Matìyò 3:6 - Meta’

⁶ Ɨ mbɨə nyaʼə pè benə mbə ɨnû rɨbɔ̀ŋ, əne wɨ̀ nyaʼa nàʼ mɨnib əmbɨ mɨ̀mə̌d ɨŋga ɨgyɨ̀ Jodàn.

Ikan feg

⁶ Mbi yaya pè bḛ ìmbɔb inug tibɔ̀ŋ. Ane, wì yaya nàʼà mənib inɔb inga igyi Jodàn.

Matìyò 3:6 Referans Kwoze

Ɨ̀fàʼì 19:18

Bə̂d mɨ̀nɔnɔʼ rəbɔʼ mbe nɨ nyaʼa ben ə Kristo nyaʼa wò ben tə rɨ̀gùrɨ-ɨnû ɨfě bə̂d Kristo bə̀ ghà ɨnû rɨbɔ̀ŋ mbe nɨ mbɨ nyaʼə ghɨ̀ə̀.

1 Jɔn 1:9

Tɨ̀ mɨ ben mba ɨnû rɨbɔ̀ŋ, njɨ məd we nɨə ghɨ̀ ɨnû mbe nɨ wɨ̀ kaʼi bə̀ ghɨ̀ mbe nɨ kuʼnɨ, bɨrɨ waʼ mba ɨnû rɨbɔ̀ŋ bə̀ zeŋnɨ əwa rɨ ənɨ ta rɨ̀gùrɨ-ɨnû jìm.

Mə̀Hibrù 9:10

Ɨghɨ mbɔ̂ ə berɨ ɨnû nɨ ghɨ àmei mbɨ ɨghɨjɨg, mbɨ mɨnoʼ fɔrɨ mbɨ tɨkwɨrɨ ɨnə̂njɨ̀ nɨ bə̂d ə zeŋnɨ ɨnyod. Tɔ̂ yɨ rɨkə te nɨə ghɨ̀ə̀ ni bə̂d zeŋ rɨ əsaŋ. Tɨ bɨrɨ yeʼ əŋgu pè ənɨ Ŋwìə̀ kwepɨ ɨghɨjìm.

Matìyò 3:11

“Mə wɨə nàʼ mɨnib ɨ nən ɨ chwi ni mbə fə bèŋ tə fîŋ, àyɨə wə̀d we nɨə yeʼe ənɨ mɨ njìm ə dabə chè əmɨ. Mɨ rɨka kùʼ əmɨ nɨ beʼ ɨtabɨ məd. Məd bɨrɨ cha Əzwî ə Zeŋɨ bə̀ chà ɨwid ɨgwɨ nən.

Mə̀Hibrù 6:2

Tɨ rɨ wɨrɨ gha a ɨmbə̀ʼ ənû nɨ nɨŋ mɨnib, ɨmbə̀ʼ ənû nɨ zab ɨbɔ ɨgwɨ ə bə̂d, ɨmbə̀ʼ ənû nɨ bə̂d bɨrɨ zwemə fɔrɨ ɨmbə̀ʼ ənû nɨ Ŋwìə̀ bɨrɨ sob mɨsaʼi koŋ.

Kòlosè 2:12

Mbɨ nyaʼa fə tweŋ əwən mbɨ Kristo ənɨ ə nyùmə̀ we nɨ mbə̀ nyaʼa nɨŋ mɨnib. Ŋwìə̀ fə bə zwemnɨ əwən mbɨ məd ənjìm ɨchî nɨ mbə̀ ben ni məd ə berɨ ɨka nɨ ghɨ əne. À yɨə məd nyaʼa zwemnɨ ə Kristo.

1 Kɔrèn 10:2

Mɨ̀mə̌d mɨjìm nyaʼa nɨŋ mɨnib ɨchî nɨ mbɨ nyaʼə yèn əton ə pàʼ. Mbɨ nyaʼa bə̀ nɨŋ ɨchî nɨ mbɨ nyaʼə yèn ɨŋga rɨ̀bàà. Mbɨ nyaʼa nɨŋ ɨchî nɨ mbɨ nyaʼə beenɨ əbɔʼ ə Mose.

Ɨ̀fàʼì 22:16

Əne tɨ̀nîn à kɨə wòm ə ye ə? Nɔʼ rətiə, nɨŋ mɨnib, kɔ̀ŋgɨ̀ Ə̀nùŋɨ̀sɨg ɨmbə̀ʼ wɨ̀ so mbe ɨnû rɨbɔ̀ŋ.'

Ɨ̀fàʼì 11:16

Əne mə nyaʼa kɔndɨ ɨŋgam Ə̀nùŋɨ̀sɨg, ɨchî nɨ wɨ̀ nyaʼa gha ni, 'Jɔ̌n wɨə nyaʼə nàʼə̀ mɨnib, àyɨə Ŋwìə̀ bɨrɨ naʼ Əzwî ə Zeŋɨ ɨ nən.'

Ɨ̀fàʼì 1:5

Jɔ̌n wɨə nyaʼə nàʼə̀ mɨnib, àyɨə bɔŋ ɨni nɔnɔʼ sɨə yeʼe, Ŋwìə̀ bɨrɨ naʼ Əzwî ə Zeŋɨ ɨ nən.”

Lk 3:16

Jɔ̌n nyaʼa wììrɨ̀ əmbɨ mɨ̀mə̌d mɨjìm ni, “Mə wɨə nàʼ mɨnib ɨ nən, àyɨə wə̀d we nɨə yeʼe ənɨ mɨ njìm ə dabə chè əmɨ. Mɨ rɨka kùʼ əmɨ nɨ za mɨniʼ ɨtabɨ məd. Məd bɨrɨ cha Əzwî ə Zeŋɨ fɔrɨ ɨwid ɨgwɨ nən.

Mk 1:5

Bə̂d mbe rɨŋga əbà əbeŋ ze rɨ ə Jùdeyà fɔrɨ bə̂d mɨ̀jìm mbe rɨ ə Jèrusalèm nyaʼa jwɨ̀ wò kumnɨ əməd, ben mbə ɨnû rɨbɔ̀ŋ, əne wɨ̀ nyaʼa nàʼ mɨnib əmbɨ mɨ̀mə̌d ɨŋga ɨgyɨ̂ Jodàn.

1 Pità 3:21

Mɨnib mbɔ̂ nɨ mbɨ nyaʼə nəŋ ɨgun nyaʼa təm ənɨ ənû nɨ bə̂d ə nɨŋə mɨnib. À yɨ mɨnib mbe ə chɨ̀ əwən rəŋgəʼ tɨ̀nîn. Kaʼ ənû nɨ nɨŋ mɨnib yɨ i ənû nɨ chɨ rɨfiŋ tɨ ənɨ ɨnyod. À yɨ ənû nɨ mbə̀ kaʼ əmbɨ ə Ŋwiə̀ mbɨ ə fîŋ nɨ zeŋɨ. Ənû nɨ nɨŋ mɨnib ə zɨə chɨ̀ əwən rəŋgəʼ ənjìm ɨchî nɨ Yeso Kristo nyaʼa zwemə.

Jems 5:16

Əne mbə ben tə rɨ̀gùrɨ-ɨnû əkaʼ nən mbənə mbənə, kɔ̀ŋgɨ̀ ə Ŋwiə̀ ɨgwɨ mbə bɔŋgɔb, ɨmbə̀ʼ Ŋwìə̀ ghɨ ni mbə̀ bɔtɨ. Ə̀kɔ̀ŋgɨ̀ ə wə̀d we nɨ təm kùʼnɨ̀, ə berɨ ɨka kyeŋ nɨ ghɨ ənû ze nɨ wɨ̀ kɔŋgɨ ə Ŋwiə̀ nɔn.

Lk 1:16

Wɨ̀ bɨrɨ ghɨ ni mɨ̀Izre nɔnɔʼ wɨrɨ bèŋ ben Ə̀nùŋɨ̀sɨg Ŋwìə̀ mɨ̀mə̌d.