Mk 8:15 - Meta’

¹⁵ Əne Yeso nyaʼa patɨ mɨ̀mə̌d ghà ni, “Mbə̀ chub ɨkyèʼe we əwən ɨmbə̀ʼ ɨfuʼ mɨ̀Farisiî mbɨ wɨ Herɔ̀d we nɨə ghɨ̀ ni ŋgə̀ŋ kɔʼ.”

Ikan feg

¹⁵ Ane, Yeso ya pàti awɔb gha, “Mbə̀ niŋ nyùmə̀, bə̀ we awən imbə̀ʼ àfòrì mə̀Farìsi tì àzi Erɔ̀d.”

Mk 8:15 Referans Kwoze

Matìyò 16:6

Yeso nyaʼa ghà əmbɨ mɨ̀mə̌d ni, “Mbə̀ chub ɨkyèʼe we əwən, ɨmbə̀ʼ ɨfuʼ mɨ̀Farisiî mbɨ wɨ mɨ̀Sadusiî we nɨə ghɨ̀ ni ŋgə̀ŋ kɔʼ.”

Mk 12:13

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa tom mɨ̀Farisiî mɔʼɔ fɔrɨ bə̂d mbe nɨ nyaʼə tìmbɨ̀ ə Herɔ̀d ni mbɨ wo əsɨ Yeso ɨmbə̀ʼ zɨ ətam ɨ bɔ ənɨ ɨŋgam məd.

1 Timotì 6:13

Ɨfě Ŋwìə̀ we nɨə nàʼ ɨ̀tènɨ̀ əmbɨ ɨghɨjìm fɔrɨ ɨfě Kristo Yeso we nɨ nyaʼa gha rəsìʼ ɨfě Pontiùs Pailèt, mə ghà ɨ ne ni,

Matìyò 14:1

À nyaʼa ənɨ ə nyùmə̀ we, Herɔ̀d we nɨ nyaʼə tùmbɨ̀ ə Galiliî nyaʼa zu mɨkâ Yeso.

2 Timotì 2:14

Kɨə nɔ̀ɔ̀rɨ̀ ɨtu bə̂d Kristo ɨmbə̀ʼ ɨnû mbɔ̂. Patɨ mɨ̀mə̌d ɨfě Ŋwiə̀ ni tɨ mbɨ taŋ ə ɨmbə̀ʼ əton ənɨ mɨŋgam əko mɔʼɔ, ɨmbə̀ʼ ɨghəm nɨ chəi taŋ ə weerɨə wə̀d. Ɨ zɨə chə̀kɨ̀ə̀ fîŋ rɨ bə̂d mbe nɨə zwetɨə.

1 Timotì 5:21

Mə wɨə ghà ɨ ne ɨfě Ŋwiə̀, ɨfě Kristo Yeso bə̀ fɔrɨ ɨfě mbɨ̀aŋgɨrə̀ mbe nɨ Ŋwìə̀ chɔʼɔ ni à nuŋ tɨkə tɔ̂ nɨ mə naʼ ɨ ne zɨ rɨ ghɨ ɨghə, kɨ̀ nɨ chwiə ni à ghaʼ wə̀d mɔʼɔ.

Lk 12:15

Ənɨ wɨ̀ nyaʼa ghà əne, wɨ̀ nyaʼa ghà əmbɨ ə bə̂d mbe ni, “Mbə̀ chub ɨkyèʼe, we əwən ɨmbə̀ʼ ənû nɨ feenɨ ɨghɨ, ɨmbə̀ʼ ɨghəm nɨ ka ɨ̀tènɨ̀ wə̀d yɨ i ɨmbə̀ʼ ɨchî nɨ wɨ̀ berɨ ɨghɨ nɔnɔʼ.”

Matìyò 14:3

Herɔ̀d nyaʼa kɔndɨ əne ɨmbə̀ʼ ɨghəm nɨ wɨ̀ nyaʼa ghɨ̀ ni mbɨ gywɨ̀ ə Jɔ̌n, kod, wò zɨ̀ ə ndəŋ dè ə Hèrɔdiàs. Hèrɔdiàs yɨə nyaʼə ɨwi Filip, nɨ nyaʼə aŋgɔb Herɔ̀d, àyɨə Herɔ̀d nyaʼa nɨŋ əməd ənɨ i ɨwi.

Matìyò 14:6

À nyaʼa ɨgwɨ əni ze nɨ mbɨ nyaʼa gywɨ ə Herɔ̀d, wan əyi Hèrɔdiàs nyaʼa bin ɨfě bə̂d mɨ̀jìm mbe nɨ nyaʼa ənɨ ənû ze. Əze ə nyaʼa ghɨ̀ ni fîŋ Herɔ̀d bɔŋ əku.

Mk 8:14

Mə̀mə̀ə̀nɨ̀-ɨnû Yeso nyaʼa neb nɨ nɨŋ ŋgə̀ŋ. Mbɨ nyaʼa berɨ àmei chiŋ ŋgə̀ŋ mɔʼ ɨŋga əbaŋ ze.

Mk 8:16

Mbɨ nyaʼa kɔ ghǎ mbənə mbənə ni, “Ɨ wɨə ghà əne ɨmbə̀ʼ ɨghəm nɨ chəi tɨ̀ berɨ ŋgə̀ŋ.”