Mk 5:34 - Meta’

³⁴ Yeso nyaʼa zu əne ghà ɨ bɔ ni, “Wân, e ɨbenɨ fə ghɨ̀ ni à bɔtɨ e. Ndə̀ əwe ənɨ əbɔrəbɔd, e əwɔn ə fə mì i.”

Ikan feg

³⁴ Yeso ya ghà ibo gha, “Ìmə ŋwan, ìwe ibḛfiŋ fə ghì àze aghɔn mèg. Ìze ngəʼ fə bə̀ mèg yi. Si ghò ane àbɔrɔ̀bɔd.”

Mk 5:34 Referans Kwoze

Lk 8:48

Yeso nyaʼa zu əne ghà ɨ bɔ ni, “Wân, e ɨbenɨ fə ghɨ̀ ni à bɔtɨ e. Ndə̀ əwe ənɨ əbɔrəbɔd.”

Matìyò 9:22

Ənɨ wɨ̀ nyaʼa betɨ, Yeso nyaʼa bèŋ zə əməd, ghà ɨ bɔ ni, “Yim fîŋ, kyɨ ɨŋgɔbə! E ɨbenɨ fə ghɨ̀ ni à bɔtɨ e.” Àmei əwu əwən əyi we nyaʼa bɔtɨ i.

Lk 18:42

Yeso nyaʼa ghà ɨ bɔ ni, “Sɨ kɔ zə ɨsɨ! E ɨbenɨ fə ghɨ̀ ni à bɔtɨ e.”

Lk 7:50

Yeso nyaʼa ghà əmbɨ əyi we ni, “E ɨbenɨ fə chɨ̀ əwe rɨ əŋgəʼ. Sɨ wò e ənɨ əbɔrəbɔd.”

Mk 5:29

Ənɨ wɨ̀ nyaʼa betɨ, ɨtuʼ we nyaʼa sob àmei əwu əwən. Wɨ̀ nyaʼa zu ɨŋga i nyamnyod ni tə fə bɔtɨ rɨ ənɨ əwɔn ze nɨ nyaʼə chə əwi.

Ɨ̀fàʼì 14:9

Mbaŋə̀ ze nyaʼa chub ɨ zwetɨ ənû ze nɨ Pɔ̂l nyaʼə ghàə̀. Pɔ̂l nyaʼa toŋ əghə ɨgwɨ məd, əne zə ni wɨ̀ nyaʼa berɨ ɨbenɨ nɨ tɨ mbɨ ghɨ̀ wɨ̀ bɔtɨ.

Lk 17:19

Wɨ̀ nyaʼa ghɨ̀ əne ghà əmbɨ ə mbaŋə̀ ze ni, “Nɔʼ rətiə, wò e. E ɨbenɨ fə ghɨ̀ ni à bɔtɨ e.”

Mk 10:52

Yeso nyaʼa ghà ɨ bɔ ni, “Sɨ wò e. E ɨbenɨ fə ghɨ̀ ni à bɔtɨ e.” Àmei əwu əwən, mbaŋə̀ ze nyaʼa wɨrɨ kɔ zə ɨsɨ, əne wɨ̀ nyaʼa nɔʼ beenɨ əbɔʼ ə Yeso wò əsɨ ze nɨ wɨ̀ nyaʼə wòə̀.

Matìyò 9:2

Ənɨ wɨ̀ nyaʼa pè əŋgu, bə̂d mɔʼɔ nyaʼa bèʼ mbaŋə̀ ɨgwɨ ɨkon wò əsɨ məd. Mbaŋə̀ ze nyaʼa fə buʼrə. Ənɨ Yeso nyaʼa zə ɨchî nɨ bə̂d mbe nyaʼa nuŋ fîŋ ɨgwɨ ni, wɨ̀ nyaʼa ghà əmbɨ mbaŋə̀ ze nɨ nyaʼa buʼrə ni, “Yim fîŋ kyɨə wan. Mə fə waʼ mbe ɨnû rɨbɔ̀ŋ.”

Mk 3:10

Wɨ̀ nyaʼa fə vɨ̀ bə̂d mɨ̀nɔnɔʼ, əne əze ə nyaʼa ghɨ̀ ni bə̂d mɨ̀jìm mbe nɨ nyaʼa berɨ ɨwɔn zɔŋ nɨ betɨ əməd.

Mk 5:33

Əyi we nyaʼa kyerɨ ənû ze nɨ nyaʼa ghɨ̌ ənɨ məd, əne wɨ̀ nyaʼa wò mbɨ ɨbɔɔ yènə̀ bindɨə, pè chìndɨ̀ ɨtu ɨnywɨ ɨfě Yeso, ghà rəsìʼ jìm ɨ bɔ.

Ɨ̀fàʼì 15:33

Ənɨ mbɨ nyaʼa fə chub əŋgu ənɨ əkɔb ə nyumə̀, bɔŋgɔb mbe nyaʼa wɨrɨ chà mɨ̀mə̌d ənɨ əbɔrəbɔd əmbɨ mbe nɨ nyaʼa tom mɨ̀mə̌d.

Ɨ̀fàʼì 16:36

Mbaŋə̀ ze nɨ nyaʼə nəŋgɨ ə nəb ndəŋ ze nyaʼa ghà ənû ze əmbɨ Pɔ̂l ni, “Məsaʼ mɨ̀sàʼi fə cha ɨkə̂n ni mə̀ sàŋ əwən mbə̀ si wo ə. Əne mbə̀ sɨ jwɨ̀ wò əwən ənɨ əbɔrəbɔd.”

Jems 2:16

əne wə̀d mɔʼɔ rəbɔʼ nən gha əmbɨ aŋgɔb we kɨ̀ əmbɨ ə njàbɨ ze ni, “Wo e ənɨ əbɔrəbɔd. Ghɨ e ɨnyod nom ə, à bə̀ jɨg kod,” nɨ chəi wɨ̀ naʼ ɨghɨ mbe nɨ bɨrɨ ghɨ ni ɨnyod məd chub ɨchî chɔ̀m, njɨ njìm nɨ wɨ̀ bɨrɨ jɨg kɨə ye?