Mə̀Hibrù 7:14 - Meta’

¹⁴ Zɨə zeŋ ni a Ə̀nùŋɨ̀sɨg yɨə nyaʼa rɨŋga ɨnəbɨ Judà. Chəi Mose nyaʼa gha ənû ə mɔʼɔ ɨmbə̀ʼ bə̂d mbàn Ŋwìə̀ dè ɨnəbɨ we.

Ikan feg

¹⁴ Ze fə dù zen gha ìwa Anɔŋisəg ya aghaŋ inga inəbi Judà. Chəyi Muse ya bə̀ ghà anug mɔ̀ʼɔ imbə̀ʼ inəbi we imbə̀ʼ anug ni fàʼ inga mbàn Ŋwiye.

Mə̀Hibrù 7:14 Referans Kwoze

Ɨnû 5:5

Wə̀d mɔʼɔ rəbɔʼ bə̂d kyeŋ mbe nyaʼa ghà ɨ num ni, “Tɨrə̀ chweŋ e mɨsɨ. Zə, Ŋgwàbaʼ we rɨŋga ɨnəbɨ Judà, nɨ yeʼ rɨ ənɨ əghaŋ Ɨfɔ̂n Dèvîd, fə baŋ mbi bə̂d pə̀n, əne ɨ we tɨ̀ wɨ̀ kyeʼrɨ ɨneŋ we ɨsɨ mbe sambe, fiʼ ə̀ŋwàʼnɨ̀ ze.”

Lk 3:33

nɨ nyaʼə wan Àminadàb, nɨ nyaʼə wan Admîn, nɨ nyaʼə wan Arnî, nɨ nyaʼə wan Hezrɔ̀n, nɨ nyaʼə wan Perès, nɨ nyaʼə wan Judàs,

Ɨnû 22:16

“Mɔ̌, Yeso, fə tom wum aŋgɨrə̀ nɨ wɨ̀ gha ɨnû mbɔ̂ əmbɨ mbə̀n mbe nɨ yeʼ ɨŋga tɨfetɨ bə̂d Kristo. Mɔ̌ yɨə wan tɨ ənɨ əghaŋ ə Dèvîd. Mɔ̌ yɨə bə̀ ə wan məd. Mɔ̌ yɨə təbid we nɨə njandə ənjɨtuʼ.”

Rm 1:3

Ɨkə̂n chɔ̀m wɔ̂ yɨ ɨmbə̀ʼ Wan məd, nɨ nyaʼə tɨ ənɨ əghaŋ ə Dèvîd ənɨ ɨgywɨ.

Efesùs 1:3

Tɨ̀ yiirɨ ə Ŋwiə̀ we nɨ yeʼ Mbǎʼ a Ə̀nùŋɨ̀sɨg Yeso Kristo. Wɨ̀ fə zɨ̀ əbɔrəbɔd ɨgwɨ na ɨchî nɨ tɨ̀ yeʼ ənɨ ɨfɔtɨ mbɨ Kristo. Əne yɨ əbɔrəbɔd əjìm ze nɨ Əzwî ə zɨə ɨgwɨ na rɨŋga ɨsɨ mbe nɨ yeʼ ɨkaŋ.

Rm 2:3

Kɨ̀ àwɔ̀ kɨə we, à wa kɔndɨ ni ənɨ àwɔ̀ ə sob mɨsaʼi ɨgwɨ ə bə̂d mbe nɨə ghɨ̀ tɨkwɨrɨ ənû tɔ̂, əne à wɨə bə̀ kɨrɨ ghɨ̀ ɨnû rəŋgu, ni à we tɨ̀ à nòrə̀ tɨ ənɨ ɨchî nɨ Ŋwìə̀ bɨrɨ saʼ əwe ə?

Jn 20:28

Tomas nyaʼa gha ɨ bɔ ni, “Mɨ Ə̀nùŋɨ̀sɨg mbɨ mɨ Ŋwiə̀!”

Jn 20:13

Mbɨ nyaʼa biirɨ ɨ bɔ ni, “Əyî, à kɨə zə̀ʼ ə ye ə?” Wɨ̀ nyaʼa wììrɨ̀ əmbɨ mɨ̀mə̌d ni, “Mbɨ fə chɨ̀ mɨ Ə̀nùŋɨ̀sɨg, əne chəi mə kyerɨ əsɨ ze nɨ mbɨ nuŋ əməd əŋgu.”

Lk 1:43

Ənû ə kyeŋ zɔ̂ ə ghɨ ənɨ ə num ɨmbə̀ʼ ə ye, ni ɨŋgɔb mɨ Ə̀nùŋɨ̀sɨg yeʼe əsɨ num ə?

Fìlipì 3:8

Təsìʼ nɨ yeʼ əŋgu yɨ ni ɨnû jìm yɨ ɨnimɨ ənɨ mə mɨg mbɨ ənû ə kyeŋ ze nɨ bɔŋɨ chè. Ənû ə kyeŋ ze yɨ nɨ kyerɨ ə Kristo Yeso wum Ə̀nùŋɨ̀sɨg. Mə fə nim ɨnû mbe jìm ɨmbə̀ʼ ə Kristo Yeso. Mə fə zə ni ɨnû mbe jìm yɨ ɨnyɔrɨ, ɨmbə̀ʼ mə chubɨ mbɨ Kristo

Matìyò 2:6

'Àwɔ̀ Betlehem nɨ yeʼ ɨŋga əba əbeŋ ze rɨ ə Judà, ka àwɔ̀ yɨ əwe əsɨ ze nɨ kə chè ɨsɨ jìm mbe nɨ mɨfɔ̂n mbe rɨ ə Judà ə tùmbɨ̀ə̀, ɨmbə̀ʼ ɨghəm nɨ ə̀tùmbɨ̀-bə̂d mɔʼɔ bɨrɨ jwɨ̀ rɨŋga ne nɨ bɨrɨ tumbɨ mbɨ bə̂d mɨ̀Izre.'”

Mə̀Hibrù 7:13

Wə̀d wɔ̂ nɨ mbɨə ghà ɨnû mbɔ̂ ɨmbə̀ʼ əməd yɨ rɨŋga ɨnəbɨ cherə. Chəi wə̀d mɔʼɔ ɨŋga ɨnəbɨ we kweʼ fàʼ ɨghabɨ wə̀d mbàn Ŋwìə̀.

Mə̀Hibrù 7:15

Ənû ze nɨ tɨ̀ gha ə jwɨ̀ zeŋ ni wə̀d mbàn Ŋwìə̀ cherə fə jwɨ̀, nɨ yeʼ ɨghabɨ ə Mèlkizedèk.