Mk 5:15 - Meta’

¹⁵ Mbɨ nyaʼa wò əsɨ Yeso pè zə mbaŋə̀ ze nɨ ɨ̀nyɔrɨ̀ ɨzwî rɨbɔ̀ŋ mbe nyaʼa ɨŋga məd. Mbaŋə̀ ze nyaʼa chub i əŋgu mbɨ ə ngywɨ ɨbom. Ətu əməd ə nyaʼa fə zeŋ i. Mbɨ nyaʼa zə əne bɔ.

Ikan feg

¹⁵ Mbi ya ghò abɔ̀ʼ Yeso pè bàd mbaŋà ze ne izwighi tibɔ̀ŋ nɔʼ nɔʼ ya yaʼi inga məd. Mbaŋà ze ya si chùghi yi inyeʼ tì ìti ndwi ibəm. Atəd məd ya fə mèg. Mbi ya bàd ane bɔ.

Mk 5:15 Referans Kwoze

Kòlosè 1:13

Wɨ̀ fə chɨ əwa rɨŋga tɨkyerɨ-ɨbɔ məd we nɨə tùmbɨ̀ ɨsɨ firɨ, əne zɨ̀ ɨŋga ənû ɨfɔ̀n ə Wan məd we nɨ wɨ̀ ghaʼi kwàʼ rɨŋgəʼ.

2 Timotì 1:7

Chəi Əzwî ze nɨ Ŋwìə̀ naʼ ɨ na ə ghɨ̀ ni tɨ̀ beŋ ənɨ ɨkwèd. Ə zɨə ghɨ̀ yeʼ ni tɨ̀ berɨ ɨka, ghaʼ bə̂d bə̀ yimbɨ ɨnyod.

Lk 8:27

Ənɨ wɨ̀ nyaʼa jwɨ rɨŋga əbaŋ ze te əwu ə si, mbaŋə̀ mɔʼɔ rɨŋga əsɨ ze nɨ ɨzwî rɨbɔ̀ŋ nyaʼa ɨŋga məd nyaʼa wò kumnɨ əməd. Əgha ə nyaʼa fə sà nɨ chəi mbaŋə̀ ze nyaʼa zɨ ngywɨ. Chəi wɨ̀ nyaʼə chub ɨŋga nəb. Ɨ wɨə nyaʼə chubə yeʼ ɨŋga mɨ̀sì nɨ mbɨ chəb ɨŋga ɨwɔ̌.

Mk 5:9

Yeso nyaʼa biirɨ ɨ bɔ ni, “E ɨkum kɨə we?” Mbaŋə̀ ze nyaʼa wììrɨ̀ ni, “Mɨ ɨkum yɨ Ɨnɔ̂n, ɨmbə̀ʼ ɨghəm nɨ tɨ̀ ə kàŋ nɔʼ.”

Lk 10:39

Màta we nyaʼa berɨ wi aŋgɔb mɔʼɔ nɨ ɨkum məd nyaʼə Mèri. Mèri we nyaʼa chub ɨban ɨwu Ə̀nùŋɨ̀sɨg zwetɨ ənû mbe nɨ wɨ̀ nyaʼə chwiə,

Mk 5:18

Ənɨ Yeso nyaʼə nyɨ ɨŋga əbaŋ ɨgyɨ̀, mbaŋə̀ ze nɨ ɨzwî rɨbɔ̀ŋ mbe nyaʼa ɨŋga məd nyaʼa buʼ ɨbɔ ɨ bɔ ni wɨ̀ benɨ tə̀ beenɨ əbɔʼ məd.

Mk 5:16

Bə̂d mbe nɨ nyaʼa zə ənû ze nyaʼa ghà ənû nɨ nyaʼa ghɨ̌ ənɨ ə mbaŋə̀ ze bə̀ fɔrɨ ənɨ mɨ̀kuŋə mbe əmbɨ mbe nɨ nyaʼa yeʼe.

Mk 5:4

ɨmbə̀ʼ ɨghəm nɨ mbɨ nyaʼə mɨ̀ə̀ kod əməd ənɨ ə ndəŋ bə̀ fɔrɨ ənɨ mɨ̀kàrə̀, àyɨə wɨ̀ nyaʼə tənə mɨ̀kàrə̀ mbe bə̀ təndɨə ndəŋ te tɨkə rɨkə. Chəi wə̀d mɔʼɔ nɨ nyaʼa berɨ ɨka nɨ ghɨ̀ ni wɨ̀ nyeʼ chubɨ.

Matìyò 12:29

“Kɨ̀ tɨ mbɨ nàʼ wə̀d mɔʼɔ wò nyɨ ɨŋga nəb wə̀d nɨ berɨ ɨka, əne bèʼrɨ̀ ɨghɨ məd nɨ chəi wɨ̀ be kod əməd ə? Wɨ̀ berɨ be kod əməd bɔŋ beʼrɨ ɨghɨ məd.

Matìyò 4:24

Ɨchî nɨ wɨ̀ nyaʼə ghɨ̀ əne, mɨkâ məd nyaʼa jàŋ ɨŋga Sirià jìm. Əze ə nyaʼa ghɨ̀ ni bə̂d mbe rəŋgu nɨŋ bə̂d mbe nɨ nyaʼə wɔ̀nə̀ tɨkwɨrɨ əwɔn jìm wò əsɨ məd. Wɨ̀ nyaʼa vɨ̀ bə̂d əwɔn mbe mɨjìm. Bə̂d əwɔn mbɔ̂ yɨ mbe nɨ ɨsɨ ɨnyod nyaʼə seə, mbe nɨ ɨzwî rɨbɔ̀ŋ nyaʼa ɨŋga mɨ̀mə̌d, mbe nɨ ə̀fìrɨ̀ ə nyaʼə gywɨ̀ə̀ fɔrɨ mbe nɨ nyaʼa buʼrə.

Matìyò 9:33

Ənɨ Yeso nyaʼa chɨ əzwî rɨbɔ̀ŋ ze, mbaŋə̀ ze nyaʼa kɔ ghamɨ. Mɨnɔ̂n bə̂d mbe nyaʼa yiirɨ, əne ghà ni, “Chəi tɨ̀ kweʼ zə ənû ɨghabɨ zɔ̂ ɨŋga Izre.”

Matìyò 26:53

Chəi à kyerɨ ni mə we tɨ̀ mə dì əmbɨ mɨ Mbǎʼ, wɨ̀ kɨ chà mɨnɔ̂n mbɨ̀aŋgɨrə̀ nɨ che mɨnɔ̂n wum chɔ̀b rɨ̀be ni mbɨ yeʼe wèèrɨ̀ əmɨ ə?

Mk 5:14

Bə̂d mbe nɨ nyaʼə nə̀ŋgɨ mɨ̀kuŋə mbe nyaʼa nòrə̀ wò ghà ənû ze əmbɨ ə bə̂d mbe rɨŋga əsɨ ze bə̀ ghà əmbɨ mbe nɨ nyaʼa ɨban əsɨ ze. Bə̂d nyaʼa jwɨ̀ rɨŋga ɨsɨ mbe wò zə ənû ze nɨ nyaʼa ghɨ̌.