Matìyò 5:3 - Meta’

³ “Ŋwìə̀ zɨ əbɔrəbɔd ɨgun ə bə̂d mbe nɨ saŋ mbə ɨnû jìm ɨŋga tɨkyerɨ-ɨbɔ məd, ɨmbə̀ʼ ɨghəm nɨ mbɨ bɨrɨ jɨg ənû ɨfɔ̀n rɨkaŋ.

Ikan feg

³ “Ŋwiye zì àbɔrɔ̀bɔd igun bəd mbe ne saŋi ìmbɔb inug ijìm ibo ikye abo, imbə̀ʼ icheg ne mbɔb biri jəg anug ìfɔ̀n ikaŋ.

Matìyò 5:3 Referans Kwoze

Lk 18:14

Mə ghà ɨ nən ni, ənɨ əfetɨ mɨ̀tagsɨ̀ we nyaʼa wò ɨnuʼ, wɨ̀ nyaʼa ghɨ̀ ənû nɨ kuʼnɨ ɨfě Ŋwiə̀ chè Farisiî we. Mbə̀ kyerɨ ni wə̀d jìm we nɨ nɔ i ɨnyod, Ŋwìə̀ bɨrɨ swi əməd, àyɨə wə̀d jìm we nɨ swi i ɨnyod, Ŋwìə̀ bɨrɨ nɔ əməd.”

Jems 2:5

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ zwetɨ! Ŋwìə̀ nyaʼa chɔʼ bə̂d mbe nɨ yeʼ bə̂d kwaŋ ɨŋga ɨsɨg ɨmbə̀ʼ mbɨ yeʼ bə̂d mbɔ̂n ɨchî nɨ mbɨ ben ə Yeso Kristo. Əne mbɨ bɨrɨ jɨg ənû ɨfɔ̀n ze nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Lk 11:28

Àyɨə Yeso nyaʼa wììrɨ̀ ni, “Ŋwìə̀ bɨrɨ zɨ əbɔrəbɔd yeʼ ɨgun ə bə̂d mbe nɨə zu ɨŋgam məd bə̀ ghɨ̀ ɨnû mbe nɨ wɨə ghàə̀!”

Matìyò 11:25

À nyaʼa ənɨ ə nyùmə̀ we, Yeso nyaʼa ghà ni, “Mɨ Mbǎʼ, Ə̀nùŋɨ̀sɨg ɨkaŋ fɔrɨ ɨgwɨ ə si, məben-əwe ni à fə nə̀m ɨnû mbɔ̂ rɨ əmbɨ ə bə̂d ɨwe bə̀ fɔrɨ rɨ əmbɨ məkyerɨ-ɨnû, sɨ chwiə yeʼ əmbɨ ə bɔn bɔd.

Lk 4:18

“Əzwî Ə̀nùŋɨ̀sɨg ə zɨ ɨgwɨ num, ɨmbə̀ʼ ɨghəm nɨ Ə̀nùŋɨ̀sɨg fə zɔʼ əmɨ ni mə gha ɨkə̂n chɔ̀m əmbɨ ə bə̂d ɨkwaŋ. Wɨ̀ fə tom əmɨ ni mə̀ saʼ ni Ŋwìə̀ bɨrɨ chɨ bə̂d ndəŋ sàŋɨ̀, fɔrɨ ni mɨfɨgɨ̀ bɨrɨ zə ɨsɨ bə̀ fɔrɨ ni mbɨ bɨrɨ saŋ bə̂d mbe nɨ mbɨə nyèm mɨ̀mə̌d,

Mk 10:14

Àyɨə ənɨ Yeso nyaʼa zə ənû ze, wɨ̀ nyaʼa sə ɨtəm, əne ghà əmbɨ mbi mə̀mə̀ə̀nɨ̀-ɨnû ni, “Mbə̀ saŋ bɔn kwa mbe yeʼe əsɨ num. Tɨ mbə̀ kən ə mɨ̀mə̌d, ɨmbə̀ʼ ɨghəm nɨ à yɨə bə̂d ɨghabɨ mbɔ̂ bɨrɨ jɨg ənû ɨfɔ̀n ə Ŋwiə̀.

Matìyò 13:16

Ŋwìə̀ zɨ əbɔrəbɔd ɨgwɨ nən, ɨmbə̀ʼ ɨghəm nɨ ə əghə mbɨə zə ɨsɨ, mbə ɨ̀tǒŋ bə̀ zu ɨnû.

Jems 1:12

Ŋwìə̀ zɨ əbɔrəbɔd ɨgun ə wə̀d we nɨə nyìʼ ənɨ ə̀kwàʼnɨ̀ ə nyɨ ɨgwɨ məd, ɨmbə̀ʼ ɨghəm nɨ ənɨ wɨ̀ chè ə̀kwàʼnɨ̀ ze, wɨ̀ bɨrɨ nɨŋ ɨneʼe. Ɨneʼe we yɨ ɨ̀tènɨ̀ rɨ mì we nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Jn 20:29

Yeso nyaʼa ghà ɨ bɔ ni, “À fə ben ɨmbə̀ʼ ɨghəm nɨ à zə əmɨ ə? Ŋwìə̀ zɨ əbɔrəbɔd ɨgun ə bə̂d mbe nɨ ben nɨ chəi mbɨ zə!”

Matìyò 24:46

Ŋwìə̀ zɨ əbɔrəbɔd ɨgun ə wə̀d ə̀fàʼì we nɨ ənɨ mbǎʼ ə̀fàʼì məd bəndɨ, wɨ̀ pè zə əməd ənɨ wɨə fàʼə̀.

Jems 1:10

Aŋgɔb we nɨ berɨ mbɔ̂n berɨ ghaʼ ənɨ Ŋwìə̀ swi əməd, ɨmbə̀ʼ ɨghəm nɨ wə̀d mbɔ̂n yɨ ɨghabɨ ɨ̀kwě nɨə nə̀ŋə̀ kwɨə.

Ɨnû 22:14

Ŋwìə̀ zɨ əbɔrəbɔd ɨgun ə bə̂d mbe nɨ fə so tə ngywɨ tɨ zeŋ, ɨmbə̀ʼ ɨ mbe tɨ mbɨ chè ənɨ mɨchû ɨkam nyɨ ɨŋga əsɨ ze, əne jɨg rɨtam tɨ ənɨ əzed ze nɨə nàʼ ɨ̀tènɨ̀.

Ɨnû 19:9

Aŋgɨrə̀ we nyaʼa ghà ɨ num ni, “Ŋwaʼnɨ ənû zɔ̂: 'Ŋwìə̀ zɨ əbɔrəbɔd ɨgun ə bə̂d mbe nɨ mbɨ won ənɨ əchwî ɨnamɨ Wan njɨ̀g.'” Aŋgɨrə̀ we nyaʼa yi ghà ni, “Mbɔ̂ yɨ mɨŋgam rəsìʼ nɨ Ŋwiə̀ ghamɨ.”

Matìyò 25:34

Əne ɨfɔ̂n we bɨrɨ gha əmbɨ ə bə̂d mbe nɨ yeʼ əbɔ ə jɨgɨ ni, 'Mbə̀ yeʼe, kyɨə mbə̀n mbe nɨ mɨ Mbǎʼ fə zɨ əbɔrəbɔd ɨgwɨ nən. Mbə̀ yeʼe jɨg ənû ɨfɔ̀n ze nɨ mɨ Mbǎʼ nyaʼa fə tekɨ nùŋ ɨ nən tɨ ənɨ wɨ̀ nyaʼa tekɨ ɨsɨg.

Matìyò 11:6

Ŋwìə̀ zɨ əbɔrəbɔd ɨgun ə wə̀d we nɨ chəi wɨ̀ bid ənû ə mɔʼɔ ɨmbə̀ʼ əmɨ.”

Matìyò 8:11

Mə ghà ɨ nən ni bə̂d mɨ̀nɔnɔʼ bɨrɨ yeʼe rɨ əbà ze nɨ nyùmə̀ ə jwɨ̀ rəŋgu bə̀ yeʼe rɨ əbà ze nɨ nyùmə̀ ə nyɨ ɨkòb, pè chub ɨgun ə tebrə̀ ɨŋga ənû ɨfɔ̀n rɨkaŋ ɨ jɨg mbɨ Abràham mbɨ Aizìk fɔrɨ ə Jakɔ̂b.

Matìyò 3:2

ni, “Mbə̀ beŋ tə fîŋ, ɨmbə̀ʼ ɨghəm nɨ ənû ɨfɔ̀n rɨkaŋ ə fə tiinɨ.”

Matìyò 19:14

Àyɨə Yeso nyaʼa ghà ni, “Mbə̀ saŋ bɔn kwa mbe yeʼe əsɨ num. Tɨ mbə̀ kən ə mɨ̀mə̌d, ɨmbə̀ʼ ɨghəm nɨ à yɨə bə̂d ɨghabɨ mbɔ̂ bɨrɨ jɨg ənû ɨfɔ̀n rɨkaŋ.”

Lk 22:29

Ɨchî nɨ mɨ mbǎʼ fə naʼ ənû ɨfɔ̀n ɨ num, mə bɨrɨ bɨ naʼ ɨ nən,

Lk 22:30

ɨmbə̀ʼ mbə̀ jɨg bə̀ nɔ ɨgun mɨ tebrə̀ ɨŋga əmɨ ənû ɨfɔ̀n. Mbə bɨrɨ bɨ chub ɨgun ɨtən ɨfɔ̂n ɨ saʼ mɨnəbɨ mɨ̀Izre mbe wum chɔ̀b rɨ̀be.”

Ɨnû 3:17

À wɨə ghàə̀ ni, 'Mə yɨə wə̀d mbɔ̂n, mə berɨ ɨghɨ nɔnɔʼ, chəi mə kwaŋ əghɨ ə mɔʼɔ.' Àyɨə chəi à kyerɨ ni tə yɨə wə̀d ŋgəʼ, ni tə yɨə wə̀d nɨ bə̂d ə neŋə kə̀nə̀, ni tə yɨə wə̀d ɨkwaŋ, ni tə yɨ ɨfɨgɨ fɔrɨ ni tə wɨ rɨ̀sɔ̀ʼ ɨkyerɨ.