Filemɔ̀n 1:21 - Meta’

²¹ Mə kàŋ kyerɨ ənɨ rəsìʼ ni à bɨrɨ ghɨ ɨnû mbe nɨ mə gha ɨ ne. Mə wɨə ŋwaʼnɨ ɨ ne ni à kyerɨ ni à bɨrɨ ghɨ ɨnû mbe chè ɨchî nɨ mə̀ nyaʼa ghɨ ɨ ne.

Ikan feg

²¹ Mə kyèri gha icheg ne mə ŋwàʼrà anìŋ, àghò biri fàʼ kwàʼ icheg ne mə̀ kəbi, bì fàʼ chè.

Filemɔ̀n 1:21 Referans Kwoze

2 Tès 3:4

Ə̀nùŋɨ̀sɨg ə fə ghɨ̀ ni tɨ̀ nuŋ ta fîŋ ɨgwɨ nən ɨchî nɨ mbə̀ə ghɨ̀ə̀ bə̀ kɨrɨ wò ɨmbì ghɨ̀ ɨnû mbe nɨ tɨ̀ gha ɨ nən.

2 Kɔrèn 2:3

Mə nyaʼa ŋwaʼnɨ ə̀ŋwàʼnɨ̀ ze ɨchî nɨ mə̀ nyaʼa ŋwaʼnɨ, ɨmbə̀ʼ mə mɨ yeʼe, tɨ bə̂d mbe nɨ kəʼ berɨ ghɨ ni ɨghaʼi swi ɨŋga mɨ fîŋ wɨrɨ bèŋ ə tɔɔnɨ mɨ fîŋ. Mə kyerɨ rəsìʼ ɨmbə̀ʼ mbə̀n mɨjìm ni ɨghaʼi mɨ swi ɨŋga mɨ fîŋ, wɨ bɨrɨ bɨ swi ɨŋga tən.

2 Kɔrèn 7:16

Mə kaŋ ghaʼ əku ɨmbə̀ʼ ɨghəm nɨ mə we tɨ̀ mə nùŋ mɨ fîŋ ɨgwɨ nən ənɨ ɨnû jìm!

Gàlesìyà 5:10

Mə wɨə nùŋ mɨ fîŋ ɨgwɨ nən ɨchî nɨ tɨ̀ yeʼ ənɨ ɨfɔtɨ mbɨ Ə̀nùŋɨ̀sɨg ni chəi mbə̀ bɨrɨ nɨŋ ɨkɔndɨ cherə chè rɨ ənɨ we nɨ mə̀ naʼ ɨ nən. Ŋwìə̀ bɨrɨ saʼ wə̀d we nɨə chə əwən, kɨ̀ à kɨə we njiʼ.

2 Kɔrèn 8:22

Əne tɨ̀ wɨə bə̀ chà wa aŋgɔb mbɨ mɨ̀mə̌d. Aŋgɔb wɔ̂ yɨ we nɨ tɨ̀ fə zweʼrɨ əməd ɨghəm nɔnɔʼ zə ni wɨə kaŋ ghaʼ ənû nɨ weerɨ ənɨ ɨnû nɔnɔʼ. Wɨ̀ ghaʼ ənû nɨ wèèrɨ̀ tɨ̀nîn chè ɨchî nɨ wɨ̀ nyaʼə bèə̀ ghɨ̀ə̀. Ɨ wɨə ghɨ̀ əne ɨmbə̀ʼ ɨghəm nɨ wɨ̀ fə nuŋ i fîŋ ɨgwɨ nən.

Rm 2:19

À kàŋ kyerɨ e ni tə wɨə yimə mbàŋ əmbɨ ɨfɨgɨ. À bə̀ kàŋ kyerɨ e ni tə yɨ ɨzeŋɨ zeŋɨ əmbɨ ə bə̂d mbe nɨ yeʼ ɨŋga ɨsɨ firɨ.