Mk 12:10 - Meta’

¹⁰ Chəi mbə̀ kɨrɨ foŋ ənû zɔ̂ ɨŋga Ə̀ŋwàʼnɨ̀ ə Ŋwiə̀ ni, 'Ɨti we nɨ məbɔmɨ nəb nyaʼa tonɨ, fə bèŋ ənɨ ɨti rɨ ɨbu nəb.

Ikan feg

¹⁰ Chəyi mbə̀ kiri fɔŋi anug azo̰ inga Àŋwàʼrì Ŋwiye gha, ‹Iteg we ne bəd ne kɔ̀rɔ nəb ya to̰ awɔb, wì fə bə̀ŋə̀ ane iteg ibog nəb.

Mk 12:10 Referans Kwoze

Matìyò 21:42

Yeso nyaʼa ghà əmbɨ mɨ̀mə̌d ni, “Chəi mbə̀ kweʼ foŋ ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀ ə? Zɨə ghà ni, 'Ɨti we nɨ məbɔmɨ nəb nyaʼa tonɨ, fə bèŋ ənɨ ɨti rɨ ɨbu nəb. Ənû zɔ̂ yɨ Ə̀nùŋɨ̀sɨg ghɨ̌, əne à yɨ ənû ə yiirɨ ɨ na nɨ zə.'?

Rm 9:33

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Zə, mə fə nùŋ ɨti ə Zayɔ̀n nɨ bɨrɨ ghɨ ni bə̂d tɨ̀grə, ɨwɔ̌ nɨ bɨrɨ ghɨ ni mbɨ gu ə. Chəi Ŋwìə̀ bɨrɨ naʼ tɨ̀nìd ətu əmbɨ wə̀d we nɨ nuŋ fîŋ ɨgwɨ məd.”

Mk 2:25

Yeso nyaʼa wììrɨ̀ əmbɨ mɨ̀mə̌d ni, “Chəi mbə̀ kweʼ foŋ ənû ze nɨ ɨfɔ̂n Dèvîd nyaʼa ghɨ̌ ənɨ wɨ̀ nyaʼa kwaŋ ɨghɨ bə̀ fɔrɨ ənɨ njì rɨ nyaʼa zaŋ əməd bə̀ zaŋə bə̂d mbe nɨ nyaʼa mbɨ məd ə?

Matìyò 21:16

Əne mbɨ nyaʼa biirɨ ɨ bɔ ni, “Ɨmbə̀ʼ à wɨə zu ɨnû zɔ̂ nɨ bɔn kwa mbɔ̂ ə ghà ə?” Yeso nyaʼa wììrɨ̀ ni, “Ee mə wɨə zuə. Chəi mbə̀ kɨrɨ foŋ ɨŋga Ə̀ŋwàʼnɨ̀ ə Ŋwiə̀ ni, 'À fə dàndɨ̀ bɔn kwa bə̀ dàndɨ̀ bɔn bɔd ni mbɨ yiirɨ əwe ə'?”

Matìyò 19:4

Wɨ̀ nyaʼa wììrɨ̀ ni, “Chəi mbə̀ kɨrɨ foŋ ni wə̀d we nɨ nyaʼa tekɨ bə̂d rɨ ənɨ ɨkɔ, nyaʼa tekɨ mɨ̀mə̌d mbaŋə̀ fɔrɨ əyi,

Lk 6:3

Yeso nyaʼa wììrɨ̀ ni, “Chəi mbə̀ kɨrɨ foŋ ənû ze nɨ ɨfɔ̀n Dèvîd nyaʼa ghɨ̌, ənɨ njì rɨ nyaʼa zaŋ əməd bə̀ zaŋə bə̂d mbe nɨ nyaʼa mbɨ məd ə?

Mk 13:14

Yeso nyaʼa ghà ni, “Ənɨ mbə̀ zə əghɨ ze nɨə ghɨ̀ ni bə̂d tibrɨ mbàn Ŋwìə̀, nɨ mbɨ nuŋ əsɨ ze nɨ chəi mbɨ kəʼ berɨ nuŋ əŋgu (ətu ə wə̀d we nɨə foŋ ə zeŋ), əne bə̂d mbe nɨ yeʼ ə Jùdeyà mbɨ norə kɔʼ ɨkaŋ tɨwum.

Matìyò 22:31

À yeʼ ɨmbə̀ʼ ənû nɨ zwemə, chəi mbə̀ kɨrɨ foŋ ənû ze nɨ Ŋwiə̀ nyaʼa gha ɨ nən ə? Wɨ̀ nyaʼa ghà ni,

Matìyò 12:3

Wɨ̀ nyaʼa wììrɨ̀ əmbɨ mɨ̀mə̌d ni, “Chəi mbə̀ kɨrɨ foŋ ənû ze nɨ ɨfɔ̂n Dèvîd nyaʼa ghɨ̌, ənɨ njì rɨ nyaʼa zaŋ əməd bə̀ zaŋə bə̂d mbe nɨ nyaʼa mbɨ məd ə?

Mk 12:26

À yeʼ ɨmbə̀ʼ ənû nɨ ɨvɨ bə̂d bɨrɨ zwemə, chəi mbə̀ kɨrɨ foŋ ɨŋga ə̀ŋwàʼnɨ̀ ze nɨ Mose nyaʼa ŋwaʼnɨ, ɨŋga əsɨ ze nɨə ghà ɨmbə̀ʼ ətud nɨ nyaʼə fɨə, ɨchî nɨ Ŋwìə̀ nyaʼa gha ɨ bɔ ni, 'Mɔ̌ yɨə Ŋwìə̀ Abràham, Ŋwìə̀ Aizìk, mbɨ Ŋwìə̀ Jakɔ̂b ə'?

Mk 12:9

“Mbaŋə̀ ze nɨ nyaʼa berɨ mbeŋ vaìn ze kɨə wo ghɨ ye ə? Wɨ̀ bɨrɨ wo zwiirɨ bə̂d mbe nɨ nyaʼa yim mbeŋ ze, sɨ nàʼ mbeŋ ze əmbɨ ə bə̂d cherə.