Mk 9:41 - Meta’

⁴¹ Mə ghà rəsìʼ ɨ nən ni chəi wə̀d mɔʼɔ we nɨ naʼ toʼ mɨnib ɨ nən ni mbə̀ nɔ ɨmbə̀ʼ ɨghəm nɨ mbə̀ ben ɨkum Kristo bɨrɨ nim i ɨchɔʼ ə̀fàʼì.

Ikan feg

⁴¹ Mə gha tesiʼ inən gha, wə̀d we ne nàʼi toʼ mənib inən gha mbə̀ no imbə̀ʼ icheg ne mbə̀ bḛ ikum Kristo, tengàŋ biri mənyìʼ bèrì ìzi chùd.”

Mk 9:41 Referans Kwoze

Matìyò 10:42

Wə̀d mɔʼɔ we nɨ naʼ ka àbei toʼ mɨnib zwɨrɨ-zwɨrɨ əmbɨ wɨ kwa mɔʼɔ rəbɔʼ mbɔ̂ ɨmbə̀ʼ ɨghəm nɨ məd yɨ mɨ ə̀mə̀ə̀nɨ̀-ɨnû, njɨ mə ghà rəsìʼ ɨ nən ni, ka wɨ bɨrɨ nim i i ɨchɔʼ ə̀fàʼì.”

Matìyò 25:40

Ɨfɔ̂n we bɨrɨ wììrɨ̀ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ mbə̀ nyaʼə ghɨ̀ ɨnû mbɔ̂ ənɨ wɨ kwa mɔʼɔ rəbɔʼ bɔŋgɔb mbɔ̂ num, əne mbə̀ nyaʼa ghɨ yeʼ ənɨ ə num.'

2 Kɔrèn 10:7

Mbə mbɨə neŋ ɨghɨ àmei əsaŋ əsaŋ. Wə̀d mɔʼɔ mɨ kyerɨ ni tə yɨə wə̀d Kristo, wɨ̀ bə kyerɨ ni tɨ̀ yɨə bə̀ə bə̂d Kristo ɨghabɨ ə məd.

1 Kɔrèn 15:23

Ŋwìə̀ bɨrɨ zwemnɨ wə̀d mɔʼ mɔʼ ɨwaŋ ɨwaŋ. Wə̀d rɨtu we nɨ wɨ̀ zwemnɨ yɨə Kristo. Ənɨ Kristo wɨrɨ yeʼe, wɨ̀ bɨrɨ beenɨ zwemnɨ bə̂d mbe nɨ yeʼ mbɨ Kristo.

Rm 14:15

Əghɨ ze nɨ àwɔ̀ ə jɨgə mɨ yeʼə tɔb we aŋgɔb, njɨ zɨə chwi ni chəi àwɔ̀ ə wɨrɨə ghɨ̀ ɨnû mbɨ ɨghaʼi. Tɨrə̀ ben e ni əghɨ ze nɨ àwɔ̀ ə jɨg ə nimnɨ ɨbenɨ wə̀d mɔʼɔ we nɨ Kristo nyaʼa kwɨ ɨgwɨ ətu əməd.

Rm 8:9

Àyɨə chəi mbə̀n ə ghɨ̀ ɨnû mbe nɨ nyamnyod ə feenɨə. Mbə mbɨə ghɨ̀ yeʼ mbe nɨ Əzwî ə ghà ɨ nən, əne yɨ əwù ze nɨ Əzwî ə Ŋwiə̀ ə kaŋ yeʼ ɨŋga nən. Ka wə̀d we nɨ chəi Əzwî ə Kristo ɨŋga məd yɨ i wə̀d Kristo.

Gàlesìyà 5:24

Bə̂d Kristo Yeso fə kòmbɨ̀ tə nyamnyod bə̀ kòmbɨ̀ ɨnû mbe nɨ nyamnyod ə kə̀bə̀ bə̀ feenɨ əzed ə baʼnɨ.

Gàlesìyà 3:29

Mbə mɨ yeʼ bə̂d Kristo, əne yɨ ni mbə yɨə bɔn tɨ ənɨ əghaŋ ə Abràham. Ɨchî nɨ mbə̀ yeʼ bɔn tɨ ənɨ əghaŋ ə Abràham, əne yɨ ni mbə bɨrɨ jɨg ɨghɨ mbe nɨ Ŋwìə̀ kaʼi.

1 Kɔrèn 3:23

Mbə̀ yɨə bə̂d Kristo. Kristo yɨə bə̀ ə wə̀d Ŋwìə̀.

Mk 4:10

Ənɨ Yeso nyaʼa i tə̀zìʼ wi, bə̂d mbe nɨ nyaʼa kad əməd mbɨ mə̀mə̀ə̀nɨ̀-ɨnû mbe wum chɔ̀b rɨ̀be nyaʼa biirɨ ɨŋgam ɨ bɔ ɨmbə̀ʼ ɨnû mɨgɨ mbe.