Matìyò 6:2 - Meta’

² “Əne ənɨ àwɔ̀ ə nàʼ ɨghɨ əmbɨ wə̀d ŋgəʼ, tɨrə̀ fə e tàŋ ɨchî nɨ ɨbekɨ bə̂d ə ghɨ̀ ɨŋga nəb tɨ ə̀kàtɨ̀ bə̀ ghɨ̀ ɨtu ɨzib. Ɨ mbɨə ghɨ̀ əne ɨmbə̀ʼ bə̂d yiirɨ mɨ̀mə̌d. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Ikan feg

² Anyumə̀ ne àghò we nàʼà aghi abə wə̀d ne chəyi àzi məd, imbə̀ʼ àghò fə awe tàŋ se chètè icheg ne bəd mbe ne bèmnè inug mbe ghìyə̀ inga məchamì Ŋwiye bə̀ fɔrɔ ane itog izib. Mbɔb ya ghìyə̀ ane ni ghì gha bəd se chɔ̀tɔ̀ awɔb. Mə gha tesiʼ inən gha, mbɔb fə bèrì chùd ane àzɔb àfàʼì.

Matìyò 6:2 Referans Kwoze

Matìyò 6:5

“Ənɨ mbə̀ə kɔ̀ŋgɨ̀ ə Ŋwiə̀, tɨ mbə̀ ghɨ ə ɨghabɨ ɨbekɨ bə̂d. Ɨ mbɨə ghaʼə nɨ təm ɨŋga nəb tɨ ə̀kàtɨ̀ bə̀ fɔrɨ ɨban ɨnə̂njɨ̀ bɔŋ kɔŋgɨ ə Ŋwiə̀. Ɨ mbɨə ghɨ̀ əne àmei ɨmbə̀ʼ bə̂d zə mɨ̀mə̌d. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Matìyò 6:16

“Ənɨ mbə̀ chub rɨ jɨg, tɨ mbə̀ ghɨ ə ɨghabɨ ə bə̂d nɨə kə̀nə̀, ɨchî nɨ ɨbekɨ bə̂d ə ghɨ̀ə̀. Ɨ mbɨə ŋgɨ̀ndɨ̀ tə rɨfě ɨmbə̀ʼ bə̂d zə ni ɨ mbɨə chubə rɨ jɨg. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Jn 5:41

“Chəi mə̀ be kəb ni bə̂d yiirɨ əmɨ.

Mə̀Hibrù 13:16

Tɨ̀ mbə̀ waʼ ə ənû nɨ ghɨ ɨ̀chɔ̀m. Tɨ mbə̀ bɨ waʼ ə ənû nɨ ghapɨ ɨghɨ mbe nɨ mbə̀ berɨ, ɨmbə̀ʼ ɨghəm nɨ tɨkwɨrɨ ɨghɨ ə̀fà tɔ̂ ə bɔ̀ŋ əmbɨ ə Ŋwiə̀.

Lk 20:46

“Mbə̀ we əwən ɨmbə̀ʼ məchwiə̀ rɨ̀kə̌. Ɨ mbɨə ghaʼə nɨ zɨ ngywɨ̌ rɨ se ghanə yènə̀ mbɨ rɨwən. Ɨ mbɨə bə̀ ghaʼə ni bə̂d chaʼrɨ əwən mbɨ ɨwumnɨ ɨŋga mɨ̀wǐn. Mbɨ ghaʼ nɨ chub ɨgun ɨtən mbe nɨ yeʼ ɨfě ɨŋga nəb tɨ ə̀kàtɨ̀, bə̀ ghaʼ ɨsɨ ɨwumnɨ ənɨ bə̂d kaʼ ɨchwɨ̂.

Jn 7:18

Wə̀d we nɨə ghà ɨnû ənɨ i ɨka wɨə kə̀bə̀ ni bə̂d wumnɨ əməd. Àyɨə we nɨə kə̀bə̀ ni bə̂d wumnɨ wə̀d we nɨ tom əməd wɨə ghàə̀ rəsìʼ. Kaʼ məd yɨ i wə̀d mɨghab.

1 Pità 4:11

Wə̀d mɔʼɔ mɨ yeʼə ghà ɨŋgam Ŋwiə̀, wɨ̀ gha àmei ənû ze nɨ Ŋwìə̀ gha ɨ bɔ. Wɨ̀ mɔʼɔ mɨ yeʼə fàʼə̀, wɨ̀ faʼ àmei ənɨ ɨka we nɨ Ŋwìə̀ naʼ ɨ bɔ, ɨmbə̀ʼ ənɨ ɨnû jìm, bə̂d mbe tɨ̀ mbɨ yiirɨ ə Ŋwiə̀ ənjìm ə Yeso Kristo. Ɨwumnɨ jìm mbɨ ɨka jìm yɨ wɨ məd koŋ koŋ. À yɨ əne.

Efesùs 4:28

Tɨ wə̀d we nɨə jɨə rəbə jɨ i. Wɨ̀ kɔ faʼ ənɨ mbi ɨbɔ, berɨ ɨghɨ ɨchî nɨ kuʼnɨ, ɨmbə̀ʼ bɨ weerɨ bə̂d ɨkwaŋ.

Gàlesìyà 2:10

Ənû nɨ mbɨ nyaʼa gha ɨ na àmei ni tɨ̀ kɔndɨ ənû nɨ weerɨ bə̂d ɨkwaŋ, nɨ yeʼ ənû nɨ mə̀ nyaʼa kəb nɨ ghɨ̀.

Ɨ̀fàʼì 10:4

Kɔneliùs nyaʼa toŋ əghə ɨgwɨ aŋgɨrə̀ we, bɔ, əne biirɨ ni, “À kɨ ənû ə ye, masà ə?” Aŋgɨrə̀ we nyaʼa wììrɨ̀ ɨ bɔ ni, “Fîŋ Ŋwìə̀ ə bɔ̀ŋ əku ɨmbə̀ʼ ə̀kɔ̀ŋgɨ̀ ze nɨ àwɔ̀ ə kɔ̀ŋgɨ̀ə̀ fɔrɨ ɨmbə̀ʼ ɨkab we nɨ àwɔ̀ ə wèèrɨ̀ə̀ bə̂d ɨkwaŋ əŋgu. Əne wɨ̀ bɨrɨ wiirɨ e ə̀kɔ̀ŋgɨ̀.

1 Timotì 6:18

Gha əmbɨ mɨ̀mə̌d ni mbɨ ghɨ̀ tɨkwɨrɨ chɔ̀m jìm bə̀ ghà ni mbɨ saŋnɨ mbɨ ni mbɨ naʼ ɨghɨ əmbɨ ə bə̂d mbe nɨ kwaŋ ɨghɨ.

Rm 12:8

Ɨneʼe wə̀d mɔʼɔ mɨ yeʼ ni wɨ̀ timbɨ bə̂d, wɨ̀ bə tìmbɨ̀. Ɨneʼe wə̀d mɔʼɔ mɨ yeʼ ni wɨ̀ naʼ ɨghɨ əmbɨ ə bə̂d, wɨ̀ saŋnɨ. Ɨneʼe wə̀d mɔʼɔ mɨ yeʼ ni wɨ̀ tumbɨ bə̂d, wɨ̀ tumbɨ ənɨ i fîŋ jìm. Ɨneʼe wə̀d mɔʼɔ mɨ yeʼ ni wɨ̀ ghɨ ɨ̀chɔ̀m ənɨ ə bə̂d ŋgəʼ, wɨ̀ ghɨ̀ əne mbɨ ɨghaʼi.

Ɨ̀fàʼì 24:17

“Ənɨ ɨghəm ɨwu nyaʼa fə chè nɔnɔʼ, mə nyaʼa wɨrɨ wò ə Jèrusalèm ɨmbə̀ʼ naʼ ɨkab əmbɨ ə bə̂d ɨkwaŋ mbe nɨ yeʼ ɨŋga mɨ əbeŋ bə̀ nàʼ ɨghɨ ə̀fà əmbɨ ə Ŋwiə̀.

Ɨ̀fàʼì 10:31

Wɨ̀ nyaʼa təm ghà ni, 'Kɔneliùs! Ŋwìə̀ fə zu e ə̀kɔ̀ŋgɨ̀. Wɨ̀ fə bə̀ zə ɨkab we nɨ àwɔ̀ ə nàʼ əmbɨ ə bə̂d ɨkwaŋ.

Ɨ̀fàʼì 10:2

Wɨ̀ nyaʼa nùŋ fîŋ ɨgun ə Ŋwiə̀. Ɨ wɨə nyaʼə bə̀ wumnɨ əməd mbɨ i ɨnəbɨ jìm. Ɨ wɨə nyaʼə nàʼ ɨghɨ əmbɨ ə bə̂d ɨkwaŋ əbu əbu. Ɨ wɨə nyaʼə bə̀ kɔŋgɨ ə Ŋwiə̀ ɨghəm jìm.

Ɨ̀fàʼì 9:36

À nyaʼa ənɨ ə nyùmə̀ we, əyi mɔʼɔ nɨ nyaʼa ben ə Kristo wɨə nyaʼə chub ə Jopà. Ɨkum məd yɨə nyaʼə Tabità. Ɨkum məd ənɨ ɨŋgam Grik yɨə Dokàs. Ɨ wɨə nyaʼə ghɨ̀ ɨnû chɔ̀m. Ɨ wɨə nyaʼə bə̀ wèèrɨ̀ə̀ bə̂d ɨkwaŋ.

Jn 13:29

Mbɨ mɔʼɔ nyaʼa kɔndɨ ni ɨchî nɨ à yɨə Judàs nyaʼə yim ə̀bàm ɨkab, Yeso wɨə nyaʼə ghà ɨ bɔ yeʼ ni wɨ̀ zon ɨghɨ mbe nɨ mbɨ bɨrɨ jɨg əchwɨ̂ ze əŋgu, kɨ ni wɨ̀ naʼ əghɨ ə mɔʼɔ əmbɨ ə bə̂d ɨkwaŋ.

Jn 5:44

Mbə̀ kɨə wo ben rɨ ye, ənɨ mbə̀ə wumnɨ àmei mbə bɔŋgɔb, nɨ chəi mbə kəb ni Ŋwìə̀, nɨ mei we mɔʼ wumnɨ əwən ə?

Lk 6:42

Kɨ̀ tɨ̀ à ghà əmbɨ we aŋgɔb ni, 'Aŋgɔb, sɨ mə chɨ əchəb əghɨ ze nɨ yeʼ ɨŋga e ɨghə,' nɨ chəi àwɔ̀ ə zə əkwirɨ ɨwəŋ ze nɨ yeʼ ɨŋga we ə? Àwɔ̀ yɨ əbekɨ ə wə̀d! Fə be chɨ̀ əkwirɨ ɨwəŋ ze nɨ yeʼ ɨŋga e ɨghə, əne à bɨrɨ zə ɨsɨ ɨchî chɔ̀m bɔŋ chɨ əchəb əghɨ ze nɨ yeʼ ɨŋga ɨghə we aŋgɔb.

Mk 12:39

Mbɨ ghaʼ nɨ chub ɨgun ɨtən mbe nɨ yeʼ ɨfě ɨŋga nəb tɨ ə̀kàtɨ̀. Mbɨ bə̀ ghaʼ ɨsɨ ɨwumnɨ ənɨ bə̂d kaʼ ɨchwɨ̂.

Filemɔ̀n 1:7

Aŋgɔb, ɨchî nɨ à ghaʼ bə̂d ə fə ghɨ̀ ni ɨghaʼi kaŋ swi ɨŋga mɨ fîŋ. Ɨchî nɨ àwɔ̀ ə zùtə̀ fîŋ rɨ bə̂d Ŋwiə̀ fə bə̀ nəərɨ əmɨ.

1 Tèsàlonikà 2:6

Chəi tɨ̀ nyaʼa kəb ni bə̂d wumnɨ əwa, kɨ̀ à kɨ ə mbə̀nə kɨ̀ bə̂d cherə,

Ɨ̀fàʼì 11:29

Əne bə̂d Kristo mbe rɨ ə Antiɔ̀k nyaʼa ben ni wə̀d mɔʼ mɔʼ rəbɔʼ nən cha əghɨ ze nɨ tɨ̀ wɨ̀ chà, ɨmbə̀ʼ weerɨ bɔŋgɔb mbe nɨ nyaʼə chub ə Jèrusalèm.

Lk 13:15

Ə̀nùŋɨ̀sɨg nyaʼa wììrɨ̀ ɨ bɔ ni “Mbə yɨ ɨbekɨ bə̂d! Ɨmbə̀ʼ wə̀d mɔʼ mɔʼ rəbɔʼ nən wɨə zà əzi rɨkun kɨ̀ i jàkas rɨŋga ɨkam əni əkwɨ, wò chà ni zɨ̀ nɔ mɨnib ə?

Lk 12:56

Mbə yɨ ɨbekɨ bə̂d! Mbə kyerɨ ɨchî nɨ toʼrɨ ɨnû ɨmbə̀ʼ si fɔrɨ əton ɨkaŋ, àyɨə chəi mbə̀ kyerɨ ɨchî nɨ toʼrɨ ɨnû ɨmbə̀ʼ nyùmə̀ wɔ̂ rɨ̀nîn ɨmbə̀ʼ ə ye ə?”

Lk 12:33

Mbə̀ fendɨ mbə ɨghɨ, nàʼ ɨkab we əmbɨ ə bə̂d ɨkwaŋ. Mbə berɨ tɨtagɨ nɨ ka tɨ bɨrɨ nun i. Mbə̀ bə̀ nùŋ ə mbɔ̂n ɨkaŋ əsɨ ze nɨ chəi zɨ̀ bɨrɨ mì, nɨ chəi ənɨ tɨ̀ ɨjɨ tindɨ ɨban bə̀ fɔrɨ ənɨ chəi ənɨ tɨ̀ ɨsəʼɨ chə̀kɨ̀.

Lk 11:43

Ŋgəʼ kyeŋ bɨrɨ nyɨ ɨgwɨ nən mbə̀nə mɨ̀Farisiî! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə ghaʼ ɨtən chɔ̀m ɨŋga nəb tɨ ə̀kàtɨ̀, bə̀ ghaʼə ni bə̂d chaʼrɨ əwən ɨŋga mɨ̀wǐn.

Lk 11:41

Àyɨə mbə̀ naʼ ɨghɨ mbe nɨ yeʼ ɨŋga toʼ bə̀ nàʼ mbe nɨ yeʼ ɨŋga ɨkaŋ əmbɨ ə bə̂d ɨkwaŋ, əne ɨghɨjìm bɨrɨ zeŋ ɨ nən.

Lk 6:24

Àyɨə ŋgəʼ kyeŋ bɨrɨ nyɨ ɨgwɨ nən, mbə̀n mbe nɨ berɨ mbɔ̂n, ɨmbə̀ʼ ɨghəm nɨ mbə̀ fə berɨ ɨghɨ mbe nɨə ghɨ̀ə̀ ni mbə̀ chub ɨŋga chɔ̀m.

Mk 7:6

Wɨ̀ nyaʼa wììrɨ̀ əmbɨ mɨ̀mə̌d ni, “Wə̀d ɨ̀kə̀n Ŋwìə̀ Aizayà nyaʼa ghà ənû nɨ kuʼnɨ ɨmbə̀ʼ əwən, mbən ɨbekɨ bə̂d. Wɨ̀ nyaʼa ŋwaʼnɨ ni, 'Bə̂d mbɔ̂ mbɨə wumnɨ əmɨ àmei ənɨ mbə mɨchù, àyɨə fîŋ tɨ mɨ̀mə̌d tɨ əsa əgha.

Matìyò 24:51

Wɨ̀ bɨrɨ pe zɨ ɨchə ɨgwɨ əməd, bə̀ nɨŋ əməd nùŋ əbɔʼ ɨbekɨ bə̂d, əsɨ nɨ bə̂d bɨrɨ sɨə zə̀ʼə̀ kud əsɔŋ.

Matìyò 23:6

Ɨ mbɨə ghaʼ ɨsɨ ɨwumnɨ ənɨ mbɨ kaʼ ɨchwɨ̂. Mbɨ bə̀ ghaʼ ənû nɨ chub ɨgun ɨtən mbe nɨ yeʼ ɨfě ɨŋga nəb tɨ ə̀kàtɨ̀.

Matìyò 22:18

Yeso nyaʼa kyerɨ mɨnaŋ mbe nɨ mbɨ nyaʼa taŋɨ, əne wɨ̀ nyaʼa ghà ni, “Mbə yɨ ɨbekɨ bə̂d! Mbə̀ kɨə kə̀b kwaʼnɨ əmɨ ɨmbə̀ʼ ə yè ə?

Matìyò 16:3

À nɨə sɨ ɨsɔsɔ, mbə mbɨə ghàə̀ ni, 'Əfim ə bɨrɨ chè, ɨmbə̀ʼ ɨghəm nɨ əton ɨkaŋ ə zɨə bàŋə̀ ndwìʼnə̀.' Mbə kyerɨ ɨchî nɨ toʼrɨ ɨnû ɨmbə̀ʼ əton ɨkaŋ, àyɨə chəi mbə̀ kyerɨ ɨchî nɨ toʼrɨ ɨnweenɨ mbɔ̂ nɨə jwɨ̀ rɨ̀nîn.

Matìyò 15:7

Mbə̀ yɨ ɨbekɨ bə̂d! Wə̀d ɨ̀kə̀n Ŋwìə̀ Aizayà nyaʼa ghà ɨnû nɨ kuʼnɨ ɨmbə̀ʼ əwən ənɨ wɨ̀ nyaʼa ghǎ ni,

Matìyò 7:5

Àwɔ̀ yɨ əbekɨ ə wə̀d! Fə be chɨ̀ əkwirɨ ɨwəŋ ze nɨ yeʼ ɨŋga e ɨghə, əne à bɨrɨ zə ɨsɨ ɨchî chɔ̀m bɔŋ chɨ əchəb əghɨ ze nɨ yeʼ ɨŋga ɨghə we aŋgɔb.

Matìyò 5:18

Mə ghà rəsìʼ ɨ nən ni, pè ənɨ ɨkaŋ fɔrɨ si fə che, chəi əchəb kɨ̀ ɨghə ə̀ŋwàʼnɨ̀ mɔʼ tɨ ənɨ rɨkə te bɨrɨ nim, kɨrɨ ənɨ mbɨ fə ghɨ̀ ɨnû mbɔ̂ jìm.

Matìyò 6:3

Àyɨə ənɨ àwɔ̀ ə nàʼ ɨghɨ əmbɨ wə̀d ŋgəʼ, tɨrə̀ ben e ni əbɔ ə tweŋ ə kyerɨ əghɨ ze nɨ əbɔ ə jɨgɨ ə ghɨ̀ə̀,

Matìyò 23:5

Ɨ mbɨə ghɨ̀ ɨnû jìm ɨmbə̀ʼ bə̂d zə mɨ̀mə̌d. Ɨ mbɨə tekɨə mbə mbɨ̀rɨkub gôb nɨ mbɨ zɨ ɨŋgam Ŋwiə̀ ɨŋga ni mbɨ kaŋ faŋ. Ɨ mbɨə nyaʼə taə tə ngywɨ̌ ghɨ̀ rɨtɔŋ jeŋgɨ sà.

1 Kɔrèn 13:3

Mə mɨ nàʼ ɨghɨjìm mbe nɨ mə̀ berɨ əmbɨ ə bə̂d ɨkwaŋ, bə̀ nàʼ ka àbei mɨ ɨnyod ni mbɨ tɔn ə, àyɨə chəi mə̀ ghaʼ bə̂d, chəi mə̀ bɨrɨ jɨg əghɨ ə mɔʼɔ rəŋgu.