Rm 11:28 - Meta’

²⁸ À yeʼ ɨmbə̀ʼ ɨkə̂n chɔ̀m, mɨ̀Jû yɨə bə̂d pə̀n Ŋwiə̀ ɨmbə̀ʼ əwən. À yeʼ ɨmbə̀ʼ ɨchî nɨ Ŋwìə̀ chɔʼ mɨ̀mə̌d, Ŋwiə̀ ə ghaʼ mɨ̀mə̌d kwàʼ rɨŋgəʼ ɨmbə̀ʼ mɨ̀mbǎʼ mɨ̀mə̌d rəŋwe.

Ikan feg

²⁸ Icheg ne mə̀Ju to̰ awɔb ikən chɔm gho̰, mbɔb ya si bəd ìpàb Ŋwiye imbə̀ʼ awən, mbə̰ mbe ne kayi mə̀Ju. Si ya gha, icheg ne mbɔb yaʼi inəbi ne Ŋwiye ya fə chɔʼi, mbɔb ya si mə̀sə̀ʼ məd anjìm ìmbɔb mə̀mbaʼ kyen mbe te aneg.

Rm 11:28 Referans Kwoze

Rm 11:7

Əne kɨ nɨ yè ə? Chəi mɨ̀Izre nyaʼa berɨ əghɨ ze nɨ mbɨ nyaʼə kə̀bə̀. Bə̂d mbe nɨ Ŋwìə̀ nyaʼa chɔʼɔ nyaʼa berɨ əzɨ əwən, àyɨə ə̀bùʼ ə bə̂d nyaʼa ghɨ̀ tə fîŋ tu.

Rm 9:5

Mbɨ yɨə bɔn tɨ ənɨ əghaŋ mɨ̀mbǎʼ ɨnəbɨ mɨ̀Izre. Wə̀d we nɨ Ŋwìə̀ zɔʼɔ ə jwɨ̀ rɨŋga ɨnəbɨ we. Məd yɨə Ŋwìə̀ we nɨə tùmbɨ̀ ɨghɨjìm. Tɨ̀ yiirɨ ə Ŋwiə̀ koŋ. À yɨ əne.

Matìyò 21:43

Əne mə ghà ɨ nən ni Ŋwìə̀ bɨrɨ nɨŋ ənû ɨfɔ̀n əməd rɨ nən, sɨ nàʼ əmbɨ ə bə̂d mbe nɨ bɨrɨ sɨə ghɨ̀ ɨnû mbe nɨ wɨ̀ kə̀bɨ.”

Rm 11:11

Əne mə wɨə biirɨə ni mbɨ kə̀ʼ tɨgrɨ ɨmbə̀ʼ wɨrɨ gu ə? Chə̂! À yɨ ɨmbə̀ʼ ɨchî nɨ mbɨ nyaʼa gu ənû nɨ bə̂d mbe nɨ kaʼi mɨ̀Jû nyaʼa jwɨ rəŋgəʼ. Mbɨ nyaʼa jwɨ̀ ɨmbə̀ʼ mɨ̀Jû ghɨ ə̀dìì.

Rm 11:30

Ɨchî nɨ mbə̀ nyaʼa kweʼ ghɨ̀ rɨ̀zuə̀ əmbɨ ə Ŋwiə̀, əne tɨ̀nîn wɨ̀ fə dììrɨ̀ əwən ɨmbə̀ʼ ɨghəm nɨ mɨ̀Jû nyaʼa bə̀ ghɨ rɨ̀zuə̀.

Rm 5:10

ɨmbə̀ʼ ɨghəm nɨ ənɨ tɨ̀ nyaʼa kɨrɨ bə̂d pə̀n Ŋwiə̀, wɨ̀ nyaʼa màànɨ̀ taŋ mbɨ na ənjìm ɨvɨ Wan məd. Tɨ̀nîn nɨ tɨ̀ fə maanɨ taŋ, ɨ̀tènɨ̀ Kristo bɨrɨ ghɨ ni tɨ̀ jwɨ rəŋgəʼ.

Ɨ̀fàʼì 18:6

Ənɨ mbɨ nyaʼa ton ɨŋgam we nɨ wɨ̀ nyaʼə ghàə̀ bə̀ kɔ zɔm əməd, wɨ̀ nyaʼa kùd mbi ɨ̀tǒŋ, ghà əmbɨ mɨ̀mə̌d ni, “Ndɔ̀n bɨrɨ nyɨ àmei ɨgwɨ nən! Mbɨ ɨbɔ ə zeŋ. Ɨ kɔ rɨ̀nîn mə bɨrɨ wo əsɨ bə̂d mbe nɨ kaʼi mɨ̀Jû.”

Ɨ̀fàʼì 14:2

Àyɨə mɨ̀Jû mbe nɨ chəi mbɨ nyaʼa ben Kristo nyaʼa no bə̂d mbe nɨ kaʼi mɨ̀Jû, chə̀kɨ̀ fîŋ tɨ mɨ̀mə̌d ni mbɨ kɔ ban bə̂d mbe nɨ nyaʼa ben ə Kristo.

Lk 1:54

Wɨ̀ fə wèèrɨ̀ wə̀d ə̀fàʼì məd, Izre, ɨchî nɨ wɨ̀ nyaʼa kaʼi ni tə bɨrɨ diirɨ bə̂d.