Mk 6:41 - Meta’

⁴¹ Ənɨ mbɨ nyaʼa chub əne, Yeso nyaʼa nɨŋ chiŋ ŋgə̀ŋ te rɨ̀tân mbɨ əgwi ze əbe, nèŋ ɨkaŋ, kɔ̀ŋgɨ̀ ə Ŋwìə̀, bəʼrɨ nàʼ əmbɨ mbi mə̀mə̀ə̀nɨ̀-ɨnû ni mbɨ te ɨfě bə̂d mbe mɨ̀jìm. Wɨ̀ nyaʼa bə̀ ghàpɨ̀ əgwi ze əbe əmbɨ mɨ̀mə̌d mɨ̀jìm.

Ikan feg

⁴¹ Yeso ya niŋ chiŋ ngə̀ŋ mə̀kara te tita̰ tì su te tibe, nèn ikaŋ, nàʼ məyakà abə Ŋwiye, bə̀ʼri nàʼ abə mə̀mə̀nənùg məd gha mbe ghapa abə bəd. Wì ya bə̀ ghàpì su te tibe abə mə̀mə̀nənùg məd gha mbe ghapa abə bəd məjìm.

Mk 6:41 Referans Kwoze

Matìyò 14:19

Wɨ̀ nyaʼa nɨŋ əne ghà əmbɨ mɨnɔ̂n bə̂d mbe ni mbɨ chub ɨgwɨ ɨfu. Ənɨ mbɨ nyaʼa chubɨ, wɨ̀ nyaʼa nɨŋ chiŋ ŋgə̀ŋ te rɨ̀tân mbɨ əgwi ze əbe, neŋ ɨkaŋ, kɔŋgɨ ə Ŋwiə̀, bəʼrɨ, nàʼ əmbɨ mbi mə̀mə̀ə̀nɨ̀-ɨnû ni mbɨ naʼ əmbɨ mɨnɔ̂n bə̂d mbe.

Mk 7:34

Wɨ̀ nyaʼa neŋ ɨkaŋ, sɔ ɨchû, ghà ɨ bɔ ni, “Efatà,” əne yɨ ni “Fiʼə!”

Lk 24:30

Ənɨ wɨ̀ nyaʼa chubɨ ɨ jɨg mbɨ mɨ̀mə̌d, wɨ̀ nyaʼa nɨŋ chiŋ ŋgə̀ŋ, kɔŋgɨ ə Ŋwiə̀, bəʼrɨ, nàʼ əmbɨ mɨ̀mə̌d.

Lk 9:16

Ənɨ mbɨ nyaʼa chubɨ, Yeso nyaʼa nɨŋ chiŋ ŋgə̀ŋ te rɨ̀tân mbɨ əgwi ze əbe, nèŋ ɨkaŋ, kɔ̀ŋgɨ̀ ə Ŋwiə̀, bəʼrɨ, nàʼ əmbɨ mə̀mə̀ə̀nɨ̀-ɨnû mbe ni mbɨ te ɨfě ɨnɔ̂n bə̂d we.

1 Kɔrèn 10:31

Əne, kɨ̀ à jɨg, kɨ̀ à nɔ, kɨ̀ à ghɨ ənû ə mɔʼɔ, ghɨ ɨnû mbe jìm ɨmbə̀ʼ wumnɨ ə Ŋwiə̀.

Jn 17:1

Ənɨ Yeso nyaʼa fə gha ɨnû mbɔ̂, wɨ̀ nyaʼa nèŋ ɨkaŋ ghà ni, “Mɨ Mbǎʼ, nyùmə̀ fə kuʼi. Wumnɨ e Wan, ɨmbə̀ʼ e Wan bə̀ wumnɨ əwe.

Jn 11:41

Mbɨ nyaʼa chɨ̀ ɨti we. Əne Yeso nyaʼa neŋ ɨkaŋ ghà ni, “Mɨ Mbǎʼ, məben-əwe ɨchî nɨ à fə zu ənû ze nɨ mə̀ gha ɨ ne.

Mk 14:22

Ənɨ Yeso mbɨ mbi mə̀mə̀ə̀nɨ̀-ɨnû nyaʼə sɨə jɨgə, wɨ̀ nyaʼa nɨŋ chiŋ ŋgə̀ŋ, kɔŋgɨ ə Ŋwiə̀, bəʼrɨ nàʼ əmbɨ mə̀mə̀ə̀nɨ̀-ɨnû mbe ghà ni, “Mbə̀ nɨŋ, əzɔ̂ yɨ mɨ nyamnyod.”

Kòlosè 3:17

Əne ɨnû jìm mbe nɨ mbə̀ə ghɨ̀ə̀, kɨ̀ ənɨ mbe nɨ mbə̀ə ghàə̀, mbə ghɨ ənɨ ɨkum Ə̀nùŋɨ̀sɨg Yeso. Mbə mɨə ghɨ̀ə̀ əne, mbə bɨrɨ yeʼə chè ənjìm məd nàʼə̀ məben-əwe əmbɨ Ŋwiə̀ Mbǎʼ.

Rm 14:6

Wə̀d we nɨ zə ni əni ə mɔʼɔ ə chè mbɨ cherə, wɨə ghɨ̀ əne ɨmbə̀ʼ wumnɨ Ə̀nùŋɨ̀sɨg. We nɨə jɨg ɨghɨjìm, wɨə jɨg ɨmbə̀ʼ wumnɨ Ə̀nùŋɨ̀sɨg, ɨmbə̀ʼ ɨghəm nɨ mɨ̀mə̌d mɨjìm mbɨə nàʼə̀ məben-əwe əmbɨ ə Ŋwiə̀ ɨmbə̀ʼ ɨghɨjɨg mbe. We nɨ chəi wɨə jɨg ɨghɨjìm, wɨə ghɨ̀ əne ɨmbə̀ʼ wumnɨ Ə̀nùŋɨ̀sɨg. Məd wɨə bə̀ nàʼə̀ məben-əwe əmbɨ Ŋwiə̀ ɨmbə̀ʼ ɨghɨjɨg mbe.

Jn 6:23

Ɨbaŋ ɨgyɨ̀ mɔʼɔ rɨ ə Tìberiàs nyaʼa wo təm ɨban əsɨ ze nɨ Yeso nyaʼa nɨŋ ŋgə̀ŋ, kɔŋgɨ ə Ŋwiə̀, nàʼ əmbɨ ɨnɔ̂n bə̂d we ni wɨ̀ jɨg.

Jn 6:11

Ənɨ mbɨ nyaʼa chubɨ, Yeso nyaʼa nɨŋ chiŋ ŋgə̀ŋ te, nàʼ məben-əwe əmbɨ ə Ŋwiə̀, ghàpɨ̀ əmbɨ ə bə̂d mbe nɨ nyaʼa əŋgu. Wɨ̀ nyaʼa bə̀ ghɨ̀ əndəŋ əndəŋ mbɨ əgwi ze. Wə̀d jìm nyaʼa berɨ ɨchî nɨ wɨ̀ nyaʼa kəbɨ.

Matìyò 26:26

Ənɨ Yeso mbɨ mbi mə̀mə̀ə̀nɨ̀-ɨnû nyaʼa sɨə jɨgə, Yeso nyaʼa nɨŋ chiŋ ŋgə̀ŋ, kɔŋgɨ ə Ŋwiə̀ ɨgun, bəʼrɨ, nàʼ əmbɨ mbi mə̀mə̀ə̀nɨ̀-ɨnû ghà ni, “Mbə̀ nɨŋ jɨg, əzɔ̂ yɨ mɨ nyamnyod.”

Matìyò 15:36

Ənɨ mbɨ nyaʼa chubɨ, wɨ̀ nyaʼa nɨŋ chiŋ ŋgə̀ŋ te sambe bə̀ nɨŋ əgwi ze, kɔŋgɨ ə Ŋwiə̀, bəʼrɨ, nàʼ əmbɨ mə̀mə̀ə̀nɨ̀-ɨnû mbe ni mbɨ nàʼ əmbɨ mɨnɔ̂n bə̂d mbe.

Ɨ̀fàʼì 27:35

Ənɨ wɨ̀ nyaʼa ghà əne, wɨ̀ nyaʼa nɨŋ ŋgə̀ŋ, nàʼ məben-əwe əmbɨ ə Ŋwiə̀ ɨfě mɨ̀mə̌d mɨjìm, bəʼ kɔ jɨgɨ.

Mk 6:40

Mbɨ nyaʼa chub əkəmɨ kəmɨ. Mbɨ nyaʼa chub ɨŋga ɨkɔbɨ mɔʼɔ ɨkɨ fibɨ̀ ɨkɨ fibɨ̀, bə̀ chub ɨŋga mbɨ cherə ɨwum tân ɨwum tân.

Mk 6:42

Mɨ̀mə̌d mbe mɨjìm nyaʼa jɨg kod.

Mk 8:19

Ənɨ mə̀ nyaʼa bəʼrɨ chiŋ ŋgə̀ŋ te rɨ̀tân əmbɨ ə bə̂d chuʼ rɨ̀tân, mbə̀ nyaʼa fetɨ tɨkə te nɨ nyaʼa buʼu, tɨ swi mbɨ̀rɨkaʼ səʼ ə?” Mbɨ nyaʼa ghà ɨ bɔ ni, “Tɨ̀ nyaʼa fetɨ mbɨ̀rɨkaʼ wum chɔ̀b rɨ̀be.”