Mk 12:17 - Meta’

¹⁷ Yeso nyaʼa ghà əmbɨ mɨ̀mə̌d ni, “Mbə̀ naʼ ɨghɨ Kaisà əmbɨ Kaisà, bə̀ nàʼ ɨghɨ Ŋwiə̀ əmbɨ ə Ŋwiə̀.” Mbɨ nyaʼa kàŋ yiirɨ ɨchî nɨ wɨ̀ nyaʼa wiirɨ ɨŋgam we.

Ikan feg

¹⁷ Yeso ya ghà inɔb gha, “Mbə̀ naʼa ighi Kayisà abə Kayisà bə̀ nàʼ ighi Ŋwiye abə Ŋwiye.” Mbi ya taŋ yeti icheg ne wì ya ywìti ìngam we angu.

Mk 12:17 Referans Kwoze

Rm 13:7

Mbə̀ naʼ ɨghɨ əmbɨ ə bə̂d mbe nɨ mbə̀ berɨ nɨ naʼ əmbɨ mɨ̀mə̌d. Mbə̀ maʼ mɨ̀tagsɨ̀ əmbɨ ə bə̂d mbe nɨə fetɨ mɨ̀tagsɨ̀. Mbə̀ chwɨ mɨ̀tagsɨ̀ ɨgwɨ ɨghɨ mbe nɨ mbə berɨ əmbɨ ə bə̂d mbe nɨ mbɨə chwɨ əmbɨ mɨ̀mə̌d. Mbə̀ bɔ bə̂d mbe nɨ mbə̀ berɨ nɨ bɔ, bə̀ wumnɨ mbe nɨ mbə̀ berɨ nɨ wumnɨ.

1 Pità 2:17

Mbə̀ wumnɨ bə̂d mɨjìm, ghaʼ bɔŋgɔb mbe nɨ ben ə Kristo, bɔ ə Ŋwiə̀ bə̀ wumnɨ ɨfɔ̂n kyeŋ.

Rm 6:13

Tɨ mbə̀ ben ə ni mbə ɨsɨ ɨnyod mɔʼɔ ghɨ ɨnû rɨbɔ̀ŋ. Əze ə bɨrɨ yeʼ ɨghabɨ ɨghɨ ə̀fàʼì nɨ mbə̀ə ghɨ̀ ɨnû ɨzɨg əŋgu. Àyɨə mbə̀ ben ni ə ɨnyod yeʼ əmbɨ ə Ŋwiə̀ ɨghabɨ ə bə̂d nɨ fə kwɨ wɨrɨ yeʼ ɨkǎ. Mbə̀ ben ni mbə ɨsɨ ɨnyod yeʼ əmbɨ ə Ŋwiə̀ ənɨ ɨghɨ ə̀fàʼì nɨ kùʼnɨ̀.

Rm 12:1

Mbɨ bɔŋgɔb, mə wɨə buʼ ɨbɔ ɨ nən ni ɨchî nɨ Ŋwìə̀ ə dììrɨ̀ əwa, mbə̀ naʼ ə ɨnyod əmbɨ ə Ŋwiə̀ ɨghabɨ əghɨ ə̀fà ze nɨ yeʼ ɨkǎ, nɨ zeŋɨ, nɨ Ŋwìə̀ bə̀ ghaʼ. Əzɔ̂ yɨ ɨchî nɨ kuʼnɨ nɨ tɨ̀ mbə wumnɨ ə Ŋwiə̀.

Matìyò 22:46

Chəi wə̀d nɨ tɨ̀ wɨ̀ nyaʼa wììrɨ̀ ənû ze nɨ wɨ̀ nyaʼa biirɨ. Ɨ kɔ rɨ əni ze, chəi wə̀d nɨ tɨ̀ wɨ̀ nyaʼa wɨrɨ yim fîŋ biirɨ ənû ə mɔʼɔ ɨ bɔ.

Matìyò 22:22

Ənɨ mbɨ nyaʼa zu ənû ze, mbɨ nyaʼa yiirɨ, əne sàŋ əməd wò əwən.

Mk 12:30

À berɨ ghaʼ Ə̀nùŋɨ̀sɨg e Ŋwiə̀ ənɨ e fîŋ jìm, ənɨ e ɨ̀tènɨ̀ jìm, ənɨ te rɨkɔndɨ rɨjìm bə̀ fɔrɨ ənɨ e ɨka jìm.'

Matìyò 22:33

Ənɨ mɨnɔ̂n bə̂d mbe nyaʼa zu ənû ze, mbɨ nyaʼa yiirɨ ɨnû mbe nɨ wɨ̀ nyaʼə chwiə.

Matìyò 8:10

Ənɨ Yeso nyaʼa zu ənû ze, wɨ̀ nyaʼa yiirɨ, əne ghà əmbɨ ə bə̂d mbe nɨ nyaʼə beenɨ əbɔʼ məd ni, “Mə ghà rəsìʼ ɨ nən ni chəi mə kweʼ zə wə̀d mɔʼɔ ɨŋga Izre nɨ berɨ ɨkwɨ ɨbenɨ wɔ̂.

Matìyò 22:21

Mbɨ nyaʼa wììrɨ̀ ni, “À yɨ wɨ Kaisà.” Əne wɨ̀ nyaʼa ghà əmbɨ mɨ̀mə̌d ni, “Mbə̀ nàʼ ɨghɨ Kaisà əmbɨ Kaisà, bə̀ nàʼ ɨghɨ Ŋwiə̀ əmbɨ ə Ŋwiə̀.”

Mk 12:16

Mbɨ nyaʼa wò nàʼ wɨ mɔʼɔ ɨ bɔ. Əne wɨ̀ nyaʼa biirɨ əmbɨ mɨ̀mə̌d ni, “Ɨfě wɔ̂ mbɨ ɨkum wɔ̂ kɨ wɨ we ə?” Mbɨ nyaʼa wììrɨ̀ ɨ bɔ ni, “À yɨ wɨ Kaisà.”

Lk 20:25

Wɨ̀ nyaʼa ghà əmbɨ mɨ̀mə̌d ni, “Əne mbə̀ naʼ ɨghɨ Kaisà əmbɨ Kaisà, bə̀ nàʼ mbɨ Ŋwiə̀ əmbɨ ə Ŋwiə̀.”