Mk 14:61 - Meta’

⁶¹ Yeso nyaʼa kəm rəziə. Chəi wɨ̀ nyaʼa gha ənû ə mɔʼɔ. Əne ətu ɨgwɨ ə bə̂d mbàn Ŋwìə̀ nyaʼa yì biirɨ ɨ bɔ ni, “Àwɔ̀ wa kɨə Wə̀d we nɨ Ŋwìə̀ zɔʼɔ, nɨ bə̀ yeʼ Wan Ŋwìə̀ we nɨ bə̂d ə wumnɨə ə?”

Ikan feg

⁶¹ Yeso ya chim tizi. Chəyi wì ya ywìti anug mɔ̀ʼɔ. Ane, atog wə̀d igun bəd mbàn Ŋwiye ya ywìrì bìri ibo gha, “Àghò wa kə Wə̀d we ne Ŋwiye zɔ̀ʼi, ne bə̀ yaʼ Ŋwan Ŋwiye we ne bəd mbe ghùmnə?”

Mk 14:61 Referans Kwoze

Mk 15:2

Pailèt nyaʼa biirɨ ɨ bɔ ni, “Àwɔ̀ kɨ ɨfɔ̀n mɨ̀Jû ə?” Wɨ̀ nyaʼa wììrɨ̀ ɨ bɔ ni, “À yɨ ɨchî nɨ à ghǎ.”

Jn 19:7

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ghà ɨ bɔ ni, “Tɨ̀ berɨ ɨkə nɨ chwi ni wɨ̀ berɨ kwɨ, ɨmbə̀ʼ ɨghəm nɨ ɨ wɨə ghàə̀ ni tə yɨə Wan Ŋwìə̀.”

1 Pità 2:23

Ənɨ mbɨ nyaʼa zɔm əməd, chəi wɨ̀ nyaʼa bə̀ zɔ̀m bə̂d mbe nɨ nyaʼa zɔm əməd. Ənɨ wɨ̀ nyaʼə zə ŋgəʼ, chəi wɨ̀ nyaʼa gha ni tə bɨrɨ wì. Wɨ̀ nyaʼa nuŋ i fîŋ yeʼ ɨgun ə Ŋwiə̀ we nɨə saʼə bə̂d ɨchî nɨ kuʼnɨ.

Jn 10:36

Mbə̀ mbɨə ghà ɨmbə̀ʼ mɔ̌ we nɨ Mbǎʼ nyaʼa zɔʼɔ chà ɨŋga ɨsɨg ni mə wɨə zɔ̀m ə Ŋwiə̀ ɨmbə̀ʼ ɨchî nɨ mə̀ gha ni, 'Mə yɨə Wan Ŋwìə̀ ə'?

Jn 1:34

Mə fə zə, əne mə wɨə bə̀ ghà əmbɨ ə bə̂d ni məd yɨə Wan Ŋwìə̀.”

Matìyò 16:16

Saimon Pità nyaʼa wììrɨ̀ ni, “Àwɔ̀ yɨə Wə̀d we nɨ Ŋwiə̀ zɔʼɔ, yeʼ Wan Ŋwìə̀ we nɨ yeʼ ɨkǎ.”

Matìyò 8:29

Ənɨ ɨzwî rɨbɔ̀ŋ mbe nyaʼa zə ə Yeso, mbɨ nyaʼə kyeŋə ghàə̀ ni, “Àwɔ̀ Wan Ŋwìə̀, à berɨ ənû ə ye nɨ ghɨ̀ mbɨ na ə? À wa yeʼe əgha ɨ chə əwa bɔŋ nyùmə̀ sɨə kùʼ ə?”

Matìyò 3:17

Gɨ̂ nyaʼa ghàm rɨkaŋ ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd.”

1 Timotì 6:15

Ənɨ nyùmə̀ kuʼu, Ŋwìə̀ bɨrɨ ghɨ ni Kristo wɨrɨ yeʼe. Ŋwìə̀ yɨ we nɨ bə̂d məd ə wumnɨə. Àmei məd yeʼ Ə̀tùmbɨ̀ ɨsɨg nɨ yeʼ Ɨfɔ̂n ɨgwɨ mɨfɔ̀n mbɨ Ə̀nùŋɨ̀sɨg ɨgwɨ mɨ̀-ə̀nùŋɨ̀sɨg.

1 Timotì 1:11

Tɨ̀ we tɨ̀ rɨ̀ zə ɨnû mbɔ̂ ɨŋga ɨkə̂n chɔ̀m we nɨ Ŋwiə̀ zɨ ɨŋga tum rɨkyerɨ-ɨbɔ. Məd yɨə Ŋwìə̀ we nɨ bə̂d ə yiirɨə bə̀ wumnɨə.

Ɨ̀fàʼì 8:32

Əsɨ Ə̀ŋwàʼnɨ̀ ə Ŋwiə̀ ze nɨ wɨ̀ nyaʼə foŋə yɨ ni: “Məd yɨ ɨghabɨ njɨ̀g nɨ mbɨ nɨŋ ɨ wo kyemɨ, bə̀ fɔrɨ ɨghabɨ ə wan njɨ̀g nɨ kəm rəziə ənɨ mbɨə serə nyôŋ rɨ məd, əne chəi wɨ̀ nyaʼa fiʼ i ɨchû.

Jn 19:9

Əne wɨ̀ nyaʼa wɨrɨ wò nyɨ ɨŋga tɔʼ mbɨ Yeso, pè biirɨ ɨ bɔ ni, “À kɨ rɨ ə yi?” Chəi Yeso nyaʼa wiirɨ.

Jn 18:37

Pailèt nyaʼa biirɨ ɨ bɔ ni, “Əne, àwɔ̀ yɨ ɨfɔ̂n ə?” Yeso nyaʼa wììrɨ̀ ni, “À fə ghà ni mɔ̌ yɨ ɨfɔ̂n. Mbɨ nyaʼa gywɨ əmɨ, mə yeʼe ɨŋga ɨsɨg ɨmbə̀ʼ ənû zɔ̂ ə mɔʼ. Ənû ze yɨ nɨ ghɨ ni bə̂d kyerɨ rəsìʼ. Wə̀d mɔʼɔ we nɨ ben rəsìʼ wɨə zu ənû ze nɨ mɨə ghàə̀.”

Jn 10:24

Mɨ̀Jû nyaʼa wò fetɨ kad əməd biirɨ ɨ bɔ ni, “À kɨə wo nuŋ əwa ənɨ ə̀bìrɨ̀ ənɨ əgha nɨ sa rɨ ye ə? Àwɔ̀ mɨ yeʼ Wə̀d we nɨ Ŋwìə̀ zɔʼɔ, kaŋ ghà ɨ na əsaŋ əsaŋ.”

Mk 14:60

Ənɨ ətu ɨgwɨ ə bə̂d mbàn Ŋwìə̀ nyaʼa zu ɨnû mbe, wɨ̀ nyaʼa nɔ̀ʼ rətiə əkaʼ mɨ̀mə̌d, biirɨ əmbɨ Yeso ni, “Chəi à berɨ ənû ə mɔʼɔ nɨ wiirɨ ə? Ɨnû mbɔ̂ nɨ mbɨ zɨ ɨgwɨ ne wa kɨ ɨnû rəsìʼ ə?”