Mk 9:7 - Meta’

⁷ Pàʼ mɔʼɔ nyaʼa kubrɨ mɨ̀mə̌d, əne gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨə mɨ Wan nɨ mə̀ ghaʼi kwàʼ rɨŋgəʼ, mbə̀ zu ənû ze nɨ wɨə ghàə̀!”

Ikan feg

⁷ Anyumə̀ we, Pàʼ mɔ̀ʼɔ ya kubri awɔb, gì mɔ̀ʼɔ si ghàm inga pàʼ ze gha, “Aŋa ya ìmə Ŋwan ne mə̀ taŋ kɔ̀ŋ. Mbə̀ zug anug ne we ghà!”

Mk 9:7 Referans Kwoze

2 Pità 1:17

Ŋwìə̀ Mbǎʼ nyaʼa nàʼ ɨwumnɨ bə̀ nàʼ ɨzeŋɨ zeŋɨ ɨ bɔ ənɨ ə nyùmə̀ we nɨ gɨ̂ Ŋwìə̀ we nɨ mbɨə nàʼ ɨwumnɨ kyeŋ ɨ bɔ nyaʼa gham ɨ bɔ ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd!”

Matìyò 3:17

Gɨ̂ nyaʼa ghàm rɨkaŋ ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd.”

Mk 1:11

Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ Wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Ɨnû 1:7

Mbə̀ zə, ɨ wɨə yeʼe ɨŋga pàʼ. Bə̂d mɨjìm bɨrɨ zə əməd, ka àbei mbe nɨ nyaʼa zum əməd. Mɨnəbɨ jìm rɨ ɨgwɨ ə si bɨrɨ di ɨmbə̀ʼ əməd. À yɨ ɨchî nɨ zɨə bɨrɨ yeʼ we! À yɨ əne.

Mə̀Hibrù 2:1

Tɨ̀ jeŋgɨ zɨ̀ ətu ənɨ ɨnû mbe nɨ tɨ̀ fə zu, ɨmbə̀ʼ tɨ rɨ̀ saŋ a ɨnû mbe sɨə beenɨ yeʼ əbɔʼ ɨnû cherə.

Jn 20:31

Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.

Jn 6:69

Tɨ̀ fə benɨ bə̀ kyerɨ ni àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Jn 1:34

Mə fə zə, əne mə wɨə bə̀ ghà əmbɨ ə bə̂d ni məd yɨə Wan Ŋwìə̀.”

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

Rm 1:4

Ŋwìə̀ nyaʼa chwi ənɨ i ɨka ənjìm Əzwî ə Zeŋɨ ni Yeso Kristo a Ə̀nùŋɨ̀sɨg yɨ i Wan. Wɨ̀ nyaʼa chwi əne ɨchî nɨ wɨ̀ nyaʼa zwemnɨ əməd.

Ɨ̀fàʼì 8:36

Ənɨ mbɨ nyaʼə yènə̀ wò ɨgwɨ ɨnə̂njɨ̀ we, mbɨ nyaʼa pè əsɨ nɨ ətuŋ ə nyaʼa əŋgu, əne wə̀d kyeŋ we nyaʼa ghà ni, “Zə, à yɨ mɨnib mbɔ̂! À kɨə ye nɨ tɨ̀ zɨə kən ni tɨ mə̀ nɨŋ əmɨ mɨnib ə?” [

Ɨ̀fàʼì 7:37

À yɨə Mose wɔ̂ nɨ nyaʼa gha əmbɨ mɨ̀Izre ni, 'Ŋwìə̀ bɨrɨ chɔʼ wə̀d ɨ̀kə̀n rəkaʼ mbə bə̂d ɨchî nɨ wɨ̀ nyaʼa chɔʼ əmɨ.'

Ɨ̀fàʼì 1:9

Ənɨ wɨ̀ nyaʼa fə gha əne, ənɨ bə̂d tom mbe nyaʼə kɨrɨ nèŋə̀, Ŋwìə̀ nyaʼa nɨŋ əməd ɨkaŋ. Pàʼ nyaʼa kən mɨ̀mə̌d ni tɨ mbɨ zə əməd.

Jn 19:7

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ghà ɨ bɔ ni, “Tɨ̀ berɨ ɨkə nɨ chwi ni wɨ̀ berɨ kwɨ, ɨmbə̀ʼ ɨghəm nɨ ɨ wɨə ghàə̀ ni tə yɨə Wan Ŋwìə̀.”

Jn 9:35

Ənɨ Yeso nyaʼa zu ni mbɨ fə fid mbaŋə̀ ze rɨŋga nəb ə̀kàtɨ̀, wɨ̀ nyaʼa wo kə̀b əməd zə, biirɨ ɨ bɔ ni, “À ben Wan Wə̀d ə?”

Jn 5:37

Mbǎʼ we nɨ nyaʼa tom əmɨ yɨə bə̀ ə zərɨmbin ɨ num. Chəi mbə̀ kweʼ zu gɨ̂ məd kɨ̀ bè zə ɨfě məd.

Jn 5:18

Ɨŋgam wɔ̂ nɨ Yeso nyaʼa ghamɨ nyaʼa ghɨ̀ ni bə̂d mbe nɨ nyaʼə tekɨ ɨnû ɨŋga əbeŋ mɨ̀Jû kɔ kə̀b ɨnə̂njɨ̀ nɨ zwiirɨ əməd. Chəi mbɨ nyaʼa kəb zwiirɨ əməd àmei ɨmbə̀ʼ ɨchî nɨ wɨ̀ nyaʼa gu ɨkə əni əkwɨ, mbɨ nyaʼa bə̀ kə̀b zwiirɨ əməd ɨmbə̀ʼ ɨghəm nɨ ɨ wɨə nyaʼə gha ni Ŋwìə̀ yɨ i Mbǎʼ, əne wɨ̀ nyaʼa kə̀b chwi ni tə wɨ əndəŋ əndəŋ mbɨ ə Ŋwiə̀.

Jn 1:49

Natanaèl nyaʼa wììrɨ̀ ɨ bɔ ni, “Əchwiə̀-ɨnû, àwɔ̀ yɨə Wan Ŋwìə̀! Àwɔ̀ yɨ ɨfɔn mɨ̀Izre!”

Matìyò 27:54

Ənɨ ətu ɨgwɨ mɨ̀sɔgyɨ̀ mbɨ mɨ̀sɔgyɨ̀ mbe nɨ nyaʼə nə̀ŋgɨ ə Yeso, nyaʼa zə ɨchî nɨ si nyaʼa wùrɨ bə̀ zə ɨnû jìm mbe nɨ nyaʼa ghɨ̌, mbɨ nyaʼa bɔ kwàʼ rɨŋgəʼ, əne ghà ni, “À yɨ rəsìʼ ni mbaŋə̀ zɔ̂ yɨ kə̀ʼ ə Wan Ŋwìə̀!”

Matìyò 27:43

Wɨ̀ nyaʼa nuŋ i fîŋ ɨgun ə Ŋwiə̀, əne Ŋwìə̀ sɨ chɨ əməd rəŋgəʼ tɨ̀nîn əwù ze nɨ wɨ̀ kəb əməd, ɨmbə̀ʼ ɨghəm nɨ ɨ wɨə nyaʼə ghà ni, 'Mɔ̌ yɨə Wan Ŋwìə̀.'”

Mk 9:6

Chəi wɨ̀ nyaʼa kyerɨ ənû nɨ ghà. Àyɨə wɨ̀ nyaʼa ghà əne ɨmbə̀ʼ ɨghəm nɨ məd mbɨ mə̀mə̀ə̀nɨ̀-ɨnû mbə mɨbe mbɨə nyaʼə bɔə kwàʼ rɨŋgəʼ.

Mk 9:8

Ənɨ mbɨ nyaʼa zu gɨ̂ ze, mbɨ nyaʼa kɨ bèŋ nèŋ, àyɨə chəi mbɨ nyaʼa wɨrɨ zə wə̀d mɔʼɔ, chè rɨ ənɨ Yeso rə̀zìʼ wi.

Lk 3:22

əne Əzwî ə Zeŋɨ ə nyaʼa swiʼi yeʼe ɨgwɨ məd ɨghabɨ tə̀bə̀ŋə. Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Jn 12:28

Mɨ Mbǎʼ, ghɨ ni bə̂d wumnɨ əwe!” Ənɨ wɨ̀ nyaʼa ghà əne, gɨ̂ mɔʼɔ nyaʼa ghàm rɨkaŋ ghà ni, “Mə fə ghɨ̀ ni bə̂d wumnɨ əmɨ. Mə bɨrɨ wɨrɨ ghɨ əne ɨghəm cherə.”