Mə̀Hibrù 5:13 - Meta’

¹³ Wə̀d we nɨə nyɔŋ àmei ɨbən yɨə wan bɔd. Chəi wɨ̀ kɨrɨ kyerɨ ɨnû mbe nɨ yeʼ ɨŋga ɨŋgam Ŋwiə̀ ɨmbə̀ʼ ɨnû nɨ kuʼnɨ.

Ikan feg

¹³ Wə̀d ne kiri kə̀bə ni nyɔŋ ibən ya kiri ŋwan bɔd. Chəyi tengàŋ kiri kyeri inug mbe ne Àŋwàʼrì Ŋwiye gha imbə̀ʼ anug ni təm kòʼ imbìghè abə Ŋwiye.

Mə̀Hibrù 5:13 Referans Kwoze

1 Pità 2:2

Ɨghabɨ ə bɔn bɔd nɨə kɨrɨ nyɔŋ ɨbən, mbə kəb yeʼ ɨbən zeŋɨ we nɨ əzwî ə nàʼə̀, ɨmbə̀ʼ mbə mɨ nyɔŋ, mbə bɨrɨ kwi kàànɨ̀, Ŋwìə̀ chɨ̀ əwən rəŋgəʼ.

1 Kɔrèn 14:20

Mbɨ bɔŋgɔb, tɨ tə rɨkɔndɨ yeʼi ɨghabɨ tɨ bɔn kwa. Mbə̀ yeʼ ɨghabɨ ə bɔn bɔd ənɨ zɨə de ɨnû rɨbɔ̀ŋ, àyɨə mbə̀ berɨ tɨkɔndɨ bə̂d kyeŋ.

2 Timotì 3:16

À yɨə Ŋwìə̀ nyaʼa fe bə̂d ni mbɨ ŋwàʼnɨ̀ Ɨŋgam Ŋwiə̀ jìm. Ɨŋgam Ŋwiə̀ ə bɔŋ ni mbɨ nɨŋ chwi ɨnû, ni mbɨ nɨŋ gham əbɔʼ ə bə̂d, ni mbɨ nɨŋ ghà ənû rɨbɔ̀ŋ ze nɨ wə̀d ghɨ̌ ɨmbə̀ʼ wɨ̀ kwepə. Wɨ bə̀ bɔ̀ŋ ni mbɨ nɨŋ chwi ɨchî nɨ tɨ bə̂d chub ɨchî nɨ kuʼnɨ,

Efesùs 4:14

Əne tɨ rɨ̀ yeʼ a ɨghabɨ ə bɔn kwa nɨə ben ɨnû jìm mbe nɨ bə̂d mɨghab ə chwi əmbɨ mɨ̀mə̌d. Bə̂d mɨghab mbɔ̂ mbɨə tiə mɨghab tambɨə bə̂d ɨmbə̀ʼ mbɨ febə.

1 Kɔrèn 3:1

Bɔŋgɔb, chəi ənɨ tɨ̀ mə nyaʼa ghàm ɨ nən ɨchî nɨ tɨ̀ mə nyaʼa ghàm əmbɨ ə bə̂d mbe nɨ Əzwî ə Ŋwiə̀ ə yeʼ ɨŋga mɨ̀mə̌d. Mə nyaʼa berɨ gham ɨ nən ɨghabɨ ni mbə yɨə bə̂d rɨŋga ɨsɨg, kɨ̀ ɨghabɨ ni mbə yɨə bɔn bɔd ənɨ ənû ə Kristo.

2 Kɔrèn 3:9

Ə̀fàʼì ze nɨə zɨ ɨsaʼi ɨgwɨ ə bə̂d mɨ nyaʼa yeʼe mbɨ ɨzeŋɨ zeŋɨ, njɨ əze nɨə yeʼe mbɨ ɨnû nɨ təm kùʼnɨ̀ bɨrɨ yeʼe mbɨ ɨzeŋɨ zeŋɨ nɨ che əbɔ!

1 Kɔrèn 13:11

Ənɨ mə̀ nyaʼə wan kwa, mə wɨə nyaʼə ghàm ɨghabɨ ə wan kwa, mə wɨə nyaʼə kɔndɨ ɨnû ɨghabɨ wan kwa, mə nyaʼa berɨ ɨwe wan kwa. Ənɨ mə nyaʼa kwi sɨə wə̀d kyeŋ, mə nyaʼa waʼ ɨnû bɔn kwa.

Mk 10:15

Mə ghà rəsìʼ ɨ nən ni, ka wə̀d mɔʼɔ we nɨ chəi wɨ̀ ben ənû ɨfɔ̀n ə Ŋwiə̀ ɨghabɨ ə wan kwa bɨrɨ nɔ nyɨ i ɨŋga ənû ɨfɔ̀n ze.”

Matìyò 11:25

À nyaʼa ənɨ ə nyùmə̀ we, Yeso nyaʼa ghà ni, “Mɨ Mbǎʼ, Ə̀nùŋɨ̀sɨg ɨkaŋ fɔrɨ ɨgwɨ ə si, məben-əwe ni à fə nə̀m ɨnû mbɔ̂ rɨ əmbɨ ə bə̂d ɨwe bə̀ fɔrɨ rɨ əmbɨ məkyerɨ-ɨnû, sɨ chwiə yeʼ əmbɨ ə bɔn bɔd.

Rm 2:20

À wɨə ghàə̀ ni tə wɨə kəərɨ ɨneŋ. À wɨə bə̀ ghàə̀ ni tə wɨə chwi ɨnû əmbɨ ə bɔn kwa. À wɨə ghà əne ɨmbə̀ʼ ɨchî nɨ à kyerɨ ni ɨwe jìm mbɨ rəsìʼ jìm wɨ ɨŋga rɨkə.

2 Jɔn 1:11

Wə̀d mɔʼɔ we nɨ chaʼrɨ əməd wɨə fɔtɨə mbɨ məd ənɨ ɨnû ɨzɨg mbe nɨ wɨə ghɨ̀ə̀.