Mə̀Hibrù 2:8 - Meta’

⁸ À fə bə̀ nuŋ ɨghɨjìm əton məd. Ənɨ Ŋwìə̀ nyaʼa nuŋ ɨghɨjìm əton məd, chəi wɨ̀ nyaʼa saŋ əghɨ ə mɔʼɔ. Àyɨə tɨ̀nîn chəi tɨ̀ kɨrɨ zə ɨghɨjìm əton məd.

Ikan feg

⁸ ni tùmbì ighi ijìm.” Ane, Ŋwiye ya nàʼ ika ibo ni tùmbì ighi ijìm ne chəyi wì chi àze mɔ̀ʼɔ ka. Si ya gha, amad anìŋ, chəyi te bàrà gha məd we tùmbə̀ ighi ijìm.

Mə̀Hibrù 2:8 Referans Kwoze

Jn 13:3

Yeso nyaʼa kyerɨ ni i Mbǎʼ nyaʼa fə zɨ̀ ɨnû jìm ɨŋga ti rɨkyerɨ-ɨbɔ. Wɨ̀ nyaʼa bə̀ kyerɨ ni à yɨə Ŋwìə̀ nyaʼa tom əwi fɔrɨ ni tə wɨə wɨrɨə wò əsɨ ə Ŋwiə̀.

1 Kɔrèn 15:27

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ŋwìə̀ fə nùŋ ɨghɨjìm əton ɨwu ɨməd.” Zɨə mɨ yeʼ ɨŋga Ə̀ŋwàʼnɨ̀ ə Ŋwiə̀ ni, “Ŋwìə̀ fə nùŋ ɨghɨjìm əton ɨwu ɨməd,” əne zɨə zeŋ ni chəi Ŋwìə̀ əbɔʼ ɨghɨ mbe. À yɨə məd ziə nuŋ ɨghɨjìm əton ə Kristo.

1 Pità 3:22

Wɨ̀ fə wo ɨkaŋ pè chub əbà əbɔ ə jɨgɨ ə Ŋwiə̀. Ɨ wɨə sɨə tùmbɨ̀ mbɨ̀aŋgɨrə̀ bə̀ tùmbɨ̀ ɨzwî jìm mbe nɨ yeʼ ɨkaŋ fɔrɨ ɨgwɨ ə si.

Ɨnû 1:18

Mɔ̌ yɨə we nɨ yeʼ ɨkǎ. Mə nyaʼa kwɨ, àyɨə zə, mə wɨ ɨkǎ koŋ. Mə berɨ ɨka ɨgwɨ ɨvɨ bə̀ fɔrɨ ɨgwɨ əbeŋ ɨvɨ bə̂d.

Mə̀Hibrù 1:13

À kɨ əmbɨ aŋgɨrə̀ wi nɨ Ŋwìə̀ nyaʼa kweʼ ghà ni, “Chub ənɨ mɨ əbɔ ə jɨgɨ pè ənɨ mə baŋ mbe bə̂d pə̀n əne ghɨ̀ ni mbɨ yeʼ ɨghɨ nɨ à bɨrɨ teerɨ mbe ɨwu ɨgun ə”?

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.

Mə̀Hibrù 2:5

Chəi Ŋwìə̀ nyaʼa nuŋ ni ɨsɨg we nɨ tɨə ghàm ɨmbə̀ʼ wɨwən yeʼ əton mbɨ̀aŋgɨrə̀.

Jn 3:35

Mbǎʼ ə ghaʼ i Wan əne wɨ̀ fə sàŋ ɨnû jìm ɨŋga tɨkyerɨ-ɨbɔ məd.

Matìyò 28:18

Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si.

Mə̀Hibrù 1:2

Àyɨə ɨŋga nyùmə̀ wɔ̂ nɨ sɨ nwìə̀, wɨ̀ fə ghàm ɨ na ənjìm i Wan we nɨ wɨ̀ nyaʼa nuŋ ənɨ əjɨnəb ɨgwɨ ɨghɨjìm. Wɨ̀ nyaʼa bə̀ chè ənjìm məd tekɨ ɨsɨg.