Rm 1:11 - Meta’

¹¹ Mə wɨə kàŋə̀ kə̀b zə əwən, ɨmbə̀ʼ mə ghɨ̀ Əzwî ə naʼ ɨneʼe ɨ nən. Ɨneʼe we bɨrɨ ghɨ ni mbə̀ kaanə.

Ikan feg

¹¹ Mə ya bòʼo ibo ibo ane imbə̀ʼ icheg ne mə̀ kɔ̀ŋ ni bàd awən ni ghì gha mbə̀ bere ineʼi we ne Azwighi Ŋwiye ze nàʼà imbə̀ʼ təm kà.

Rm 1:11 Referans Kwoze

2 Pità 1:12

Mə wɨə nɔ̀ɔ̀rɨ̀ mbə ɨtu ɨghəm jìm ɨmbə̀ʼ ɨnû mbɔ̂, ka à bè yeʼi ni mbə fə bè kyerɨ ɨnû rəŋgu bə̀ kyerɨ ni mbə fə təm kàànɨ̀ ɨŋga rəsìʼ we nɨ mbɨ nyaʼa chwi ɨ nən.

Rm 16:25

Tɨ̀ yiirɨ ə Ŋwiə̀ we nɨ tɨ̀ wɨ̀ ghɨ̀ mbə təm kàànɨ̀ ənjìm ɨkə̂n chɔ̀m, ənjìm ɨŋgam we nɨ mɨə ghà ɨmbə̀ʼ ə Yeso Kristo bə̀ fɔrɨ ənjìm ɨnû mbe nɨ nyaʼa ənə̀mə tɨ əŋwe rəŋwe nɨ mbɨ fə du əsaŋ.

2 Tès 3:3

Àyɨə Ə̀nùŋɨ̀sɨg Yeso wɨə ghɨ̀ ɨnû mbe nɨ wɨ̀ kaʼi. Wɨ̀ bɨrɨ ghɨ tə fîŋ kaanə bə̀ kən əwən rɨ əmbɨ Satàn Wə̀d Ɨnû Rɨbɔ̀ŋ.

Rm 15:29

Mə kyerɨ ni ənɨ mə yeʼe əsɨ nən, əbɔrəbɔd ze nɨ Kristo ə nàʼ əbu əbu ə bɨrɨ swi ɨgwɨ nən.

1 Pità 5:12

À yɨə Sailàs weerɨ əmɨ ni mə ŋwaʼnɨ akə ə̀ŋwàʼnɨ̀ wɔ̂ ɨ nən. Məd yɨ aŋgɔb nɨ mə̀ kyerɨ ni wɨ̀ nuŋ fîŋ ɨgun ə Kristo. Mə ŋwàʼnɨ̀ ə̀ŋwàʼnɨ̀ zɔ̂ ɨmbə̀ʼ timbɨ əwən fɔrɨ nɨ ghɨ mbə̀ kyerɨ ni Ŋwìə̀ wɨə kàŋə̀ ghɨ̀ ɨ̀chɔ̀m ənɨ ə nən. Mbə təm kàànɨ ɨŋga ɨ̀chɔ̀m we.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

2 Tès 2:17

Wɨ̀ nəərɨ əwən bə̀ nàʼ ɨka ɨ nən ni mbə̀ ghɨ ənû chɔ̀m jìm bə̀ ghà ɨŋgam chɔ̀m jìm.

Ɨ̀fàʼì 19:6

Ənɨ Pɔ̂l nyaʼa zab mbi ɨbɔ ɨgwɨ mɨ̀mə̌d, Əzwî ə Zeŋɨ ə nyaʼa yeʼe ɨgwɨ mɨ̀mə̌d, mbɨ kɔ gham mɨŋgam rɨsɔ̀ʼɔ̀, bə̀ kɔ ghà ɨkə̂n Ŋwiə̀.

Ɨ̀fàʼì 16:5

Əze ə nyaʼa ghɨ̀ ni bə̂d rɨŋga tɨfetɨ bə̂d Kristo berɨ ɨbenɨ nɨ kaanɨ. Ɨnun bə̂d mbe nɨ nyaʼa ben ə Kristo wɨə nyaʼə nɔʼrɨə wò ɨmbì ɨni jìm.

1 Tèsàlonikà 3:13

Tɨ̀ wɨə kɔ̀ŋgɨ̀ə̀ ni wɨ̀ ghɨ tə fîŋ kaanɨ ɨmbə̀ʼ chəi ənɨ tɨ wə̀d mɔʼɔ zɨ ənû ɨgwɨ nən fɔrɨ ɨmbə̀ʼ mbə̀ chub ɨzeŋɨ zeŋɨ ɨfě Ŋwiə̀ a Mbǎʼ ənɨ a Ə̀nùŋɨ̀sɨg Yeso wɨrɨ yeʼe mbɨ mbi bə̂d.

1 Tèsàlonikà 3:2

Tɨ̀ nyaʼa tom wa aŋgɔb Timotì ni wɨ̀ yeʼe ghɨ tə fîŋ kaanə bə̀ tìmbɨ̀ əwən ɨchî nɨ mbə nuŋ fîŋ ɨgun ə Kristo. Məd wɨə fàʼ əmbɨ ə Ŋwiə̀ mbɨ na ɨchî nɨ tɨə ghà ɨkə̂n chɔ̀m ɨmbə̀ʼ ə Kristo.

Fìlipì 4:1

Mbɨ bɔŋgɔb, mə ghaʼ əwən bə̀ kàŋ kə̀b nɨ zə əwən. Mbə mbɨə ghɨ̀ ni mɨ fîŋ bɔŋ ə. Mbə yɨə bə̀ ɨchɔʼ ə̀fàʼì ənɨ ə̀fàʼì ze nɨ mə faʼi. Əne kyɨə bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ ɨchî nɨ mbə̀ yeʼ ənɨ ɨfɔtɨ mbɨ Ə̀nùŋɨ̀sɨg.

Fìlipì 2:26

Ɨ wɨə kə̀bə̀ ni njɨ tə zə əwən mbə̀n mɨjìm. Fîŋ zɨə tɔb əməd ɨmbə̀ʼ ɨchî nɨ mbə̀ nyaʼa zu ni wɨ̀ nyaʼa wɔ̀n.

Fìlipì 1:8

Ŋwìə̀ ə kyerɨ ni mə ghaʼ əwən fɔrɨ ni mə wɨə bə̀ kàŋ kəb zə mbə̀n mɨjìm. Mə wɨə ghɨ əne àmei ɨchî nɨ Kristo Yeso ziə ghaʼ əwən.

2 Kɔrèn 9:14

Mbɨ bɨrɨ kɔŋgɨ ə Ŋwiə̀ ɨgwɨ nən mbɨ ɨghaʼi ɨŋga tə fîŋ ɨmbə̀ʼ chɔ̀m kyeŋ we nɨ Ŋwiə̀ ghɨ ənɨ ə nən.

2 Kɔrèn 1:21

À yɨə Ŋwiə̀ ghɨ ni mbǎ mbɨ nən təm kàànɨ ɨchî nɨ tɨ̀ yeʼ ənɨ ɨfɔtɨ mbɨ Kristo. Wɨ̀ fə chɔʼ əwa ənɨ mbi bə̂d,

Rm 15:32

Mbə̀ ghɨ əne, ɨmbə̀ʼ Ŋwìə̀ mɨ benɨ, mə we tɨ̀ mə yeʼe əsɨ nən mbɨ ɨghaʼi, mbə ghɨ̀ mɨ fîŋ zùtɨ̀.

Rm 15:23

Àyɨə tɨ̀nîn nɨ chəi mə̀ wɨrɨ berɨ ə̀fàʼì ɨŋga ɨba ɨbeŋ mbɔ̂ mbɨ ɨchî nɨ mə nyaʼa kàŋ kə̀b ɨghəm ɨwu nɔnɔʼ nɨ yeʼ əsɨ nən,

Ɨ̀fàʼì 19:21

Ənɨ ɨnû mbɔ̂ nyaʼa fə che i, Əzwî ə Ŋwìə̀ ə nyaʼa ghɨ̀ Pɔ̂l nùŋ ɨŋga i fîŋ ni tə bɨrɨ chè ə Màsèdonià bə̀ chè ə Àkàiyà bɔŋ wò ə Jèrusalèm. Wɨ̀ nyaʼa ghà ni, “Mə mɨ fə wò pè əŋgu, mə berɨ bɨ wo ə Rom.”

Mə̀Hibrù 13:9

Tɨ mbə̀ ben əwən ni tɨkwɨrɨ ɨnû rɨ̀sɔ̀ʼ jìm mbe nɨ bə̂d ə chwiə beŋ tə fîŋ tɨ ənɨ ɨnə̂njɨ̀ rəsìʼ. À yɨ ɨ̀chɔ̀m Ŋwiə̀ bɨrɨ ghɨ ni tə fîŋ kaanə, kaʼi ənû nɨ zuunɨ rɨkə ɨmbə̀ʼ tɨjɨg. Chəi tɨkə te ə wèèrɨ̀ bə̂d mbe nɨə beenɨ əbɔʼ rɨwən.

2 Kɔrèn 11:4

Mə wɨə ghà əne ɨmbə̀ʼ ɨghəm nɨ mbə mbɨə zàmbɨ̀ə̀ benə wə̀d mɔʼɔ we nɨ yeʼe ghà ɨnû ɨ nən ɨmbə̀ʼ ə Yeso cherə chè rɨ ənɨ we nɨ tɨ̀ nyaʼa gha ɨ nən ɨmbə̀ʼ əməd, kɨ̀ ɨmbə̀ʼ əzwî ə cherə chè rɨ ənɨ əze nɨ mbə nyaʼa nɨŋɨ, kɨ̀ mbə zu ɨkə̂n chɔ̀m cherə chè rɨ ənɨ we nɨ mbə nyaʼa benɨ.

Rm 1:12

Əne yɨ ni, ɨbenɨ we tɨ̀ berɨ ɨgun ə Kristo tìmbɨ̀ əwa mbǎ mbǎ, wən tìmbɨ̀ wum, wum bə̀ tìmbɨ̀ wən.

2 Kɔrèn 1:15

Ənɨ mə̀ nyaʼa kyerɨ əne, mə nyaʼa kə̀b ni mə bɨrɨ be yeʼe əsɨ nən ɨmbə̀ʼ mbə̀ berɨ əbɔrəbɔd ɨghəm be.