Mk 2:5 - Meta’

⁵ Ənɨ Yeso nyaʼa zə ɨchî nɨ bə̂d mbe nyaʼa nuŋ fîŋ ɨgwɨ ni, wɨ̀ nyaʼa ghà əmbɨ ə mbaŋə̀ ze nɨ nyaʼa buʼrə ni, “Mɨ wan, mə fə waʼ mbe ɨnû rɨbɔ̀ŋ.”

Ikan feg

⁵ Anyumə̀ ne Yeso ya bàri icheg ne bəd mbe ya beri ibḛfiŋ, wì ya ghà abə mbaŋà ze ne ya buʼrə gha, “Ìmə Ŋwan, mə fə waʼ ìmbe inug tibɔ̀ŋ.”

Mk 2:5 Referans Kwoze

Matìyò 9:2

Ənɨ wɨ̀ nyaʼa pè əŋgu, bə̂d mɔʼɔ nyaʼa bèʼ mbaŋə̀ ɨgwɨ ɨkon wò əsɨ məd. Mbaŋə̀ ze nyaʼa fə buʼrə. Ənɨ Yeso nyaʼa zə ɨchî nɨ bə̂d mbe nyaʼa nuŋ fîŋ ɨgwɨ ni, wɨ̀ nyaʼa ghà əmbɨ mbaŋə̀ ze nɨ nyaʼa buʼrə ni, “Yim fîŋ kyɨə wan. Mə fə waʼ mbe ɨnû rɨbɔ̀ŋ.”

Jems 5:15

Ə̀kɔ̀ŋgɨ̀ ə wə̀d we nɨ ben ə Ŋwiə̀ bɨrɨ ghɨ ni wə̀d əwɔn we bɔtɨ. Ə̀nùŋɨ̀sɨg bɨrɨ ghɨ ni ɨnyod məd wɨrɨ kàànɨ̀. À mɨ yeʼ nɨ wɨ̀ ghɨ̌ ɨnû rɨbɔ̀ŋ mɔʼɔ, Ŋwìə̀ bɨrɨ waʼ ɨnû rɨbɔ̀ŋ mbe.

Matìyò 9:22

Ənɨ wɨ̀ nyaʼa betɨ, Yeso nyaʼa bèŋ zə əməd, ghà ɨ bɔ ni, “Yim fîŋ, kyɨ ɨŋgɔbə! E ɨbenɨ fə ghɨ̀ ni à bɔtɨ e.” Àmei əwu əwən əyi we nyaʼa bɔtɨ i.

Efesùs 2:8

Ɨchî nɨ mbə̀ benɨ, Ŋwìə̀ fə ghɨ̀ ɨ̀chɔ̀m ənɨ nən chɨ̀ əwən rəŋgəʼ. Kaʼi mbə̀nə ghɨ ənû zɔ̂. À yɨ ɨneʼe nɨ nɔʼ rɨ əmbɨ ə Ŋwiə̀.

Ɨ̀fàʼì 5:31

Ŋwìə̀ nyaʼa nɔ əməd nùŋ ənɨ e əbà əbɔ ə jɨgɨ ni wɨ̀ chub ənɨ Ə̀chà bə̂d fɔrɨ ənɨ Wə̀d nɨə chɨ̀ə̀ bə̂d rəŋgəʼ, ɨmbə̀ʼ wɨ̀ ghɨ ni mɨ̀Izre beŋ tə fîŋ, Ŋwìə̀ waʼ ɨnû rɨbɔ̀ŋ mɨ̀mə̌d.

Jn 5:14

Ənɨ əmad ə nyaʼa zombɨ, Yeso nyaʼa zə mbaŋə̀ ze nɨ wɨ̀ kə̀ʼ vɨ̀ əməd ɨŋga mbàn Ŋwìə̀, əne wɨ̀ nyaʼa ghà ɨ bɔ ni, “Zə, à fə bɔtɨ e! Tɨrə̀ wɨrɨ ghɨ e ənû rɨbɔ̀ŋ, ɨmbə̀ʼ tɨ ənû nɨ bə chè əzɔ̂ ə nyɨ i ɨgwɨ ne.”

Lk 5:20

Ənɨ Yeso nyaʼa zə ɨchî nɨ bə̂d mbe nyaʼa nuŋ fîŋ ɨgwɨ ni, wɨ̀ nyaʼa ghà əmbɨ ə mbaŋə̀ ze ni, “Mɨ sə̀ʼ, mə fə waʼ mbe ɨnû rɨbɔ̀ŋ.”

Kòlosè 3:13

Əne mbə̀ yim fîŋ mbənə mbənə bə̀ waʼ tɨ̀gurɨ-ɨnû wə̀d we nɨ gu ənû əmbɨ aŋgɔb. Ɨchî nɨ Ə̀nùŋɨ̀sɨg fə waʼ mbə ɨgu ɨnû, əne bə̂, mbə berɨ bɨ waʼ mbɨ bə̂d cherə.

2 Kɔrèn 2:10

Mbə mɨ fə waʼ ɨnû rɨbɔ̀ŋ wə̀d mɔʼɔ, mə fə bə̀ waʼ. Mə mɨ fə waʼ, njɨ ənû ze nɨ mə̀ fə waʼa, mə fə waʼ ɨfě Kristo ɨmbə̀ʼ əwən.

1 Kɔrèn 11:30

À yɨ əton nɨ bə̂d mɨ̀nɔnɔʼ əkaʼ nən ə bɔrə bə̀ wɔ̀nə̀, mbɨ mɔʼɔ fə bə̀ kwɨ.

Ɨ̀fàʼì 14:9

Mbaŋə̀ ze nyaʼa chub ɨ zwetɨ ənû ze nɨ Pɔ̂l nyaʼə ghàə̀. Pɔ̂l nyaʼa toŋ əghə ɨgwɨ məd, əne zə ni wɨ̀ nyaʼa berɨ ɨbenɨ nɨ tɨ mbɨ ghɨ̀ wɨ̀ bɔtɨ.

Ɨ̀fàʼì 11:23

Ənɨ wɨ̀ nyaʼa wò pè zə ɨchî nɨ Ŋwìə̀ nyaʼa ghɨ ɨ̀chɔ̀m ənɨ ə bə̂d mbe, wɨ̀ nyaʼa ghaʼ, əne tìmbɨ̀ mɨ̀mə̌d mɨjìm ni mbɨ təm kàànɨ̀ ɨŋga ənû ə Ŋwiə̀, bə̀ fàʼ əmbɨ Ə̀nùŋɨ̀sɨg ənɨ tə fîŋ rɨjìm.

Jn 2:25

Chə nyaʼa i əton nɨ tɨ̀ wə̀d mɔʼɔ nyaʼa wɨrɨ ghà ɨnû ɨ bɔ ɨmbə̀ʼ ə bə̂d, ɨmbə̀ʼ ɨghəm nɨ məd ziə nyaʼa kyerɨ ɨnû mbe nɨ nyaʼa ɨŋga fîŋ tɨ mɨ̀mə̌d.

Lk 8:48

Yeso nyaʼa zu əne ghà ɨ bɔ ni, “Wân, e ɨbenɨ fə ghɨ̀ ni à bɔtɨ e. Ndə̀ əwe ənɨ əbɔrəbɔd.”

Mk 5:34

Yeso nyaʼa zu əne ghà ɨ bɔ ni, “Wân, e ɨbenɨ fə ghɨ̀ ni à bɔtɨ e. Ndə̀ əwe ənɨ əbɔrəbɔd, e əwɔn ə fə mì i.”

Matìyò 9:5

À kɨ ənû zi ə zam ə? À kɨ ɨ ghà ni, 'Mə fə waʼ mbe ɨnû rɨbɔ̀ŋ', kɨ̀ ɨ gha ni, 'Nɔʼ rətiə yèn ə?'

Mk 2:6

Məchwiə̀ rɨ̀kə̌ mɔʼɔ nɨ nyaʼa chub əŋgu, nyaʼa biirɨ ɨŋga tə fîŋ ni,