Mə̀Hibrù 9:28 - Meta’

²⁸ yɨə bə̀ ɨchî nɨ wɨ̀ nyaʼa naʼ ə Kristo ənɨ əghɨ ə̀fà fən ɨghəm we mɔʼ, ɨmbə̀ʼ wɨ̀ beʼ ɨnû rɨbɔ̀ŋ bə̂d mɨ̀nɔnɔʼ. Kaʼ wɨ̀ bɨrɨ yeʼe ənɨ ɨghəm nɨ pe be ɨ ghɨ ni Ŋwìə̀ waʼ ɨnû rɨbɔ̀ŋ bə̂d. Wɨ̀ bɨrɨ yeʼe ɨmbə̀ʼ chɨ bə̂d rəŋgəʼ, əne yɨ mbe nɨə wòm əməd ənɨ tə fîŋ rɨ̀jìm.

Ikan feg

²⁸ À ya bə̀ icheg ne Kristo ya nàʼi ìwi nyɔd ighə̀m imɔʼ ane aghi àfàtì ni sò inug tibɔ̀ŋ abə bəd nɔʼ nɔʼ. Ane, Wì biri ywìri yèʼe ni pumni bəd mbe ne ghɔ̀mɔ̀ aməd, kayi ni ghì gha Ŋwiye sò inug tibɔ̀ŋ bəd.

Mə̀Hibrù 9:28 Referans Kwoze

Tayitùs 2:13

Tɨ̀ wɨə nùŋə̀ rɨkɔndɨ wòm əbɔrəbɔd ze nɨ Ŋwiə̀ kaʼ ɨ na. Əbɔrəbɔd ze ə bɨrɨ yeʼe ənɨ ə nyùmə̀ we nɨ a Ŋwìə̀ kyeŋ Ə̀nùŋɨ̀sɨg Yeso Kristo wɨrɨ yeʼe mbɨ ɨwumnɨ.

1 Pità 2:24

Kristo ziə nyaʼa beʼ mba ɨnû rɨbɔ̀ŋ ɨŋga i ɨnyod ənɨ wɨ̀ nyaʼa əzed ə baʼnɨ. Wɨ̀ nyaʼa ghɨ əne ɨmbə̀ʼ tɨ rɨ̀ wɨrɨ ghɨ a ɨnû rɨbɔ̀ŋ. Tɨ̀ sɨə chub àmei ɨchî nɨ kuʼnɨ. Ɨna mbe nɨ nyaʼa ɨgwɨ məd fə ghɨ mbə bɔtɨ.

Rm 6:10

Ɨvɨ we nɨ wɨ̀ nyaʼa kwɨ, wɨ̀ nyaʼa kwɨ ɨmbə̀ʼ ɨnû rɨbɔ̀ŋ fən ɨghəm mɔʼ. Ɨchî nɨ wɨ̀ yeʼ ɨkǎ, wɨ̀ yɨ ɨkǎ ɨmbə̀ʼ ə bə̂d wumnɨ ə Ŋwiə̀.

2 Timotì 4:8

Əne Ə̀nùŋɨ̀sɨg we nɨə saʼə bə̂d ɨchî nɨ kuʼnɨ bɨrɨ naʼ əjwɨ-əgu ɨ num əni ze nɨ wɨ̀ bɨrɨ yeʼe ɨ saʼ ɨsɨg. Wɨ̀ bɨrɨ naʼ ɨmbə̀ʼ ɨghəm nɨ mə wɨə ghɨ̀ ɨnû nɨ kuʼnɨ. Chəi wɨ̀ bɨrɨ naʼ àmei ɨ num. Wɨ̀ bɨrɨ bɨ naʼ əmbɨ ə bə̂d mbe nɨə wòmə̀ ni wɨ̀ wɨrɨ yeʼe.

Rm 8:23

Ka àmei ɨghɨ mbe nɨ Ŋwìə̀ nyaʼa tekɨ mbe ə chwèmə̀. Mba bə nɨ Əzwî ə Ŋwiə̀ ə yeʼ ɨŋga na, nɨ Əzwî ze ə yeʼ ɨneʼe rɨtu we nɨ Ŋwìə̀ naʼ ɨ na, wɨə bə̀ chwèm ɨŋga ta fîŋ ɨchî nɨ tɨə wòmə̀ ni Ŋwìə̀ nɨŋ əwa ənɨ mbi bɔn, ɨmbə̀ʼ choʼ ta nyamnyod tɨ ənɨ ŋgəʼ jìm.

1 Jɔn 3:2

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ̀ yɨə bɔn Ŋwiə̀ tɨ̀nîn. Chəi zɨə kɨrɨ zeŋ ni tɨ̀ kɨə wò yeʼ rɨ ye ənɨ ə Kristo wɨrɨ yeʼe. Ənû nɨ tɨ̀ kyerɨ yɨ ni tɨ̀ bɨrɨ yeʼ ɨghabɨ əməd, ɨmbə̀ʼ ɨghəm nɨ tɨ̀ bɨrɨ zə əməd ɨchî nɨ wɨ̀ yeʼ ə.

Ɨ̀fàʼì 1:11

Mbaŋə̀ te nyaʼa ghà ni, “Mbaŋə̀ tɨ rɨ ə Galiliî, mbə təm əgha ɨ neŋ ɨkaŋ ɨmbə̀ʼ ə yè ə? Yeso wɔ̂, nɨ Ŋwìə̀ fə nɨŋ rəkaʼ nən ɨkaŋ, bɨrɨ bəndɨ yeʼe àmei ɨchî nɨ mbə̀ zə ənɨ wɨə wò ɨkaŋ.”

1 Tèsàlonikà 1:10

Mbɨ nyaʼa bə̀ ghà ni mbə mbɨə wòmə̀ ni Wan Ŋwìə̀ we nɨ wɨ̀ nyaʼa zwemnɨ wɨrɨ yeʼe rɨkaŋ. Wan we yɨə Yeso we nɨə chɨ̀ əwa rɨŋga ŋgəʼ ze nɨ Ŋwìə̀ bɨrɨ sə ɨtəm chə bə̂d ɨnû rɨbɔ̀ŋ.

Matìyò 26:28

Əzɔ̂ yɨ mɨ ənəm nɨ Ŋwìə̀ fə nɨŋ san fɨso fi mbɨ nən. Ənəm zɔ̂ yɨ əze nɨ mbɨ chəmnɨ ɨmbə̀ʼ ɨtu bə̂d mɨ̀nɔnɔʼ, ɨmbə̀ʼ Ŋwìə̀ waʼ ɨnû rɨbɔ̀ŋ mɨ̀mə̌d.

2 Pità 3:12

ɨchî nɨ mbɨə wòm əni ze nɨ wɨ̀ bɨrɨ wɨrɨ yeʼe. Mbə̀ kywɨ ənywɨ zə ni əni ze ə zambɨ yeʼe. Ɨgwɨ əni ze, ɨwid bɨrɨ tɔn ɨkaŋ, wɨ nim. Əzuʼ rɨ ənɨ ɨwid we bə̀ ghɨ̀ ni ɨghɨ mbe nɨ yeʼ ɨkaŋ mbɨ sam.

1 Pità 3:18

Kristo nyaʼa kwɨ ɨmbə̀ʼ ɨnû rɨbɔ̀ŋ fən ɨghəm mɔʼ. Wə̀d nɨ nyaʼə ghɨ̀ ɨnû nɨ kuʼnɨ nyaʼa kwɨ ɨgwɨ ətu ə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ wɨ nɨŋ əwa wò əsɨ ə Ŋwiə̀. Mbɨ nyaʼa zwiirɨ nyamnyod məd, àyɨə Əzwî ə Ŋwiə̀ ə nyaʼa ghɨ̀ wɨ̀ wɨrɨ chub ɨka.

1 Kɔrèn 15:54

Ənɨ əghɨ ze nɨə kwɨə ə fə beŋ ənɨ əze nɨ chəi zɨə kwɨə, nyamnyod ze nɨə kwɨə bə̀ beŋ ənɨ ze nɨ chəi zɨə kwɨə, ɨŋgam Ŋwiə̀ we nɨ mbɨ ŋwaʼnɨ bɨrɨ jwɨ̀ ənɨ rəsìʼ ni, “Ŋwìə̀ fə baŋ ɨvɨ nimnɨ.”

Rm 8:3

Ənû ze nɨ chəi rɨkə nyaʼa ghɨ̀ ɨmbə̀ʼ ɨchî nɨ nyamnyod ə feenɨə ɨsɨg, Ŋwìə̀ fə ghɨ̀. Wɨ̀ nyaʼa ghɨ̀ əne ɨchî nɨ wɨ̀ nyaʼa cha i Wan wɨ̀ yeʼe ɨghabɨ ə wə̀d ɨnû rɨbɔ̀ŋ ɨmbə̀ʼ nimnɨ ɨnû rɨbɔ̀ŋ. Əne wɨ̀ nyaʼa nimnɨ ɨnû rɨbɔ̀ŋ ɨchî nɨ wɨ̀ nyaʼa naʼ i ɨnyod ənɨ əghɨ ə̀fà.

Jn 14:3

Ənɨ mə̀ wo tekɨ əsɨ ɨ nən, mə bɨrɨ wɨrɨ yeʼe pè nɨŋ əwən ni mbə̀ yeʼe mbɨ num, ɨmbə̀ʼ əsɨ ze nɨ mə yeʼ əŋgu, mbə bɨrɨ bɨ yeʼ əŋgu.

Ɨnû 1:7

Mbə̀ zə, ɨ wɨə yeʼe ɨŋga pàʼ. Bə̂d mɨjìm bɨrɨ zə əməd, ka àbei mbe nɨ nyaʼa zum əməd. Mɨnəbɨ jìm rɨ ɨgwɨ ə si bɨrɨ di ɨmbə̀ʼ əməd. À yɨ ɨchî nɨ zɨə bɨrɨ yeʼ we! À yɨ əne.

Mə̀Hibrù 4:15

Chəi tɨ̀ berɨ ətu ɨgwɨ ə bə̂d mbàn Ŋwìə̀ nɨ chəi ənɨ tɨ̀ wɨ̀ kən ɨmbə̀ʼ ɨchî nɨ tɨ̀ bɔrɨ. Tɨ̀ berɨ yeʼ we nɨ mbɨ nyaʼa numbɨ əməd ənɨ mɨ̀nə̂njɨ̀ jìm ɨchî nɨ mbɨə bə̀ numbɨ əwa, àyɨə chəi wɨ̀ nyaʼa ghɨ̌ ənû rɨbɔ̀ŋ.

1 Jɔn 3:5

Mbə̀ kyerɨ ə ni Kristo nyaʼa yeʼe ɨmbə̀ʼ nimnɨ ɨnû rɨbɔ̀ŋ. Mbə̀ bə̀ kyerɨ ə ni chəi məd ə ghɨ̀ ɨnû rɨbɔ̀ŋ.

2 Tès 2:1

Mba bɔŋgɔb, ɨmbə̀ʼ ənû nɨ a Ə̀nùŋɨ̀sɨg Yeso Kristo bɨrɨ wɨrɨ yeʼe fɔrɨ ɨmbə̀ʼ ɨchî nɨ tɨ̀ bɨrɨ fetɨ wo kumnɨ əməd, tɨ̀ wɨə buʼ ɨbɔ ɨ nən ni,

1 Kɔrèn 1:7

Əne chəi mbə̀ kwaŋ ɨneʼe mɔʼɔ we nɨ Əzwî ə nàʼ ɨchî nɨ mbə̀ə wòm ənɨ tə fîŋ rɨjìm ni a Ə̀nùŋɨ̀sɨg Yeso Kristo wɨrɨ yeʼe.

Rm 5:15

Àyɨə ka ɨneʼe we nɨ Ŋwìə̀ ə nàʼə̀ yɨ i əndəŋ əndəŋ mbɨ ɨchî nɨ Abràham nyaʼa ɨgu-ənû. À mɨ yeʼ nɨ bə̂d mɨ̀nɔnɔʼ nyaʼa kwɨ ənjìm ɨgu-ənû wə̀d mɔʼ, əne yɨə Adàm, njɨ à yɨə kaŋ rəsìʼ ni ɨ̀chɔ̀m Ŋwiə̀ mbɨ ɨneʼe we nɨ Ŋwìə̀ ə nàʼə̀ bɨrɨ kaŋ nɔʼ əku əmbɨ ə bə̂d mɨ̀nɔnɔʼ ənjìm ɨ̀chɔ̀m wə̀d mɔʼ, əne yɨə Yeso Kristo.

Mə̀Hibrù 9:25

Chəi wɨ̀ nyaʼa naʼ i ɨnyod ənɨ əghɨ ə̀fà ɨghəm nɔnɔʼ, ɨchî nɨ ətu ɨgwɨ ə bə̂d mbàn Ŋwìə̀ ə nyɨ ɨŋga Əsɨ nɨ Zeŋɨ Màànɨ̀ ɨghəm ɨwu jìm mbɨ ənəm nɨ kaʼi əzɨ əməd.

Matìyò 20:28

Chəi Wan Wə̀d nyaʼa yeʼe ni bə̂d faʼ ɨ bɔ. Wɨ̀ nyaʼa yeʼe ɨmbə̀ʼ faʼ əmbɨ ə bə̂d. Wɨ̀ nyaʼa bə̀ kwɨ ɨmbə̀ʼ choʼ ɨtu bə̂d mɨ̀nɔnɔʼ.”

Matìyò 25:31

“Ənɨ Wan Wə̀d wɨrɨ yeʼe ɨghabɨ ɨfɔ̀n mbɨ mbɨ̀aŋgɨrə̀ mɨ̀jìm mbɨ məd, wɨ̀ bɨrɨ chub ɨgun e ətən ɨfɔ̀n.

Rm 3:25

Ŋwiə̀ nyaʼa chà əməd ənɨ əghɨ ə̀fà ɨmbə̀ʼ ənəm əməd ə so mba ɨnû rɨbɔ̀ŋ ənjìm ɨchî nɨ tɨ̀ nuŋ fîŋ ɨgwɨ məd. Ŋwìə̀ nyaʼa chwi ənjìm ɨnyiʼ fîŋ ni tə wɨə ghɨ̀ ɨnû nɨ kuʼnɨ ɨchî nɨ chəi wɨ̀ nyaʼa chə bə̂d mbe nɨ nyaʼa be ghɨ̀ ɨnû rɨbɔ̀ŋ.

Mə̀Hibrù 1:14

Ɨmbə̀ʼ mbɨ̀aŋgɨrə̀ mɨ̀jìm yɨ ɨzwî nɨə fàʼə̀, nɨ Ŋwìə̀ nyaʼa tom ni mbɨ weerɨ bə̂d mbe nɨ bɨrɨ jwɨ̀ rəŋgəʼ ə?

Mə̀Hibrù 2:3

Tɨ̀ kɨə wò nod ɨchə we rɨ ye ənɨ chəi tɨ̀ zɨ ətu ənɨ ənû ə kyeŋ ze ni Ŋwìə̀ bɨrɨ chɨ̀ əwa rəŋgəʼ ə? À yɨ Ə̀nùŋɨ̀sɨg ziə nyaʼa bè ghà ɨmbə̀ʼ əzɨ əwən. Bə̂d mbe nɨ nyaʼa zu nyaʼa bə̀ ghɨ̀ tɨ̀ kyerɨ ni à yɨ rəsìʼ ni Ŋwìə̀ bɨrɨ chɨ̀ əwa rəŋgəʼ.

Mə̀Hibrù 5:9

Ənɨ Ŋwiə̀ nyaʼa fə ghɨ̌ wɨ̀ bɔ̀ŋ màànɨ̀, wɨ̀ nyaʼa bèŋ sɨə ghɨ̀ə̀ ni bə̂d mɨjìm mbe nɨə zuunɨ əməd jwɨ̀ rəŋgəʼ koŋ.

Mə̀Hibrù 7:27

Chəi wɨ̀ berɨ əton, ɨghabɨ ɨtu cherə ɨgwɨ ə bə̂d mbàn Ŋwìə̀, nɨ naʼ ɨghɨ ə̀fà ɨni jìm, rɨtu ɨgwɨ mbi ɨnû rɨbɔ̀ŋ, beenɨ mbɨ bə̂d cherə. Wɨ̀ nyaʼa fə ghɨ̀ əne fən ɨghəm mɔʼ. Əne yɨ ənɨ wɨ̀ nyaʼa naʼ i ɨnyod ənɨ əghɨ ə̀fà.

Mə̀Hibrù 10:10

Ɨchî nɨ Yeso Kristo nyaʼa ghɨ ənû ze nɨ Ŋwìə̀ nyaʼa kə̀bɨ, Ŋwìə̀ fə che ənjìm məd zeŋnɨ əwa tɨ ənɨ mba ɨnû rɨbɔ̀ŋ. Kristo nyaʼa ghɨ̀ əne ɨchî nɨ wɨ̀ nyaʼa naʼ i ɨnyod ənɨ əghɨ ə̀fà fən ɨghəm mɔʼ.

Mə̀Hibrù 12:14

Mbə̀ kywɨ ənywɨ zə ni mbə̀ chub ənɨ əbɔrəbɔd mbɨ ə bə̂d mɨ̀jìm, bə̀ kywɨ ənywɨ zə ni mbə̀ chub ɨzeŋɨ zeŋɨ, ɨmbə̀ʼ ɨghəm nɨ chəi wə̀d we nɨ rɨka zeŋ i bɨrɨ nɔ zə Ə̀nùŋɨ̀sɨg.

Jûd 1:21

Mbə̀ chub kyerɨ ni Ŋwìə̀ ə ghaʼ əwən ɨchî nɨ mbɨə wòmə̀ ni a Ə̀nùŋɨ̀sɨg Yeso Kristo diirɨ əwən, ghɨ̀ mbə̀ jɨg ɨ̀tènɨ̀ rɨ mì.