Filemɔ̀n 1:24 - Meta’

²⁴ Mbɨ bɔŋgɔb mbe nɨ mɨə fàʼə̀ mbɨ mɨ̀mə̌d əne yɨə Mak, Àristakùs, Demàs mbɨ Luk bə̀ chàʼrɨ̀ əwe.

Ikan feg

²⁴ Mag tì Àristakùs tì Demàs fɔrɔ Lug ne yaʼi bəd àfàʼì Kristo icheg inum mbe bə̀ chàʼrà awe.

Filemɔ̀n 1:24 Referans Kwoze

Kòlosè 4:14

Luk, nɨ yeʼ wə̀d ɨfuʼ nɨ mə̀ ghaʼi kwàʼ rɨŋgəʼ fɔrɨ ə Demàs bə̀ chàʼrɨ̀ əwən.

Kòlosè 4:10

Àristakùs, nɨ mə yeʼ ə nəb ndəŋ mbɨ məd wɨə chàʼrɨ̀ əwən. Mak we nɨ məd mbɨ Banabàs yeʼ bɔn tɨ ənɨ əghaŋ ə wə̀d mɔʼ wɨə bə̀ chàʼrɨ̀ əwən. (Mbɨ fə gha ɨ nən ɨmbə̀ʼ əməd. Wɨ̀ mɨ yeʼe əsɨ nən mbə̀ nɨŋ əməd ɨchî chɔ̀m.)

Ɨ̀fàʼì 19:29

Ə̀bùùrɨ̀ ə nyaʼa swi ɨŋga əsɨ ze əjìm. Əne bə̂d mɔʼɔ nyaʼa gywɨ̀ ə Gayùs mbɨ Àristakùs nɨ nyaʼə rɨ ə Màsèdonià. Ɨ mbɨə nyaʼə bə̀ yènə̀ mbɨ Pɔ̂l. Mbɨ nyaʼa gywɨ̀ əne sùŋ mɨ̀mə̌d nɨŋ wò ə sǎm əferɨ.

Ɨ̀fàʼì 12:12

Ənɨ wɨ̀ nyaʼa kyerɨ əne, wɨ̀ nyaʼa wò əkwɨ Mèri, ɨŋgɔb Jɔ̌n, nɨ ɨkum məd cherə nyaʼə Mak. Bə̂d mɨ̀nɔnɔʼ nyaʼa fə fetɨ əŋgu. Əne ɨ mbɨə nyaʼə kɔ̀ŋgɨ̀ ə Ŋwiə̀.

Ɨ̀fàʼì 27:2

Tɨ̀ nyaʼa nyɨ əbaŋ ɨgyɨ̀ nɨ nyaʼa yeʼe rɨ ə Àdràmitiùm, nɨ nyaʼa sɨə wo nɔ̀ʼ yènə̀ təmbɨ ɨsɨ mbe nɨ ɨbaŋ ɨgyɨ̀ ə təmbɨ ə Esià. Mbaŋə̀ mɔʼɔ nɨ ɨkum məd nyaʼə Àristakùs, nɨ nyaʼa rɨ ə Tèsàlonikà ə Màsèdonià nyaʼa mbɨ na.

Ɨ̀fàʼì 12:25

Ənɨ Banabàs mbɨ Sɔ̂l nyaʼa maanɨ ə̀fàʼì ze nɨ mbɨ nyaʼa wo faʼ ə Jèrusalèm, mbɨ nyaʼa bə̀ndɨ̀ wò ə Antiɔ̀k. Ənɨ mbɨ nyaʼə bə̀ndɨ̀ə̀, mbɨ nyaʼa nɨŋ ə Jɔ̌n we nɨ ɨkum məd cherə nyaʼə Mak wò mbɨ məd.

3 Jɔn 1:8

Əne tɨ̀ berɨ kəŋgɨ bə̂d ɨghabɨ mbɔ̂, ɨmbə̀ʼ tɨ̀ faʼ ɨnɔ̂n mbɨ mɨ̀mə̌d ɨchî nɨ tɨə ghà rəsìʼ ɨmbə̀ʼ Kristo.

Fìlipì 4:3

Mə wɨə bə̀ gha ɨ ne, àwɔ̀ nɨə fàʼə̀ mbɨ num ənɨ e fîŋ jìm, ni à weerɨ məyi mbɔ̂ ghɨ̀ mbɨ chub ənɨ əbɔrəbɔd, ɨmbə̀ʼ ɨghəm nɨ mɨ̀mə̌d, Klemèn mbɨ ə bə̂d cherə fə fàʼ rɨkǎ mbɨ num nɨ ghà ɨkə̂n chɔ̀m. Tɨkum tɨ mɨ̀mə̌d tɨ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀.

Fìlipì 2:25

Mə kàŋ kɔndɨ ni zɨə bɔ̀ŋ ni mə̀ wɨrɨ tom ə Èpàfroditùs əsɨ nən. Məd yɨ wa aŋgɔb. Məd wɨə fàʼə̀ mbɨ num bə̀ ghà ɨkə̂n chɔ̀m mbɨ num ɨghabɨ ə sɔgyɨ̀ chɔ̀m. À yɨə məd nɨ mbə̀ nyaʼa tom ni wɨ̀ yeʼe weerɨ əmɨ.

2 Kɔrèn 8:23

À yeʼ ɨmbə̀ʼ ə Taitùs, məd wɨə fàʼə̀ mbɨ num ɨchî nɨ tɨə fàʼ ɨ nən ɨnɔ̂n. À yeʼ ɨmbə̀ʼ mba bɔŋgɔb, à yɨ tɨfetɨ bə̂d Kristo tom mɨ̀mə̌d. Ɨ mbɨə ghɨ̀ ni Kristo berɨ ɨwumnɨ.

Ɨ̀fàʼì 13:13

Pɔ̂l mbɨ ə bə̂d mbe nɨ nyaʼa mbɨ məd nyaʼa nyɨ əbaŋ ɨgyɨ̀, nɔ̀ʼ rɨ ə Pafɔ̀s wò ə Pegà nɨ nyaʼa ɨŋga əbà əbeŋ ze rɨ ə Pamfilià. Ənɨ mbɨ nyaʼa pè əŋgu, Jɔ̌n nyaʼa sàŋ mɨ̀mə̌d bə̀ndɨ̀ wò ə Jèrusalèm.

1 Pità 5:13

Mbə bɔŋgɔb mbe rɨŋga ɨfetɨ bə̂d Kristo we rɨ ə Babilɔ̀n cha ə̀chàʼrɨ̀ ɨ nən. À yɨə Ŋwiə̀ nyaʼa bə chɔʼ mɨ̀mə̌d. Mɨ wan, Mak, ə bə̀ chàʼrɨ̀ əwən.