Mə̀Hibrù 6:11 - Meta’

¹¹ Tɨ̀ wɨə kə̀bə̀ ni wə̀d mɔʼ mɔʼ rəbɔʼ nən wo ɨmbì àmei əne, fàʼ ənɨ i fîŋ jìm wò pè ənɨ ɨnwǐ, ɨmbə̀ʼ mbə̀ berɨ ɨghɨ mbe nɨ mbə̀ nuŋ tə rɨkɔndɨ ɨ wòm.

Ikan feg

¹¹ Tì ya kə̀bə̀ gha wə̀d imɔʼ imɔʼ abɔ̀ʼ inən ya chwìye ikuchèg chɔm gho̰ mà nyumə̀ ijìm ghò pè ane ìnwḭ. Mbə̀ ghiyə ane ni gha ikɔndi we ne tì beri imbə̀ʼ ighi mbe ne tì ya ghɔ̀mɔ̀, chəyi wì biri chè ako.

Mə̀Hibrù 6:11 Referans Kwoze

Mə̀Hibrù 3:6

Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

2 Pità 1:10

Əne kyɨə bɔŋgɔb, mbə̀ jeŋgɨ kywɨ ənywɨ zə ni mbə̀ chub àmei ɨchî nɨ Ŋwìə̀ nyaʼa chɔʼ əwən bə̀ tɔŋə ni mbə̀ yeʼ mbi bə̂d. Mbə mɨ chub əne, njɨ chəi mbə bɨrɨ nɔ ghɨ ɨnû rɨbɔ̀ŋ.

Mə̀Hibrù 3:14

Tɨ̀ bɨrɨ yeʼ ənɨ ənû ə mɔʼ mbɨ Kristo ənɨ tɨ̀ yim ənû ze nɨ tɨ̀ nyaʼa be benɨ wò pè ənɨ ɨnwǐ.

Mə̀Hibrù 10:22

Əne tɨ̀ tindɨ ɨban ə Ŋwiə̀ mbɨ ə fîŋ jìm bə̀ nùŋ ta rɨkɔndɨ jìm àmei ɨgwɨ məd. Tɨ̀ ghɨ̀ əne mbɨ ə fîŋ nɨ mbɨ fə zeŋnɨ tɨ ənɨ tɨkɔndɨ rɨbɔ̀ŋ. Tɨ̀ bə̀ ghɨ̀ əne ənɨ ə nyamnyod nɨ mbɨ so ənɨ mɨnib nɨ zeŋɨ.

Ɨnû 2:26

Mə bɨrɨ naʼ ɨka nɨ tumbɨ ɨbeŋ jìm əmbɨ ə wə̀d we nɨ baŋ ɨnû rɨbɔ̀ŋ bə̀ sɨə ghɨ̀ ɨnû mbe nɨ mə̀ kəbɨ wò pè ənɨ ɨnwǐ.

1 Jɔn 3:14

Tɨ̀ ə kyerɨ ni tɨ̀ wɨə nyaʼa ɨghabɨ ɨvɨ bə̂d, àyɨə tɨ̀nîn, tɨ̀ fə jɨg ɨ̀tènɨ̀, ɨmbə̀ʼ ɨghəm nɨ tɨ̀ ghaʼ mba bɔŋgɔb. Wə̀d we nɨ chəi wɨ̀ ghaʼ wi aŋgɔb wɨə kɨrɨ i ɨghabɨ əvɨ ə wə̀d.

2 Pità 3:14

Əne kyɨə bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbɨə wòm ɨnû mbɔ̂, mbə̀ kywɨ ənywɨ zə ni mbə̀ chub ɨzeŋɨ zeŋɨ ɨmbə̀ʼ tɨ Ŋwìə̀ zə i ɨgu ənû mɔʼɔ ɨgwɨ nən. Mbə̀ bə zə ni mbə̀ chub ənɨ əbɔrəbɔd mbɨ ə Ŋwiə̀.

1 Pità 1:21

Mbə̀ fə chè ənjìm məd ben ə Ŋwiə̀ nɨ nyaʼa zwemnɨ əməd bə̀ naʼ ɨwumnɨ ɨ bɔ. À yɨ əton nɨ mbə berɨ nuŋ tə fîŋ bə̀ nùŋ tə rɨkɔndɨ àmei ɨgun ə Ŋwiə̀.

2 Tès 3:13

Mba bɔŋgɔb, tɨ mbə̀ bɔd ə nɨ ghɨ ɨnû nɨ kuʼnɨ.

Rm 15:13

Ŋwìə̀ we nɨə ghɨ̀ ni mbə̀ berɨ ɨghɨ mbe nɨ mbə̀ə wòmə̀, ghɨ ni ɨghaʼi swi ɨŋga tə fîŋ, mbə̀ bə chub ənɨ əbɔrəbɔd ɨchî nɨ mbə̀ ben əməd, ɨmbə̀ʼ Əzwî ə Zeŋɨ ə ghɨ̀ ni mbə̀ wo ɨmbì wòm ɨnû mbe nɨ Ŋwiə̀ nyaʼa kaʼi.

1 Tèsàlonikà 4:10

À yɨ rəsìʼ ni mbə kàŋ ghaʼ mbə bɔŋgɔb mɨ̀jìm mbe nɨ yeʼ ɨŋga ɨsɨ jìm mbe rɨ ə Màsèdonià. Àyɨə tɨ̀ wɨə buʼ ɨbɔ ɨ nən, kyɨə bɔŋgɔb, ni mbə̀ wo ɨmbì ghɨ əne tɨ̀nîn chè ɨchî nɨ mbə̀ nyaʼə bèə̀ ghɨ̀ə̀.

1 Tèsàlonikà 1:5

Tɨ̀ kyerɨ əne ɨmbə̀ʼ ɨghəm nɨ tɨ̀ nyaʼa yeʼe əsɨ nən mbɨ ɨkə̂n chɔ̀m. Chəi tɨ̀ nyaʼa yeʼe mbɨ ɨkə̂n chɔ̀m àmei ənɨ ɨŋgam. Tɨ̀ nyaʼa bə̀ ghà ɨkə̂n chɔ̀m ənɨ ɨka we nɨ Əzwî ə Zeŋɨ ə nàʼə̀. Tɨ̀ nyaʼa bə̀ kàŋ chwi ɨchî nɨ tɨ̀ ben ni ɨnû mbe nɨ yeʼ ɨŋga ɨkə̂n chɔ̀m yɨ ɨnû rəsìʼ. Mbə kyerɨ ɨnû mbe nɨ tɨ̀ nyaʼa ghɨ̌ ənɨ tɨ̀ nyaʼa əkaʼ nən. Tɨ̀ wɨə nyaʼa ghɨ ɨnû mbɔ̂ jìm ɨmbə̀ʼ weerɨ əwən.

Kòlosè 1:5

Tɨ̀ wɨə bə̀ nàʼ ɨmbə̀ʼ ɨnû mbe nɨ mbə nuŋ rɨkɔndɨ wòm nɨ Ŋwìə̀ nuŋ ɨ nən ɨkaŋ. Mbə nyaʼa fə be zu ənû zɔ̂ ɨŋga ɨŋgam rəsìʼ we nɨ yeʼ ɨkə̂n chɔ̀m we

Fìlipì 3:15

Mba mɨjìm mbe nɨ yeʼ bə̂d Kristo nɨ fə kaanɨ berɨ nuŋ ta rɨkɔndɨ ənɨ wɨ mɔʼ ɨmbə̀ʼ ɨnû mbɔ̂. Àyɨə mbə mɨ berɨ tɨkɔndɨ cherə, Ŋwìə̀ bɨrɨ ghɨ ni zɨə zeŋ ɨ nən.

Gàlesìyà 6:9

Tɨ rɨ̀ bɔd əwa nɨ ghɨ ɨ̀chɔ̀m. Tɨ̀ mɨ ton bɔd əwa, tɨ̀ bɨrɨ kwəŋ ɨghɨ nɔnɔʼ ənɨ ə nyùmə̀ kuʼu.

1 Kɔrèn 15:58

Əne mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ̀. Tɨ mbə̀ ben ə ni əghɨ ə mɔʼɔ chiʼ əwən. Mbə̀ faʼ ə̀fàʼì ze nɨ Ə̀nùŋɨ̀sɨg zɨ ɨŋga tə rɨkyerɨ-ɨbɔ. Mbə̀ faʼ əne wò ɨmbì. Mbə mɨ yeʼe ghɨ̀ əne, mbə̀ kyerɨ ni chəi ənû ə mɔʼɔ ze nɨ mbə̀ ghɨ əmbɨ Ə̀nùŋɨ̀sɨg ə bɨrɨ che ətu ə̀kǒ.

1 Kɔrèn 13:13

Əne ɨnû mbɔ̂ tad fə ten i koŋ. Ɨnû mbe yɨ ənû nɨ nuŋ fîŋ ɨgun ə Kristo, ənû nɨ nuŋ ɨkɔndɨ wòm ɨnû jìm mbe nɨ tɨ̀ benɨ mbɨ ənû nɨ ghaʼ aŋgɔb. Àyɨə əze nɨ che mbɨ cherə yɨ ənû nɨ ghaʼ aŋgɔb.

Matìyò 24:13

Àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.

1 Jɔn 3:19

Əne yɨ ɨchî nɨ tɨ̀ bɨrɨ kyerɨ ni tɨ̀ yɨə bə̂d nɨə ghà rəsìʼ. Əze ə bɨrɨ ghɨ ni ta fîŋ bɔtɨ ɨfě Ŋwiə̀

Kòlosè 2:2

Əton yɨ ni mə wɨə kəb nəərɨ fîŋ tɨ mɨ̀mə̌d ni mbɨ ghaʼ mbə bɔŋgɔb əne chub ənɨ ənû mɔʼ, ɨmbə̀ʼ mbɨ berɨ mbɔ̂n ze nɨ bɨrɨ ghɨ ni mbɨ berɨ ɨwe bə̀ jeŋgɨ kyerɨ ɨnû mbe nɨ yeʼ ənə̀mə ɨmbə̀ʼ ə Ŋwiə̀. Ɨnû mbe nɨ yeʼ ənə̀mə yɨə Kristo ziə.

Kòlosè 1:23

Mbə berɨ chè ɨmbì yim ə ɨbenɨ bə̀ təm ɨŋga ɨbenɨ we kàànɨ̀. Tɨ mbə̀ suŋgɨ ə rɨ ənɨ ɨnû mbe nɨ mbə̀ nyaʼa nuŋ rɨkɔndɨ ɨgun ənɨ ə nyùmə̀ we nɨ mbə̀ nyaʼa zu ɨkə̂n chɔ̀m. Mbɨ fə ghà ɨkə̂n chɔ̀m wɔ̂ ɨŋga ɨsɨg jìm. Ŋwìə̀ nyaʼa chɔʼ əmɨ, mɔ̌ Pɔ̂l, ni mə̀ gha ɨkə̂n chɔ̀m rəŋgu.

Rm 12:8

Ɨneʼe wə̀d mɔʼɔ mɨ yeʼ ni wɨ̀ timbɨ bə̂d, wɨ̀ bə tìmbɨ̀. Ɨneʼe wə̀d mɔʼɔ mɨ yeʼ ni wɨ̀ naʼ ɨghɨ əmbɨ ə bə̂d, wɨ̀ saŋnɨ. Ɨneʼe wə̀d mɔʼɔ mɨ yeʼ ni wɨ̀ tumbɨ bə̂d, wɨ̀ tumbɨ ənɨ i fîŋ jìm. Ɨneʼe wə̀d mɔʼɔ mɨ yeʼ ni wɨ̀ ghɨ ɨ̀chɔ̀m ənɨ ə bə̂d ŋgəʼ, wɨ̀ ghɨ̀ əne mbɨ ɨghaʼi.

Gàlesìyà 5:5

Tɨ̀ wɨə kàŋə̀ wòmə̀ nɨ Ŋwìə̀ ghɨ tɨ̀ təm kùʼnɨ̀ ənjìm ɨchî nɨ tɨ̀ nuŋ fîŋ ɨgwɨ məd. Ɨ wɨə ghɨ̀ əne ənjìm Əzwî əməd.

Lk 1:1

Wə̀d kyeŋ Tiofilùs, bə̂d mɨ̀nɔnɔʼ fə ghɨ̀ ɨka nɨ ŋwaʼnɨ ɨnû mbe nɨ nyaʼa ghɨ̌ əkaʼ na.