Rm 1:3 - Meta’

³ Ɨkə̂n chɔ̀m wɔ̂ yɨ ɨmbə̀ʼ Wan məd, nɨ nyaʼə tɨ ənɨ əghaŋ ə Dèvîd ənɨ ɨgywɨ.

Ikan feg

³ Ikən chɔm gho̰ ya imbə̀ʼ Ŋwan məd. Icheg wə̀d-aku, mbi ya gwi aməd inga inəbi fɔn Dèvid.

Rm 1:3 Referans Kwoze

Matìyò 1:1

Wɔ̂ yɨ ɨwaŋ tɨ̀ghə̀m rɨ mɨ̀mbǎʼ Yeso Kristo rəŋwe. Yeso Kristo yɨə wan tɨ ənɨ əghaŋ ə Dèvîd we nɨ nyaʼə wan tɨ ənɨ əghaŋ ə Abràham.

Gàlesìyà 4:4

Àyɨə ənɨ ə nyùmə̀ nyaʼa fə kuʼu, Ŋwìə̀ nyaʼa tom i Wan. Mbɨ nyaʼa gywɨ əməd ɨghabɨ ə wə̀d mɨ̀sɔŋɨchù. Wɨ̀ nyaʼa bə̀ kwi ɨŋga rɨ̀kə̌,

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 1:49

Natanaèl nyaʼa wììrɨ̀ ɨ bɔ ni, “Əchwiə̀-ɨnû, àwɔ̀ yɨə Wan Ŋwìə̀! Àwɔ̀ yɨ ɨfɔn mɨ̀Izre!”

Lk 1:35

Aŋgɨrə̀ we nyaʼa wììrɨ̀ ɨ bɔ ni, “Əzwî ə Zeŋɨ bɨrɨ yeʼe ɨgwɨ ne, əne ɨka Ə̀chè-ɨsɨg bɨrɨ kubrɨ əwe. Mbɨ bɨrɨ tɔŋ wan zeŋɨ we nɨ à bɨrɨ gywɨ ni məd yɨə Wan Ŋwìə̀.

1 Tèsàlonikà 1:10

Mbɨ nyaʼa bə̀ ghà ni mbə mbɨə wòmə̀ ni Wan Ŋwìə̀ we nɨ wɨ̀ nyaʼa zwemnɨ wɨrɨ yeʼe rɨkaŋ. Wan we yɨə Yeso we nɨə chɨ̀ əwa rɨŋga ŋgəʼ ze nɨ Ŋwìə̀ bɨrɨ sə ɨtəm chə bə̂d ɨnû rɨbɔ̀ŋ.

Rm 9:5

Mbɨ yɨə bɔn tɨ ənɨ əghaŋ mɨ̀mbǎʼ ɨnəbɨ mɨ̀Izre. Wə̀d we nɨ Ŋwìə̀ zɔʼɔ ə jwɨ̀ rɨŋga ɨnəbɨ we. Məd yɨə Ŋwìə̀ we nɨə tùmbɨ̀ ɨghɨjìm. Tɨ̀ yiirɨ ə Ŋwiə̀ koŋ. À yɨ əne.

Jn 20:28

Tomas nyaʼa gha ɨ bɔ ni, “Mɨ Ə̀nùŋɨ̀sɨg mbɨ mɨ Ŋwiə̀!”

Jn 10:30

Mɔ̌ mbɨ mɨ Mbǎʼ wɨ ənɨ ənû ə mɔʼ.”

Matìyò 1:16

Jakɔ̂b yɨə nyaʼə mbǎʼ Jòsêf we nɨ nyaʼə ɨnom Mèri we nɨ nyaʼa gywɨ ə Yeso we nɨ mbɨə tɔŋ ənɨ ə Kristo.

2 Timotì 2:8

Kɔndɨ ə Yeso Kristo, nɨ nyaʼə wan tɨ ənɨ əghaŋ ə Dèvîd. Ŋwìə̀ nyaʼa zwemnɨ məd. Wɔ̂ yɨ ɨkə̂n chɔ̀m we nɨ mɨə ghàə̀.

1 Kɔrèn 1:9

Ŋwìə̀ we nɨə ghɨ̀ ənû ze nɨ wɨ̀ kaʼi nyaʼa tɔŋ əwən ni mbə̀ chub ənɨ ɨfɔtɨ mbɨ Wan məd Yeso Kristo a Ə̀nùŋɨ̀sɨg.

Ɨ̀fàʼì 2:30

Ɨchî nɨ Dèvîd yɨə nyaʼə wə̀d ɨ̀kə̀n Ŋwìə̀, wɨ̀ nyaʼa kyerɨ ni Ŋwìə̀ nyaʼa fə kàʼ bə̀ kàn ni tə bɨrɨ nuŋ wan tɨ ənɨ əghaŋ əməd ni wɨ̀ jɨg ətən ɨfɔ̀n əməd.

Jn 20:31

Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.

Jn 10:36

Mbə̀ mbɨə ghà ɨmbə̀ʼ mɔ̌ we nɨ Mbǎʼ nyaʼa zɔʼɔ chà ɨŋga ɨsɨg ni mə wɨə zɔ̀m ə Ŋwiə̀ ɨmbə̀ʼ ɨchî nɨ mə̀ gha ni, 'Mə yɨə Wan Ŋwìə̀ ə'?

Jn 5:25

Mə ghà rəsìʼ ɨ nən ni nyùmə̀ wɨə yeʼe, əne nyùmə̀ rəŋgu fə yeʼe i, nɨ ɨvɨ bə̂d bɨrɨ zu gɨ̂ Wan Ŋwìə̀. Mbe nɨ zu bɨrɨ wɨrɨ tènə̀.

Lk 1:69

Wɨ̀ fə nàʼ wə̀d ɨka nɨ bɨrɨ chɨ əwa rəŋgəʼ. Məd yɨ rɨ ənɨ əghaŋ ə Dèvîd nɨ nyaʼə wə̀d ə̀fàʼì məd.

Matìyò 27:43

Wɨ̀ nyaʼa nuŋ i fîŋ ɨgun ə Ŋwiə̀, əne Ŋwìə̀ sɨ chɨ əməd rəŋgəʼ tɨ̀nîn əwù ze nɨ wɨ̀ kəb əməd, ɨmbə̀ʼ ɨghəm nɨ ɨ wɨə nyaʼə ghà ni, 'Mɔ̌ yɨə Wan Ŋwìə̀.'”

Matìyò 26:63

Yeso nyaʼa kəm i rəziə. Əne ətu ɨgwɨ ə bə̂d mbàn Ŋwìə̀ we nyaʼa ghà ɨ bɔ ni, “Gha we rəsìʼ ənɨ ɨkum Ŋwiə̀ we nɨ yeʼ ɨkǎ ni àwɔ̀ yɨə Wə̀d we nɨ Ŋwìə̀ zɔʼɔ, nɨ yeʼ Wan Ŋwìə̀.”

Matìyò 15:22

Əyi mɔʼɔ nɨ nyaʼa rɨ ə Kanàan, nɨ nyaʼə chub əbà əbeŋ ze nyaʼa wò əsɨ məd pè kyeŋ rɨkǎ ghà ni, “Masà! Wan Dèvîd! Diirɨ əmɨ! Əzwî rɨbɔ̀ŋ ə fə nyɨ ɨŋga mɨ wan əyi. Ə zɨə kàŋə̀ chə əməd kwàʼ rɨŋgəʼ.”

Matìyò 12:23

Bə̂d mɨ̀jìm nyaʼa zə əne yiirɨ ghà ni, “Tɨ̀ mbɨ nàʼ wɔ̂ yɨə Wan Dèvîd ə?”

Matìyò 9:27

Ənɨ Yeso nyaʼə nɔ̀ʼə̀ rɨ əsɨ ze, mbaŋə̀ rɨ̀be nɨ nyaʼa fɨgə nyaʼə beenɨ əbɔʼ məd yènə̀ kyeŋə rɨ̀kǎ ghàə̀ ni, “Wan Dèvîd, diirɨ əwa!”

Matìyò 3:17

Gɨ̂ nyaʼa ghàm rɨkaŋ ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd.”

Matìyò 1:6

Jesè yɨə nyaʼə mbǎʼ ɨfɔ̀n Dèvîd. Ɨfɔ̂n Dèvîd yɨə nyaʼə mbǎʼ Solomòn we nɨ ɨŋgɔb məd nyaʼa kweʼ nam ə Urià.

Ɨnû 2:18

Ə̀nùŋɨ̀sɨg nyaʼa bə̀ gha ɨ num ni: “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Tìatirà ni, 'Ɨŋgam wɔ̂ yɨ rɨ əmbɨ ə Wan Ŋwìə̀ we nɨ əghə əməd ə berɨ ɨghabɨ ɨnemɨ ɨwid, nɨ tɨkyerɨ-ɨwu məd yeʼ ɨghabɨ ə brɔnz nɨ mbɨ chiʼi.

2 Jɔn 1:7

Mətambɨ-bə̂d mɨ̀nɔnɔʼ fə jàŋ ɨŋga ɨsɨg. Chəi mbɨ ben ni Yeso Kristo nyaʼa yeʼe ɨŋga ɨsɨg ɨŋga nyamnyod wə̀d mɨ̀sɔŋɨchù. Ɨkwɨ wə̀d ɨghabɨ wɔ̂ yɨ ətambɨ-bə̂d fɔrɨ wə̀d pə̀n Kristo.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

1 Jɔn 5:5

À kɨə we nɨ tɨ̀ wɨ̀ baŋ ɨsɨg ə? Àmei wə̀d we nɨ ben ni Yeso yɨə Wan Ŋwìə̀.

1 Jɔn 5:1

Wə̀d we nɨ ben ni Yeso yɨə Wə̀d we nɨ Ŋwìə̀ zɔʼɔ yɨə wə̀d Ŋwìə̀. Wə̀d we nɨ ghaʼ mbǎʼ wan, ə bə̀ ghaʼ wan məd.

1 Jɔn 4:15

Wə̀d we nɨ ben ni Yeso yɨə Wan Ŋwìə̀ wɨ ənɨ ənû ə mɔʼ mbɨ ə Ŋwìə̀. Ŋwìə̀ wɨə bə̀ ənɨ ənû ə mɔʼ mbɨ məd.

1 Jɔn 3:23

Ɨkə we nɨ Ŋwìə̀ naʼ ɨ na yɨ ni tɨ ben Wan məd Yeso Kristo bə̀ ghaʼ mba bɔŋgɔb. Tɨ̀ ghɨ əne àmei ɨchî nɨ Kristo nyaʼa fə gha ɨ na.

1 Jɔn 3:8

Wə̀d we nɨə ghɨ̀ ɨnû rɨbɔ̀ŋ yɨə wə̀d Debɨ̀rə̀. À yɨ əne ɨmbə̀ʼ ɨghəm nɨ Debɨ̀rə̀ nyaʼa kɔ ghɨ̌ ənû rɨbɔ̀ŋ tɨ ənɨ Ŋwìə̀ nyaʼa tekɨ ɨsɨg. Wan Ŋwìə̀ nyaʼa yeʼe ɨmbə̀ʼ nimnɨ ɨnû mbe nɨ Debɨ̀rə̀ nyaʼə ghɨ̀ə̀.

1 Jɔn 1:3

Ɨnû mbe nɨ tɨ̀ nyaʼa zə bə̀ zu yɨ mbɔ̂ tɨə ghà ɨ nən. Əne yɨ ɨmbə̀ʼ mbə̀ fɔtɨ mbɨ na ənɨ ɨfɔtɨ we nɨ tɨ̀ berɨ mbɨ Mbǎʼ bə̀ berɨ mbɨ Wan məd Yeso Kristo.

1 Timotì 3:16

Ənû ze nɨ yeʼ ənə̀mə nɨ Ŋwìə̀ ghɨ tɨ kyerɨ ɨchî nɨ tɨ̀ ben ə Kristo yɨ ni: Kristo nyaʼa nɨŋ nyamnyod wə̀d mɨ̀sɔŋɨchù yeʼe ɨŋga ɨsɨg, Əzwî ə Zeŋɨ ə nyaʼa chwi ni məd wɨə ghɨ̀ ɨnû nɨ kuʼnɨ, mbɨ̀aŋgɨrə̀ nyaʼa zə əməd, mbɨ nyaʼa gha ɨmbə̀ʼ əməd ɨŋga ɨbeŋ jìm, bə̂d rɨŋga ɨsɨg jìm fə nuŋ tə fîŋ ɨgwɨ məd, Ŋwiə̀ nyaʼa nɨŋ əməd ɨkaŋ əne nàʼ ɨwumnɨ ɨ bɔ.

Rm 1:9

Ŋwìə̀ we nɨ mɨə fàʼ ɨ bɔ ənɨ mɨ fîŋ jìm, ɨchî nɨ mɨə ghà ɨkə̂n chɔ̀m ɨmbə̀ʼ Wan məd, yɨə zərɨmbin ɨ num ni ənɨ mɨ̀nyùmə̀ jìm mbe nɨ mɨə kɔ̀ŋgɨ̀ əməd, mə wɨə kɔndɨ əwən.

Ɨ̀fàʼì 9:20

Wɨ̀ nyaʼa nɔ̀ʼ əwu əwən wò nyɨ ɨŋga nəb ə̀kàtɨ̀ ze rɨ əsɨ ze kɔ gha ɨŋgam Ŋwiə̀ ɨmbə̀ʼ ə Yeso. Ɨ wɨə nyaʼə ghàə̀ ni, “Yeso yɨə Wan Ŋwìə̀.”

Ɨ̀fàʼì 8:36

Ənɨ mbɨ nyaʼə yènə̀ wò ɨgwɨ ɨnə̂njɨ̀ we, mbɨ nyaʼa pè əsɨ nɨ ətuŋ ə nyaʼa əŋgu, əne wə̀d kyeŋ we nyaʼa ghà ni, “Zə, à yɨ mɨnib mbɔ̂! À kɨə ye nɨ tɨ̀ zɨə kən ni tɨ mə̀ nɨŋ əmɨ mɨnib ə?” [

Ɨ̀fàʼì 3:13

Ŋwìə̀ Abràham, Ŋwìə̀ Aizìk mbɨ Ŋwìə̀ Jakɔ̂b, Ŋwìə̀ mba mɨ̀mbǎʼ rəŋwe nyaʼa wumnɨ i wə̀d ə̀fàʼì Yeso we nɨ mbə̀ nyaʼa yimɨ nàʼ ni mbɨ zwiirɨ. Mbə nyaʼa bə̀ ton əməd ɨfě Pailèt ənɨ wɨ̀ nyaʼa fə nuŋ ɨŋga i fîŋ ni tə bɨrɨ saŋ əməd wɨ̀ wò i.

Jn 7:42

Ɨmbə̀ʼ ə zɨ ɨŋga Ə̀ŋwàʼnɨ̀ ə Ŋwiə̀ ni Wə̀d we nɨ Ŋwìə̀ zɔʼɔ yɨə wan tɨ ənɨ əghaŋ ə Ɨfɔ̀n Dèvîd, fɔrɨ ni məd yɨ rɨ ə Betlehem, nɨ yeʼ əsɨ ze nɨ ɨfɔ̂n Dèvîd nyaʼa chub əŋgu ə?”

Jn 1:34

Mə fə zə, əne mə wɨə bə̀ ghà əmbɨ ə bə̂d ni məd yɨə Wan Ŋwìə̀.”

Rm 4:1

À kɨə ye nɨ tɨ̀ rɨ̀ ghà ni Abràham, a mbǎʼ rəŋwe, nyaʼa berɨ ɨchî nɨ wɨ̀ nyaʼa nuŋ fîŋ ɨgun ə Ŋwiə̀ ə?

Rm 9:3

Mə nyaʼa kàŋ kə̀b ni njɨ Ŋwìə̀ zɨ ndɔ̀n ɨgwɨ num, sob əmɨ tɨ ənɨ ɨfɔtɨ we nɨ mə berɨ mbɨ Kristo ɨmbə̀ʼ ətu mbɨ bɔŋgɔb mbe nɨ tɨ̀ fɔtɨ ɨnəbɨ.

1 Kɔrèn 10:18

Mbə̀ neŋ mɨ̀Izre: Ɨmbə̀ʼ bə̂d mbe nɨə jɨg ɨghɨ mbe nɨ mbɨ naʼ ənɨ ɨghɨ ə̀fà fə fɔtɨ mbɨ mbe nɨə naʼ ɨghɨ ə̀fà mbe əmbɨ ə Ŋwiə̀ ə?

1 Timotì 2:5

Ŋwìə̀ mei we mɔʼ. Wə̀d we nɨ yeʼ ɨŋga mɨgharə̀, maanɨə taŋ ze nɨ Ŋwiə̀ berɨ mbɨ ə bə̂d mei we mɔʼ. Təŋgàŋ yɨə Kristo Yeso.