Mk 10:23 - Meta’

²³ Yeso nyaʼa nèŋ ɨsɨ kad, əne ghà əmbɨ mbi mə̀mə̀ə̀nɨ̀-ɨnû ni, “Zɨə bɨrɨ nɨ se əmbɨ ə bə̂d mbɔ̂n nɨ nyɨ ɨŋga ənû ɨfɔ̀n ə Ŋwiə̀!”

Ikan feg

²³ Yeso ya nèn isiŋi chè kad, si ghà abə ìmbi mə̀mə̀nənùg gha, “Ze biri ka abə bəd ighi ni nyi inga anug ìfɔ̀n Ŋwiye!”

Mk 10:23 Referans Kwoze

1 Kɔrèn 1:26

Bɔŋgɔb, mbə̀ kɔndɨ ɨchî nɨ mbə nyaʼa ənɨ ə nyùmə̀ we nɨ Ŋwìə̀ nyaʼa tɔŋ əwən ni mbə̀ yeʼ mbi bə̂d. Chəi mbə̀n mɨ̀nɔnɔʼ nyaʼa berɨ ɨwe ɨchî nɨ bə̂d rɨŋga ɨsɨg ə nèŋ bə̂d ɨwe. Chəi mbə̀n mɨ̀nɔnɔʼ nyaʼa berɨ mbɨ̀rɨmbin kyeŋ ɨŋga əbeŋ. Chəi mbə̀n mɨ̀nɔnɔʼ nyaʼa berɨ mbɔ̂n.

Jems 2:5

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ zwetɨ! Ŋwìə̀ nyaʼa chɔʼ bə̂d mbe nɨ yeʼ bə̂d kwaŋ ɨŋga ɨsɨg ɨmbə̀ʼ mbɨ yeʼ bə̂d mbɔ̂n ɨchî nɨ mbɨ ben ə Yeso Kristo. Əne mbɨ bɨrɨ jɨg ənû ɨfɔ̀n ze nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Lk 18:24

Yeso nyaʼa neŋ əməd ghà ni, “Zɨə bɨrɨ kaŋ se əmbɨ ə bə̂d mbɔ̂n nɨ nyɨ ɨŋga ənû ɨfɔ̀n ə Ŋwiə̀!

Mk 3:5

Wɨ̀ nyaʼa nèŋ mɨ̀mə̌d kad nàànɨ̀, sə ɨtəm bə̀ wɨrɨ kə̀n ɨmbə̀ʼ ɨghəm nɨ fîŋ tɨ mɨ̀mə̌d nyaʼa tu. Wɨ̀ nyaʼa ghɨ̀ əne ghà əmbɨ ə mbaŋə̀ ze ni, “Sem e əbɔ.” Wɨ̀ nyaʼa sèm, əne əbɔ əməd ə nyaʼa wɨrɨ kà i.

2 Pità 1:11

Əne Ŋwìə̀ bɨrɨ naʼ ɨka jìm ɨ nən nɨ nyɨ ɨŋga ənû ɨfɔ̀n rɨ mì a Ə̀nùŋɨ̀sɨg Yeso Kristo we nɨə chɨ̀ əwa rəŋgəʼ.

Jems 4:4

Mbə yɨ ɨghabɨ məyi namɨ nɨə niirɨə mbaŋə̀! Chəi mbə̀ kyerɨ ni wə̀d we nɨə kə̀b jɨg ə̀sə̀ʼ mbɨ ɨsɨg yɨə wə̀d pə̀n Ŋwìə̀ ə? Əne wə̀d mɔʼɔ we nɨ ghaʼ ənû nɨ jɨg ə̀sə̀ʼ mbɨ ɨsɨg yɨə wə̀d pə̀n Ŋwìə̀.

Jn 3:5

Yeso nyaʼa wììrɨ̀ ni, “Mə ghà rəsìʼ ɨ ne ni chəi wə̀d nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə ənɨ mɨnib bə̀ fɔrɨ ənɨ Əzwî ə Ŋwìə̀.

Mk 10:15

Mə ghà rəsìʼ ɨ nən ni, ka wə̀d mɔʼɔ we nɨ chəi wɨ̀ ben ənû ɨfɔ̀n ə Ŋwiə̀ ɨghabɨ ə wan kwa bɨrɨ nɔ nyɨ i ɨŋga ənû ɨfɔ̀n ze.”

Mk 5:32

Yeso nyaʼa nèŋ ɨsɨ ghab ɨmbə̀ʼ zə wə̀d we nɨ betɨ əməd.

Matìyò 18:3

əne ghà ni, “Mə ghà rəsìʼ ɨ nən ni, mbə mɨ rɨ beŋ əwən sɨ ɨghabɨ bɔn kwa, njɨ chəi mbə bɨrɨ nɔ nyɨ ɨŋga ənû ɨfɔ̀n rɨkaŋ.

Mk 10:22

Ənɨ mbaŋə̀ ze nyaʼa zu ənû zɔ̂, ɨnyod ɨməd bɔd, əne wɨ̀ nyaʼa nɔ̀ʼ wò i yènə̀ kə̀nə̀, ɨmbə̀ʼ ɨghəm nɨ wɨ̀ nyaʼa kaŋ berɨ ɨghɨ nɔnɔʼ.