Mk 13:32 - Meta’

³² “Chəi wə̀d mɔʼɔ kyerɨ əni ze kɨ̀ nyùmə̀ we nɨ ɨnû mbɔ̂ bɨrɨ ghɨ̀, ka àbei mbɨ̀aŋgɨrə̀ mbe nɨ yeʼ ɨkaŋ kɨ̀ bè ə Wan. Àmei Mbǎʼ rə̀zìʼ wi kyerɨ.

Ikan feg

³² Yeso ya chè imbìghè ghà inɔn gha, “Chəyi wə̀d mɔ̀ʼɔ kyeri aneg ze kə̀ nyùmə̀ we ne inug mbo̰ biri dù, ka bèyi mbè angirə̀ mbe ne yaʼi ikaŋ kə̀ bə̀ Ŋwan. À ya məyi Mbaʼ tèzìʼì wì kyèri.

Mk 13:32 Referans Kwoze

Ɨ̀fàʼì 1:7

Wɨ̀ nyaʼa wììrɨ̀ əmbɨ mɨ̀mə̌d ni, “Kaʼi əzən rɨmbin nɨ kyerɨ mɨ̀nyùmə̀ kɨ̀ ɨni mbe nɨ Mbǎʼ fə nuŋ ənɨ i ɨka.

Matìyò 25:13

“Əne mbə̀ chub ɨkyèʼe, ɨmbə̀ʼ ɨghəm nɨ chəi mbə̀ kyerɨ əni ze kɨ̀ ə nyùmə̀ we nɨ Wan Wə̀d bɨrɨ wɨrɨ yeʼe.

Ɨnû 3:3

Əne kɔndɨ ɨnû mbe nɨ mbɨ nyaʼa chwiə ɨ ne à zu. Beŋ e fîŋ, nùŋ ɨnû mbe. À mɨ ton nɔʼ e rɨ əŋgwenɨ, mə bɨrɨ yeʼe ɨghabɨ ɨjɨ. Chəi à bɨrɨ kyerɨ ə nyùmə̀ we nɨ mə̀ bɨrɨ yeʼe.

Matìyò 25:6

“À nɨə sɨ ɨzimɨ ka, wə̀d mɔʼɔ nyaʼa kyeŋ rɨ̀kǎ ghà ni, 'Ɨnom ɨgən we fə yeʼe i, mbə̀ jwɨə wò bòm əməd!'

2 Pità 3:10

Àyɨə əni ze nɨ Ə̀nùŋɨ̀sɨg bɨrɨ wɨrɨ yeʼe ə zɨ ɨghabɨ ɨchî nɨ ɨjɨ ə yeʼe. Əni ze, ɨkaŋ bɨrɨ jùʼ rɨkǎ nim. Ɨwid bɨrɨ tɔn ɨghɨjìm mbe nɨ yeʼ ɨkaŋ, mbɨ sam. Ɨwid bɨrɨ tɔn si bə̀ tɔ̀n ɨghɨjìm mbe nɨ yeʼ ɨgwɨ ə si, mbɨ nim.

Matìyò 25:19

“Ənɨ əgha ə nyaʼa saarɨ, mbǎʼ ə̀fàʼì mɨ̀mə̌d we nyaʼa bə̀ndɨ̀ rɨ ɨghanɨ, pè kɔ nwendɨ i ɨkab mbɨ mɨ̀mə̌d.

Ɨnû 1:1

Ə̀ŋwàʼnɨ̀ zɔ̂ yɨ ɨmbə̀ʼ ɨnû mbe nɨ bɨrɨ zambɨ ghɨ̀, nɨ Ŋwìə̀ nyaʼa ghǎ əmbɨ Yeso Kristo ni wɨ̀ chwi əmbɨ mbi bə̂d ə̀fàʼì. Yeso Kristo nyaʼa tom wi aŋgɨrə̀ əsɨ i wə̀d ə̀fàʼì nɨ ɨkum məd nyaʼə Jɔ̌n ni wɨ̀ ghɨ bə̂d kyerɨ ɨnû mbɔ̂.

Mk 13:31

Ɨkaŋ fɔrɨ si bɨrɨ chè, àyɨə chəi mɨ ɨŋgam bɨrɨ nɔ che ətu ə̀kǒ.