Mk 3:7 - Meta’

⁷ Yeso mbɨ mbi mə̀mə̀ə̀nɨ̀-ɨnû nyaʼa jwɨ̀ wò ɨban ə sà ze rɨ ə Galiliî. Ɨnɔ̂n bə̂d nɨ nyaʼa kwàʼ wɨ kyeŋ nyaʼə beenɨ əbɔʼ məd. Bə̂d nyaʼa bə̀ nɔ̀ʼ rɨ ə Jùdeyà,

Ikan feg

⁷ Yeso tì ìmbi mə̀mə̀nənùg ya dù ghò iban atəŋ ze a Galìli. Inɔ̰ bəd ne ya yaʼi kwàʼ ìwi kyen yaya bène abɔ̀ʼ məd. Bəd ya bə̀ nɔ̀ʼ a Jùdeyà,

Mk 3:7 Referans Kwoze

Lk 6:17

Yeso nyaʼa swiʼ rɨkaŋ ɨwum we mbɨ ə bə̂d tom mbe pè təm əsɨ ɨbad mbɨ ɨnɔ̂n mə̀mə̀ə̀nɨ̀-ɨnû ɨməd fɔrɨ mbɨ ɨnɔ̂n bə̂d nɨ nyaʼa kwàʼ wɨ kyeŋ nɨ nyaʼa nɔʼ rɨŋga ɨsɨ jìm mbe rɨ ə Jùdeyà fɔrɨ ə Jèrusalèm fɔrɨ ɨban rɨ̀bàà we rɨ ə Taì mbɨ ə Sidòn.

Matìyò 4:25

Əze ə nyaʼa ghɨ̀ ni mɨnɔ̂n bə̂d nɔʼ rɨ ə Galiliî, nɔ̀ʼ rɨ ə Dèkapolìs, nɔ̀ʼ rɨ ə Jèrusalèm, nɔ̀ʼ rɨ ə Jùdeyà bə̀ nɔ̀ʼ rɨŋga ɨsɨ mbe nɨ nyaʼa ɨnjin ɨgyɨ̂ Jodàn beenɨ əbɔʼ məd.

Matìyò 12:15

Yeso nyaʼa kyerɨ ni ɨ mbɨ nyaʼə taŋ mɨnaŋ ɨgwɨ ni, əne wɨ̀ nyaʼa nɔ̀ʼ rɨ əsɨ ze. Bə̂d mɨ̀nɔnɔʼ nyaʼa beenɨ əbɔʼ məd, əne wɨ̀ nyaʼa vɨ̀ bə̂d əwɔn mɨjìm mbe nɨ nyaʼa əkaʼ mɨ̀mə̌d.

Lk 23:5

Àyɨə mbɨ nyaʼa rəbə nyèŋ ə nyeŋɨ ghà rɨ̀kǎ ni, “Məd wɨə noə bə̂d ɨŋga Jùdeyà jìm mbɨ ɨnû mbe nɨ wɨə chwiə. Wɨ̀ nyaʼa kɔ ə Galiliî. Tɨ̀nîn wɨ̀ fə yeʼe pè əgha.”

Lk 6:12

À nyaʼa əni ə mɔʼɔ, Yeso nyaʼa wò ɨkaŋ ɨwum ɨ kɔŋgɨ ə Ŋwiə̀. Wɨ̀ nyaʼa kɔŋgɨ ə Ŋwiə̀ ɨzimɨ we jìm.

Mk 1:39

Wɨ̀ nyaʼa yèn ɨŋga Galiliî jìm, yènə̀ ghà ɨŋgam Ŋwiə̀ ɨŋga nəb rɨ ə̀kàtɨ̀ te nɨ nyaʼa ɨŋga ɨsɨ mbe, bə̀ yènə̀ chɨ̀ ɨzwî rɨbɔ̀ŋ rɨŋga bə̂d.

Matìyò 10:23

Ənɨ mbɨ nwendɨ tə rɨkyerɨ-ɨwu ɨŋga əsɨ ə mɔʼ, mbə̀ norə wò ɨŋga əsɨ ə cherə. Mə ghà rəsìʼ ɨ nən ni, Wan Wə̀d bɨrɨ wɨrɨ yeʼe bɔŋ mbə̀ sɨə kad ɨsɨ jìm ɨŋga Izre.

Ɨ̀fàʼì 17:14

Àmei əwu əwən, bə̂d mbe nɨ nyaʼa ben ə Kristo ə Berià nyaʼa tom bə̂d ni mbɨ nɨŋ ə Pɔ̂l wò chà əŋgo rɨ̀bàà. Àyɨə Sailàs mbɨ Timotì nyaʼa tèn ə Berià.

Ɨ̀fàʼì 17:10

À nyaʼa sɨ ɨzimɨ, bə̂d mbe rɨ ə Tèsàlonikà nɨ nyaʼa ben ə Kristo nyaʼa chà ə Pɔ̂l mbɨ Sailàs ə Berià. Ənɨ mbɨ nyaʼa pè əŋgu, mbɨ nyaʼa wò nyɨ ɨŋga nəb ə̀kàtɨ̀ mɨ̀Jû.

Jn 7:52

Mbɨ nyaʼa wììrɨ̀ ɨ bɔ ni, “Àwɔ̀ wa kɨ rɨ ə Galiliî bə ə? Jeŋgɨ neŋ ɨŋga Ə̀ŋwàʼnɨ̀ ə Ŋwiə̀, əne à bɨrɨ zə ni chəi wə̀d ɨ̀kə̀n Ŋwìə̀ mɔʼɔ bɨrɨ jwɨ rɨ ə Galiliî.”

Jn 7:41

Mbɨ cherə nyaʼa ghà ni, “Məd yɨə Wə̀d we nɨ Ŋwìə̀ zɔʼɔ!” Àyɨə mbɨ mɔʼɔ nyaʼa ghà ni, “Wə̀d we nɨ Ŋwìə̀ zɔʼɔ wa bɨrɨ yeʼe rɨ ə Galiliî ə?

Matìyò 12:16

Ənɨ wɨ̀ nyaʼa vɨ̀ əne, wɨ̀ nyaʼa patɨ mɨ̀mə̌d ni tɨ mbɨ tɔ ghɨ̀ ə ni bə̂d kyerɨ wə̀d we nɨ tə yeʼ wɨwən.

Mk 1:45

Àyɨə mbaŋə̀ ze nyaʼa jwɨ̀ kɔ yènə̀ saʼ ənû ze ɨsɨ jìm. Əze ə nyaʼa ghɨ̀ ni tɨ Yeso wɨrɨ nyɨ i ɨŋga əsɨ ə cherə əsaŋ əsaŋ. Wɨ̀ nyaʼa sɨ wò chubɨ yeʼ ɨban əsɨ ze. Bə̂d mbɨə nyaʼə nɔ̀ʼ rɨ ɨsɨ mbe jìm wò kɔɔrɨ ə məd əŋgu.

Mk 3:20

Yeso nyaʼa bə̀ndɨ̀ wò əwi ɨnuʼ. Ənɨ wɨ̀ nyaʼa pè əŋgu, bə̂d mɨ̀nɔnɔʼ nyaʼa yi wò nàànɨ̀, əne ghɨ̀ ni chəi ənɨ tɨ̀ məd mbɨ mbi mə̀mə̀ə̀nɨ̀-ɨnû berɨ nyùmə̀ nɨ jɨg.

Mk 4:1

Yeso nyaʼa yì kɔ chwi ɨnû ɨban ə sà ze rɨ ə Galiliî. Ɨnɔ̂n bə̂d nɨ nyaʼa kwàʼ wɨ kyeŋ nyaʼa wò fetɨ kad əməd. Əze ə nyaʼa ghɨ̀ ni wɨ̀ nyɨ chub ɨŋga əbaŋ ɨgyɨ̀ ɨgun ə sà ze. Ɨnɔ̂n bə̂d we jìm nyaʼa sɨ chub əŋgo ə sà ze.