Mk 2:12 - Meta’

¹² Mbaŋə̀ ze nyaʼa nɔ̀ʼ əwu əwən, nɨŋ i matə̀, jwɨ̀ wò i ɨfě mɨ̀mə̌d mɨjìm. Ənû ze ə nyaʼa chè bə̂d mbe mɨ̀jìm, əne mbɨ nyaʼa yiirɨ ə Ŋwiə̀ ghàə̀ ni, “Chəi tɨ̀ kweʼ zə ənû ɨghabɨ ə zɔ̂!”

Ikan feg

¹² Mbaŋà ze ya nɔ̀ʼ kwàʼ ati, kad àze tìsa, dù ghò yi kwàʼ inɔb imbìghè mbɔb məjìm. Anug ze ya chè ibo abə bəd mbe məjìm. Ane, mbi ya se ghùmnə Ŋwiye gha, “Chəyi tì kweʼì bàd anug icheg azo̰!”

Mk 2:12 Referans Kwoze

Matìyò 9:33

Ənɨ Yeso nyaʼa chɨ əzwî rɨbɔ̀ŋ ze, mbaŋə̀ ze nyaʼa kɔ ghamɨ. Mɨnɔ̂n bə̂d mbe nyaʼa yiirɨ, əne ghà ni, “Chəi tɨ̀ kweʼ zə ənû ɨghabɨ zɔ̂ ɨŋga Izre.”

Matìyò 9:8

Ənɨ mɨnɔ̂n bə̂d mbe nyaʼa zə ənû ze, mbɨ nyaʼa bɔ, əne yiirɨ ə Ŋwiə̀ ɨchî nɨ wɨ̀ naʼ ɨkwɨ ɨka wɔ̂ əmbɨ ə bə̂d.

Lk 7:16

Ɨbɔɔ nyaʼa swi ɨŋga bə̂d mbe mɨjìm, əne ɨ mbɨə nyaʼə yiirɨ ə Ŋwiə̀ ghàə̀ ni, “Wə̀d ɨ̀kə̀n Ŋwìə̀ nɨ dabə fə jwɨ̀ əkaʼ na!” fɔrɨ ni, “Ŋwìə̀ fə yeʼe ɨ weerɨ mbi bə̂d!”

Ɨ̀fàʼì 4:21

Ənɨ mbɨ nyaʼa ghà əne, mə̀saʼ əbeŋ mbe nyaʼa yì patɨ mɨ̀mə̌d kwàʼ rɨ̀kǎ, sàŋ ni mbɨ wo ə. Chəi mbɨ nyaʼa zə ɨnə̂njɨ̀ nɨ chə mɨ̀mə̌d, ɨmbə̀ʼ ɨghəm nɨ bə̂d mɨ̀jìm mbɨə nyaʼə yiirɨ ə Ŋwiə̀ ɨmbə̀ʼ ənû ze nɨ nyaʼa ghɨ̌.

Jn 9:32

Tɨ ənɨ Ŋwìə̀ nyaʼa tekɨ ɨsɨg, chəi bə̂d kweʼ zu ni wə̀d mɔʼɔ fə fìʼ əghə ə wə̀d nɨ mbɨ nyaʼa gywɨ əfɨgə.

Jn 7:31

Àyɨə bə̂d mɨ̀nɔnɔʼ nyaʼa ben ənû ze nɨ wɨ̀ nyaʼə ghàə̀. Mbɨ nyaʼa gha ni, “Ənɨ Wə̀d we nɨ Ŋwìə̀ zɔʼɔ yeʼe, wɨ̀ wa bɨrɨ ghɨ ɨnû yiirɨ nɨ nɔʼ chè mbe nɨ mbaŋə̀ zɔ̂ fə ghɨ ə?”

Lk 17:15

Ənɨ wɨ̀ fibɨ̀ rəbɔʼ mɨ̀mə̌d nyaʼa zə ni i ɨnyod fə zeŋ i, wɨ̀ nyaʼa bə̀ndɨ̀ wò rəbɔʼ, yènə̀ yiirɨ ə Ŋwiə̀ ənɨ gɨ̂ nɨ kǎ

Lk 13:13

Wɨ̀ nyaʼa ghà əne, zab mbi ɨbɔ ɨgwɨ məd. Àmei əwu əwən, ɨnyod əyi we nyaʼa sèmə̀, wɨ̀ yiirɨ ə Ŋwiə̀.

Lk 5:26

Ənû ze ə nyaʼa chè mɨ̀mə̌d mɨjìm. Əne mbɨ nyaʼa bɔ yiirɨ ə Ŋwiə̀ ghà ni, “Tɨ̀ fə zə rɨ̀sɔ̀ʼ ɨnû rə̀chɔ̀ŋ.”

Mk 1:27

Bə̂d mɨ̀jìm mbe nɨ nyaʼa əŋgu nyaʼa yiirɨ, əne mbɨ nyaʼa sɨə biirɨə mbənə mbənə ni, “Əzɔ̂ ə kɨ ə ye ə? À kɨ ɨkwɨ ɨchî fi nɨ chwi ənû ə? Mbaŋə̀ zɔ̂ ə berɨ ɨka nɨ gham nɨ ka àbei əbɔʼ ɨzwî rɨbɔ̀ŋ, mbɨ zuunɨ əməd.”

Matìyò 15:31

Bə̂d mbe nyaʼa yiirɨ ɨchî nɨ mbɨ nyaʼa zə nɨ mbɨ̀rɨ̀ghàm ə ghàmə̀, mbe nɨ ɨbɔ nyaʼa kwɨ bɔtɨ, mbe nɨ nyaʼə tèʼ ɨwu yèn ɨchî chɔ̀m bə̀ yiirɨ ɨchî nɨ mɨfɨgɨ̀ ə zə ɨsɨ. Əne mbɨ nyaʼa yiirɨ Ŋwìə̀ mɨ̀Izre.

Matìyò 12:23

Bə̂d mɨ̀jìm nyaʼa zə əne yiirɨ ghà ni, “Tɨ̀ mbɨ nàʼ wɔ̂ yɨə Wan Dèvîd ə?”

Mk 2:11

“Mə ghà ɨ ne ni nɔʼ rətiə, nɨŋ e matə̀, wò əwe ɨnuʼ.”