Mk 3:18 - Meta’

¹⁸ Mbɨ cherə yɨə Andrù, Filip, Bàtòlòmiù, Matiù, Tomas, Jems nɨ nyaʼə wan Alfaùs, Tadiòs, Saimòn nɨ mbɨ nyaʼə tɔŋ ənɨ ə mɨ̀taku

Ikan feg

¹⁸ Mbi ndəŋ ya Andrò, tì Filib, tì Bàtòlomìyò, tì Matìyò, tì Tòmas, tì Jem ne ya ŋwan Afòs, tì Tàdiyòs, tì Sayimùn ne mbi yaya kàrà ane Zilɔ̀d.

Mk 3:18 Referans Kwoze

Ɨ̀fàʼì 1:13

Ənɨ mbɨ nyaʼa nyɨ ə Jèrusalèm, mbɨ nyaʼa kɔʼ wò nyɨ ɨŋga ətu ə nəb ze rɨkaŋ, nɨ yeʼ əsɨ ze nɨ mbɨ nyaʼə chub əŋgu. Mbɨ yɨə nyaʼə: Pità, Jɔ̌n, Jems, Andrù, Filip, Tomas, Bàtòlòmiù, Matiù, Jems nɨ nyaʼə wan Alfaùs, Saimòn nɨ nyaʼə mɨ̀taku mbɨ Judàs nɨ nyaʼə wan Jems.

Mk 2:14

Ənɨ wɨ̀ nyaʼə chèə̀, wɨ̀ nyaʼa zə ə Levì, nɨ nyaʼə wan Alfaùs. Wɨ̀ nyaʼa chub ɨŋga nəb ze nɨ wɨ̀ nyaʼə fetɨ mɨ̀tagsɨ̀. Ənɨ Yeso nyaʼa zə əməd əne, wɨ̀ nyaʼa ghà ɨ bɔ ni, “Beenɨ əbɔʼ num.” Levì nyaʼa nɔ̀ʼ beenɨ əbɔʼ məd.

Jems 1:1

À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.

Matìyò 9:9

Yeso nyaʼa nɔ̀ʼ rɨ əsɨ ze. Ənɨ wɨ̀ nyaʼə yènə̀ wòə̀, wɨ̀ nyaʼa zə mbaŋə̀ mɔʼɔ nɨ mbɨ nyaʼə tɔŋ ənɨ Matiù. Wɨ̀ nyaʼa i ɨŋga nəb nɨ mbɨə fetɨ mɨ̀tagsɨ̀. Yeso nyaʼa ghà ɨ bɔ ni, “Beenɨ əbɔʼ num.” Matiù nyaʼa nɔ̀ʼ beenɨ əbɔʼ məd.

Jûd 1:1

À yɨə mɔ̌ Jûd, nɨ mə̀ yeʼ wə̀d ə̀fàʼì Yeso Kristo bə̀ yeʼ aŋgɔb Jems, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwìə̀ Mbǎʼ nyaʼa ghaʼi kwàʼ rɨŋgəʼ, əne tɔŋ mɨ̀mə̌d ni mbɨ yeʼ mbi bə̂d, bə̀ nùŋ mɨ̀mə̌d wòm nyùmə̀ we nɨ Yeso Kristo bɨrɨ wɨrɨ yeʼe.

Gàlesìyà 2:9

Ənɨ ə Jems mbɨ Pità fɔrɨ ə Jɔ̌n, nɨ nyaʼə təʼ ɨŋga ɨfetɨ we, nyaʼa zə ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num, mbɨ nyaʼa te əbɔ ə jɨgɨ mbɨ num mbɨ Banabàs ɨ chwi ni tɨ̀ wɨ ənɨ ənû ə mɔʼ mbɨ mɨ̀mə̌d. Mbɨ nyaʼa ghɨ̀ əne ɨmbə̀ʼ tɨ̀ wo əsɨ ə bə̂d mbe nɨ kaʼi mɨ̀Jû, mɨ̀mə̌d sɨ wò əsɨ mɨ̀Jû.

Gàlesìyà 1:19

Chəi mə nyaʼa zə wə̀d tom cherə chè rɨ ənɨ ə Jems we nɨ yeʼ aŋgɔb Ə̀nùŋɨ̀sɨg Yeso.

1 Kɔrèn 15:7

Wɨ̀ nyaʼa bə̀ yì jwɨ ɨfě Jems. Ənɨ əgha ə nyaʼa saarɨ, wɨ̀ nyaʼa bə̀ jwɨ̀ ɨfě bə̂d tom mɨ̀jìm.

1 Kɔrèn 9:5

Zɨ̀ rɨ wa kuʼi ni tɨ̀ yenə mbɨ mba məyi nɨ ben ə Kristo ɨchî nɨ bə̂d tom cherə mbɨ ə bɔŋgɔb Ə̀nùŋɨ̀sɨg mbɨ Pità ə ghɨ̀ə̀ ə?

Ɨ̀fàʼì 21:18

À nyaʼa əni ze nɨ beenɨ, mbǎ mbɨ Pɔ̂l nyaʼa wò zə ə Jems. Bə̂d mɨjìm mbe nɨ nyaʼə chà ɨfetɨ bə̂d Kristo mbɨə nyaʼə bə̀ əŋgu.

Ɨ̀fàʼì 15:13

Ənɨ mbɨ nyaʼa fə ghamɨ màànɨ̀, Jems nyaʼa ghà ni, “Bɔŋgɔb, mbə̀ zwetɨ mə ghamə.

Jn 21:2

Saimon Pità mbɨ Tomas, nɨ mbɨ nyaʼə bə̀ tɔŋ ənɨ ə Didimùs, əne yɨ ni wan ŋwìə̀, mbɨ Natanaèl, nɨ nyaʼa rɨ ə Kanà ə Galiliî, mbɨ ə bɔn Zebèdiî mbɨ mə̀mə̀ə̀nɨ̀-ɨnû Yeso cherə be nyaʼa əsɨ ə mɔʼ.

Jn 14:22

Judàs mɔʼɔ we nɨ kaʼi Judàs Iskàriɔ̀t, nyaʼa ghà ɨ bɔ ni, “Ə̀nùŋɨ̀sɨg, à kɨə wo chwi e ɨnyod ɨ na nɨ chəi à chwi əmbɨ ɨsɨg rɨ ye?”

Jn 11:16

Tomas, nɨ mbɨ nyaʼə bə̀ tɔŋ ənɨ ə Didimùs, əne yɨ ni, wan ŋwìə̀, nyaʼa ghà əmbɨ mə̀mə̀ə̀nɨ̀-ɨnû mbə ni, “Tɨ̀ bə wò mbɨ Ə̀nùŋɨ̀sɨg, ɨmbə̀ʼ à mɨ yeʼ ənû nɨ wɨ̀ bɨrɨ kwɨ, tɨ̀ bə̀ kwɨ mbɨ məd!”

Jn 1:40

Wɨ̀ mɔʼɔ rəbɔʼ mə̀mə̀ə̀nɨ̀-ɨnû mbe mɨbe nɨ nyaʼa zu ənû ze nɨ Jɔ̌n nyaʼa ghǎ əne beenɨ əbɔʼ ə Yeso yɨə nyaʼə Andrù nɨ nyaʼə aŋgɔb Saimon Pità.

Mk 6:3

Ɨmbə̀ʼ wɔ̂ yɨə kabɨndà we nɨ yeʼ wan Mèri ə? Ɨmbə̀ʼ bɔŋgɔb məd yɨə Jems mbɨ Josès mbɨ Judàs fɔrɨ ə Saimòn ə? Chə wa i njàbɨ rɨ məd əgha mbɨ na ə?” Mbɨ nyaʼa biirɨ əne ton əməd.

Matìyò 13:55

Ɨmbə̀ʼ wɔ̂ yɨə wan kabɨndà ə? Ɨmbə̀ʼ ɨkum ɨŋgɔb məd yɨə Mèri ə? Ɨmbə̀ʼ bɔŋgɔb məd yɨə Jems mbɨ Jòsêf mbɨ Saimòn fɔrɨ ə Judàs ə?

Mk 3:17

Jems mbɨ Jɔ̌n nɨ nyaʼa aŋgɔb məd. Mbɨ yɨə nyaʼə bɔn Zebèdiî, nɨ wɨ̀ nyaʼa chu mɨ̀mə̌d ni Boanejès, əne yɨə ni, Bɔn nɨə ghàm ɨghabɨ ə mbə̀ŋ nɨə kùmə̀.

Mk 3:19

mbɨ Judàs Iskàriɔ̀t nɨ nyaʼa fen əməd.