ rɨkɔndɨ rɨbɔ̀ŋ ə?

1 Kɔrèn 11:13

Mbə̀ kwaʼnɨ mbə ɨtu zə ni zɨə wa bɔ̀ŋ ni əyi kɔŋgɨ ə Ŋwiə̀ nɨ chəi wɨ̀ kubrɨ e ətu ə?

1 Kɔrèn 10:32

Mbə̀ we əwən ni tɨ mbə̀ ghɨ ə ənû ə mɔʼɔ ze nɨ bɨrɨ ghɨ ni mɨ̀Jû kɨ̀ bə̂d mbe nɨ kaʼi mɨ̀Jû kɨ̀ bə̂d rɨŋga ɨfetɨ bə̂d Ŋwiə̀ gu ənû.

Rm 14:4

Àwɔ̀ kɨə we nɨə sob ɨsaʼi ɨgwɨ ə wə̀d ə̀fàʼì wə̀d cherə ə? À yɨ mbǎʼ ə̀fàʼì məd bɨrɨ gha ni wɨ̀ fə fàʼ ɨchî chɔ̀m kɨ̀ ni wɨ̀ fə faʼ ɨchî rɨbɔ̀ŋ. Wɨ̀ bɨrɨ faʼ ɨchî chɔ̀m ɨmbə̀ʼ ɨghəm nɨ Ə̀nùŋɨ̀sɨg ə berɨ ɨka nɨ ghɨ ni wɨ̀ ghɨ əne.

Matìyò 18:7

“Ŋgəʼ bɨrɨ nyɨ ɨgwɨ ɨsɨg ɨmbə̀ʼ ɨnû mbe nɨə ghɨ̀ə̀ ni bə̂d ghɨ ənû rɨbɔ̀ŋ! Ɨnû mbe nɨə ghɨ̀ ni bə̂d ghɨ ɨnû rɨbɔ̀ŋ berɨ yeʼe, àyɨə ŋgəʼ bɨrɨ nyɨ ɨgun ə wə̀d we nɨ ɨnû mbe nɨə ghɨ̀ ni bə̂d ghɨ ɨnû rɨbɔ̀ŋ che ənjìm məd yeʼe!

Matìyò 16:23

Àyɨə wɨ̀ nyaʼa bèŋ ghà əmbɨ Pità ni, “Àwɔ̀ Satàn, nɔʼ e rɨ ɨban num! À wɨə kən ɨnə̂njɨ̀ ɨ num, ɨmbə̀ʼ ɨghəm nɨ chəi à nuŋ e ɨkɔndɨ ɨgun ɨghɨ mbe nɨ Ŋwìə̀ kəbɨ. À nùŋ yeʼ ɨgun mbe nɨ bə̂d mɨ̀sɔŋɨchù kəbɨ.”

1 Jɔn 2:10

We nɨ ghaʼ wi aŋgɔb wɨ ɨŋga ɨzeŋɨ zeŋɨ, əne chəi ənû ə mɔʼɔ ɨŋga məd nɨ tɨ̀ zɨə ghɨ̀ wɨ̀ tɨ̀grə gù.

1 Timotì 5:14

Əne mə wɨə kəərɨə mɨku əyi mbe nɨ chəi mbɨ kɨrɨ nunə ni mbɨ wɨrɨ nam, gywɨ bɔn, nəŋgɨ bə̂d mbe nɨ yeʼ ɨŋga nəb tɨ mɨ̀mə̌d, ɨmbə̀ʼ tɨ bə̂d pə̀n berɨ ə əpan nɨ gha ɨnû rɨbɔ̀ŋ ɨgwɨ na,

Fìlipì 1:10

ɨmbə̀ʼ mbə̀ chɔʼ əze nɨ jeŋgɨ bɔ̀ŋ. Mbə mɨ ghɨ̀ əne, mbə bɨrɨ chub ɨzeŋɨ zeŋɨ fɔrɨ ni chəi bə̂d bɨrɨ gha ɨnû rɨbɔ̀ŋ ɨmbə̀ʼ əwən əni ze nɨ Kristo bɨrɨ wɨrɨ yeʼe.

2 Kɔrèn 5:14

Əghɨ ze nɨə tin əwa yɨ ɨghaʼi we nɨ Kristo ghaʼ əwa. Tɨ̀ kyerɨ əne ɨmbə̀ʼ ɨghəm nɨ wə̀d mɔʼ nyaʼa kwɨ ɨgwɨ ətu ə bə̂d mɨjìm, əne bə̂d mɨjìm fə bə̀ kwɨ.

Rm 11:9

Ɨfɔ̂n Dèvîd nyaʼa bə̀ ghà ni, “Əsɨ ze nɨ mbɨə jɨg əŋgu yɨ ətam nɨ mbɨ bɨrɨ gywɨ mɨ̀mə̌d ɨŋga. À yɨə bə̀ əgum ze nɨ mbɨ bɨrɨ gu ɨgun, bə̀ yeʼ əsɨ nɨ mbɨ bɨrɨ chə mɨ̀mə̌d əŋgu.

Rm 14:3

Tɨ we nɨə jɨg ɨghɨjìm təənɨ i we nɨ chəi wɨə jɨg ɨghɨjìm. Tɨ we nɨ chəi wɨə jɨg ɨghɨjìm bɨ sob i ɨsaʼi ɨgwɨ we nɨə jɨg ɨghɨjìm, ɨmbə̀ʼ ɨghəm nɨ Ŋwìə̀ fə nɨŋ əməd ənɨ wi.