Mk 1:35 - Meta’

³⁵ À nyaʼa ɨsɔsɔ ənɨ chəi ɨtuʼ nyaʼa kɨrɨ jeŋgɨ chɨg, Yeso nyaʼa jwɨ̀ wò əsɨ nɨ chə nyaʼa i bə̂d əŋgu. Wɨ̀ nyaʼa wò kɔŋgɨ ə Ŋwiə̀ tə̀zìʼ wi.

Ikan feg

³⁵ Isusu abɔ̀ʼ, ne chəyi ituʼ ya kiri taŋ chəg, Yeso ya nɔ̀ʼ dù ghò a asiŋi ne chəyi wə̀d mɔ̀ʼɔ ya yaʼi angu. Wì ya ghò chàʼra Ŋwiye tèzìʼì.

Mk 1:35 Referans Kwoze

Lk 6:12

À nyaʼa əni ə mɔʼɔ, Yeso nyaʼa wò ɨkaŋ ɨwum ɨ kɔŋgɨ ə Ŋwiə̀. Wɨ̀ nyaʼa kɔŋgɨ ə Ŋwiə̀ ɨzimɨ we jìm.

Efesùs 6:18

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm bə̀ fɔrɨ ənɨ mbə̀ə ghɨ̀ ɨnû jìm. Mbə̀ ghɨ əne ɨchî nɨ Əzwî ə naʼ ɨka ɨ nən. Əne mbə̀ chub ɨkyèʼe. Tɨ mbə̀ bɔd ə nɨ kɔŋgɨ ə Ŋwiə̀ ɨgwɨ ə bə̂d məd mɨjìm.

Lk 5:16

Yeso nyaʼa kɨə wò ɨŋga ɨbad rɨkwàʼi ɨmbə̀ʼ kɔŋgɨ ə Ŋwiə̀.

Mə̀Hibrù 5:7

Ənɨ Yeso nyaʼa ɨgwɨ ə si, ɨ wɨə nyaʼə kɔ̀ŋgɨ̀ ə Ŋwìə̀ bə̀ nɔn ɨnû rɨ əmbɨ ə Ŋwìə̀ we nɨ tɨ̀ wɨ̀ nyaʼa fe əməd tɨ əmbɨ ɨvɨ. Ɨ wɨə nyaʼə kɔŋgɨ əne mbɨ əwob ə ka ka fɔrɨ mbɨ mɨsɨ əghə. Ŋwiə̀ nyaʼa zu ə̀kɔ̀ŋgɨ̀ əməd ɨmbə̀ʼ ɨghəm nɨ wɨ̀ nyaʼa swi i ɨnyod wumnɨ ə Ŋwiə̀.

Jn 6:15

Yeso nyaʼa kyerɨ ni bə̂d mbe mbɨə nyaʼə kə̀b yeʼe gywɨ əwi ənɨ ɨka ɨmbə̀ʼ zɔʼ ənɨ ɨfɔ̀n, əne wɨ̀ nyaʼa wɨrɨ nɔ̀ʼ wo ɨkaŋ ɨwum tə̀zìʼ wi.

Matìyò 14:23

Ənɨ wɨ̀ nyaʼa fə ghɨ ni mbɨ wò əwən, wɨ̀ nyaʼa kɔʼ wò ɨkaŋ ɨwum ɨ kɔŋgɨ ə Ŋwiə̀ tə̀zìʼ wi. À nyaʼa sɨ ɨkwirɨ ɨkwirɨ, ɨ wɨə nyaʼa kɨrɨ əŋgu tə̀zìʼ wi,

Fìlipì 2:5

Mbə̀ ghɨ ɨnû ɨchî nɨ Kristo Yeso nyaʼə ghɨ̀ə̀.

Jn 4:34

Àyɨə Yeso nyaʼa ghà əmbɨ mɨ̀mə̌d ni, “Mɨ əghɨjɨg yɨ nɨ ghɨ ɨnû mbe nɨ wə̀d we nɨ tom əmɨ kə̀bɨ, bə̀ fɔrɨ nɨ maanɨ ɨnû mbe nɨ wɨ̀ nyaʼa naʼ ɨ num.

Matìyò 14:13

Ənɨ Yeso nyaʼa zu ənû ze nɨ mbɨ nyaʼa ghɨ̌ ənɨ Jɔ̌n, wɨ̀ nyaʼa nɔ̀ʼ rɨ əsɨ ze ɨŋga əbaŋ ɨgyɨ̀, wò rə̀zìʼ wi əsɨ nɨ chə nyaʼa i bə̂d əŋgu. Ənɨ mɨnɔ̂n bə̂d mbe nyaʼa zu ni wɨ̀ fə nɔ̀ʼ rɨ əsɨ ze, mbɨ nyaʼa bə̀ nɔ̀ʼ rɨŋga mbə ɨsɨ beenɨ əbɔʼ məd ɨwu.

Mk 1:36

Saimòn mbɨ ə bə̂d mbe nɨ nyaʼa mbɨ məd nyaʼa jwɨ̀ ɨ wo kəb əməd.