Mk 9:12 - Meta’

¹² Wɨ̀ nyaʼa wììrɨ̀ əmbɨ mɨ̀mə̌d ni, “Èlaijà berɨ be yeʼe ɨmbə̀ʼ wɨrɨ tekɨ ɨnû jìm ɨchî nɨ mbɨ nyaʼa bèi. Əton nɨ mbɨ ŋwaʼnɨ ɨmbə̀ʼ Wan Wə̀d ni wɨ̀ bɨrɨ zə ŋgəʼ nɨ che əbɔ, mbɨ bə̀ ton əməd, kɨ ni yè ə?

Ikan feg

¹² Wì ya ywìtì inɔb gha, “Èlayijà bèrì ni bi yèʼe ni ywiri tangi inug ijìm icheg ne mbi ya ŋwàʼri. Aton ne mbi ŋwàʼri imbə̀ʼ Ŋwan Wə̀d gha wì biri zə̰ ngəʼ ni che ibo, mbi bə̀ ton aməd àkə gha?

Mk 9:12 Referans Kwoze

Lk 23:11

Herɔ̀d mbɨ mbi mɨ̀sɔgyɨ̀ nyaʼa tìbrɨ̀ əməd bə̀ baʼrɨ əməd. Mbɨ nyaʼa bə̀ zɨ̀ ngywɨ̌ nɨ kaŋ bɔŋ ɨgwɨ məd, wɨrɨ chà əməd əmbɨ Pailèt.

Lk 1:76

Àwɔ̀ wan, mbɨ bɨrɨ tɔŋ əwe ni àwɔ̀ yɨə wə̀d ɨ̀kə̀n Ə̀chè-ɨsɨg, ɨmbə̀ʼ ɨghəm nɨ à bɨrɨ chè ɨmbì əmbɨ Ə̀nùŋɨ̀sɨg ɨmbə̀ʼ tekɨ ɨnə̂njɨ̀ ɨ bɔ,

Lk 23:39

Mbaŋə̀ mɔʼɔ rəbɔʼ te nɨ mbɨ nyaʼa kombɨ nyaʼa bə̀ zɔ̀m əməd ghà ni, “Ɨmbə̀ʼ àwɔ̀ yɨə Wə̀d we nɨ Ŋwìə̀ zɔʼɔ ə? Jwɨ e rəŋgəʼ bə̀ chɨ̀ əwa!”

Matìyò 26:24

Wan Wə̀d bɨrɨ kwɨ ɨchî nɨ mbɨ nyaʼa fə ŋwaʼnɨ ɨmbə̀ʼ əməd, àyɨə ŋgəʼ bɨrɨ nyɨ ɨgun ə wə̀d we nɨ fen əməd. À kɨ ənɨ chəi mbɨ nyaʼa kɨrɨ gywɨ əməd, njɨ zɨə bɔ̀ŋ.”

Matìyò 16:21

Ɨ kɔ rɨ ənɨ ə nyùmə̀ we, Yeso nyaʼa kɔ ghǎ əmbɨ mbi mə̀mə̀ə̀nɨ̀-ɨnû ni tə berɨ wò ə Jèrusalèm pè jeŋgɨ zə ŋgəʼ ɨŋga rɨkyerɨ-ɨbɔ bə̂d kyeŋ mbe rɨŋga əbeŋ, ɨŋga rɨkyerɨ-ɨbɔ bə̂d kyeŋ mbe rɨ ə mbàn Ŋwìə̀ bə̀ fɔrɨ ɨŋga rɨkyerɨ-ɨbɔ məchwiə̀ rɨ̀kə̌. Mbɨ bɨrɨ zwiirɨ əməd. À sɨ ɨgwɨ ɨni tad, Ŋwìə̀ zwemnɨ əməd.

Mk 9:13

Mə ghà ɨ nən ni Èlaijà fə yeʼe, àyɨə bə̂d mɔʼɔ nyaʼa ghɨ̀ mbɨ məd ɨchî nɨ zɨə nyaʼa bɔŋ əmbɨ mɨ̀mə̌d. Mbɨ nyaʼa ghɨ̀ əne àmei ɨchî nɨ mbɨ nyaʼa ŋwaʼnɨ ɨmbə̀ʼ əməd.”

Mk 9:31

Wɨ̀ nyaʼa ghɨ̀ əne ɨmbə̀ʼ ɨghəm nɨ wɨ̀ nyaʼə chwi ɨnû əmbɨ mbi mə̀mə̀ə̀nɨ̀-ɨnû ni, “Mbɨ bɨrɨ fen Wan Wə̀d əmbɨ ə bə̂d, mbɨ zwiirɨ əməd, àyɨə ɨni nɨə chè ɨtad, wɨ̀ wɨrɨ zwemə.”

Mk 10:33

Wɨ̀ nyaʼa ghà əmbɨ mɨ̀mə̌d ni, “Mbə̀ zə, tɨ̀ yɨ əni kɔʼə wò ə Jèrusalèm. Tɨ̀ mɨ pè əŋgu, mbɨ bɨrɨ yim Wan Wə̀d nàʼ əmbɨ bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌. Bə̂d mbɔ̂ bɨrɨ sob ɨsaʼi ni mbɨ zwiirɨ əməd. Mbɨ bɨrɨ ghɨ əne, nàʼ əməd əmbɨ ə bə̂d mbe nɨ kaʼi mɨ̀Jû.

Ɨ̀fàʼì 1:6

Ənɨ Yeso mbɨ mbi bə̂d tom nyaʼa wò fetɨ əsɨ ə mɔʼ, mbɨ nyaʼa biirɨ ɨ bɔ ni, “Ə̀nùŋɨ̀sɨg, à wa bɨrɨ baŋ məRom sɨ wɨrɨ nàʼ ənû ɨfɔ̀n əmbɨ mɨ̀Izre tɨ̀nîn ə?”

Ɨ̀fàʼì 4:11

Yeso wɔ̂ yɨ ɨghabɨ, 'Ɨti we nɨ mbə̀nə məbɔmɨ nəb nyaʼa tonɨ, nɨ fə bèŋ ənɨ ɨti rɨ ɨbu nəb.'