Mə̀Hibrù 11:36 - Meta’

³⁶ Mbɨ nyaʼa baʼrɨ mbɨ mɔʼɔ, wid mbɨ mɔʼɔ ənɨ ə ŋgwad, kod mbɨ mɔʼɔ ənɨ mɨ̀kàrə̀ zɨ ə ndəŋ.

Ikan feg

³⁶ Mbi ya chəʼ mbi mɔ̀ʼɔ bə̀ ywìri awɔb. Mbi ya kɔd mə̀mbin ane mə̀chen ghò zì awɔb inga nəb ndəŋ.

Mə̀Hibrù 11:36 Referans Kwoze

Mə̀Hibrù 10:34

Mbə mbɨə nyaʼə dììrɨ̀ə̀ bə̂d mbe nɨ nyaʼa ə nəb ndəŋ. Ənɨ mbɨ nyaʼa fe mbə ɨghɨ, mbə̀ nyaʼa ben ənɨ ɨghaʼi. Mbə mbɨə nyaʼa ghɨ̀ əne ɨmbə̀ʼ ɨghəm nɨ mbə̀ nyaʼa kyerɨ ni mbə berɨ ɨghɨ nɨ bɔŋ chè mbe, nɨ yeʼ ɨghɨ nɨ bɨrɨ ten i koŋ.

Matìyò 23:34

Mə bɨrɨ tom bə̂d ɨ̀kə̀n, tom bə̂d ɨwe bə̀ tom məchwiə̀ rɨ̀kə̌ əsɨ nən. Mbə bɨrɨ zwiirɨ mbɨ mɔʼɔ, kòmbɨ̀ mbɨ mɔʼɔ əzed ə baʼnɨ, te mbɨ mɔʼɔ ənɨ ə ŋgwad ɨŋga tə nəb ə̀kàtɨ̀, bə̀ nwèndɨ̀ tɨkyerɨ-ɨwu mbɨ mɔʼɔ, kɔ rɨŋga əsɨ ə fibɨ̀ wò pè ɨŋga əzɨ ə cherə,

Ɨnû 2:10

Tɨrə̀ bɔ e ənû ze nɨ à bɨrɨ zə ŋgəʼ ɨmbə̀ʼ əzɨ əwən. Zə, Debɨ̀rə̀ bɨrɨ zɨ mbən mɨmɔʼɔ ə ndəŋ, ɨmbə̀ʼ zweʼrɨ əwən. Mbɨ bɨrɨ nwendɨ tə rɨkyerɨ-ɨwu ɨni wum. Mbə̀ nuŋ fîŋ ɨgun ə Kristo wò pè ənɨ mbɨ zwiirɨ əwən. Mə bɨrɨ neʼ əwən mbɨ ɨ̀tènɨ̀.

2 Timotì 2:9

À yɨ ɨmbə̀ʼ ɨkə̂n chɔ̀m wɔ̂ nɨ mɨə zəə ŋgəʼ pè ənɨ mbɨ fə kod əmɨ ənɨ mɨ̀kàrə̀ mbɔ̂ ɨghabɨ ni mə fə gù ɨkə. Ɨ mbe tɨ̀ mbɨ kod əmɨ, àyɨə chəi ənɨ tɨ̀ mbɨ kod ɨŋgam Ŋwiə̀ ənɨ mɨ̀kàrə̀.

2 Timotì 1:16

Mə wɨə kɔ̀ŋgɨ̀ Ə̀nùŋɨ̀sɨg ni wɨ̀ diirɨ bə̂d mbe rɨŋga nəb Ònèsiforùs, ɨmbə̀ʼ ɨghəm nɨ məd wɨə nyaʼa kɨə zùtɨ̀ mɨ fîŋ. Chəi ətu əməd ə nyaʼa nid ɨmbə̀ʼ əmɨ ɨchî nɨ mə nyaʼa ə nəb ndəŋ.

Efesùs 4:1

Mɔ̌, nɨ mə̀ yeʼ wə̀d ndəŋ ɨmbə̀ʼ ɨchî nɨ mɨə fàʼ əmbɨ Ə̀nùŋɨ̀sɨg, wɨə buʼ ɨbɔ ɨ nən ni mbə̀ chub ɨchî nɨ kuʼnɨ, nɨ yeʼ ɨchî we nɨ Ŋwiə̀ tɔŋ əwən ni mbə̀ chubɨ.

Ɨ̀fàʼì 24:27

Ənɨ ɨghəm ɨwu nyaʼa che ɨbe, Posiòs Festùs, nyaʼa jɨg ətən ə Felìz ɨghabɨ ə gɔmnà. Ɨchî nɨ Felìz nyaʼə kə̀bə̀ ni mɨ̀Jû ghaʼ əməd, wɨ̀ nyaʼa sàŋ ə Pɔ̂l ə nəb ndəŋ.

Ɨ̀fàʼì 21:33

Ətu ə kyeŋ ɨgwɨ mɨ̀sɔgyɨ̀ nyaʼa wò gywɨ̀ ə Pɔ̂l, ghà mbɨ kod əməd ənɨ mɨ̀kàrə̀ mɨbe. Wɨ̀ nyaʼa biirɨ wə̀d we nɨ Pɔ̂l yeʼ wɨwən bə̀ biirɨ ənû ze nɨ wɨ̀ ghɨ̌.

Ɨ̀fàʼì 8:3

Sɔ̂l nyaʼa kə̀b ni njɨ tə nimnɨ bə̂d Kristo. Əne wɨ̀ nyaʼa kɔ ghanə nyɨrə nəb, yènə̀ sùŋə̀ bə̂d mbe nɨ nyaʼa ben ə Kristo, mbaŋə̀ mbɨ məyi, wò zɨ ə ndəŋ.

Ɨ̀fàʼì 5:40

Mə̀saʼ əbeŋ mbe nyaʼa zu ɨkə Gàmalièl. Ənɨ mbɨ nyaʼa wɨrɨ tɔŋ bə̂d tom mbe, mbɨ nyaʼa te mɨ̀mə̌d ənɨ ə ŋgwad, patɨ mɨ̀mə̌d ghà ni tɨ mbɨ tɔ gha ə ənû ə mɔʼɔ ənɨ ɨkum Yeso. Mbɨ nyaʼa ghɨ̀ əne sàŋ mɨ̀mə̌d mbɨ wò əwən.

Ɨ̀fàʼì 5:18

Mbɨ nyaʼa gywɨ̀ bə̂d tom mbe wò zɨ̀ ə nəb ndəŋ əbeŋ.

Ɨ̀fàʼì 4:3

Əne mbɨ nyaʼa gywɨ ə Pità mbɨ Jɔ̌n wò wùb ə ndəŋ ɨmbə̀ʼ mbɨ chub əŋgu pè əni ze nɨ beenɨ, ɨmbə̀ʼ ɨghəm nɨ əfub ə zɨə nyaʼa sɨə bɨ̀gə̀.

Lk 23:36

Mɨ̀sɔgyɨ̀ mbe nyaʼa bə̀ baʼrɨ əməd. Mbɨ nyaʼa nàʼ twàŋ tɨ mɨnoʼ ɨ bɔ,

Lk 23:11

Herɔ̀d mbɨ mbi mɨ̀sɔgyɨ̀ nyaʼa tìbrɨ̀ əməd bə̀ baʼrɨ əməd. Mbɨ nyaʼa bə̀ zɨ̀ ngywɨ̌ nɨ kaŋ bɔŋ ɨgwɨ məd, wɨrɨ chà əməd əmbɨ Pailèt.

Lk 18:32

Mbɨ bɨrɨ yim əməd nàʼ əmbɨ bə̂d mbe nɨ kaʼi mɨ̀Jû. Bə̂d nɨ kaʼi mɨ̀Jû bɨrɨ baʼrɨ əməd, naʼ tɨ̀nìd ətu ɨ bɔ bə̀ chèd mad ənɨ məd.

Mk 10:34

Bə̂d mbe nɨ kaʼi mɨ̀Jû bɨrɨ baʼrɨ əməd, chèd mad ənɨ məd, te əməd ənɨ ə ŋgwad bə̀ zwiirɨ əməd. Ɨni nɨə che ɨtad, wɨ̀ zwemə.”

Matìyò 27:26

Əne Pailèt nyaʼa chɨ̀ ə Barabas sàŋ əmbɨ mɨ̀mə̌d. Ənɨ wɨ̀ nyaʼa fə gha mbɨ te ə Yeso ənɨ ə ŋgwad, wɨ̀ nyaʼa nàʼ əməd ni mbɨ wò kòmbɨ̀ əzed ə baʼnɨ.

Matìyò 21:35

Bə̂d mbe nɨ nyaʼa yim mbeŋ ze nyaʼa gywɨ̀ bə̂d ə̀fàʼì mbe, som wɨ fìbɨ̀, zwiirɨ wɨ fìbɨ̀, bə̀ tumbɨ wɨ fìbɨ̀ ənɨ əti.

Matìyò 20:19

Mbɨ bɨrɨ ghɨ əne, nàʼ əməd əmbɨ ə bə̂d mbe nɨ kaʼi mɨ̀Jû ni mbɨ baʼrɨ əməd, te əməd ənɨ ə ŋgwad, bə̀ kòmbɨ̀ əməd əzed ə baʼnɨ. Àyɨə ɨni nɨə pè ɨtad, Ŋwìə̀ zwemnɨ əməd.”

Efesùs 3:1

À yɨ ɨmbə̀ʼ ənû zɔ̂ nɨ Ŋwìə̀ fɔtɨ bə̂d ənɨ mbɨ mɔʼ nɨ mɔ̌, Pɔ̂l, yeʼ wə̀d ndəŋ ɨmbə̀ʼ mbə̀n mbe nɨ kaʼi mɨ̀Jû. Mə yɨə wə̀d ndəŋ ɨmbə̀ʼ ɨghəm nɨ mə wɨə ghà ɨkə̂n chɔ̀m ɨmbə̀ʼ ə Kristo Yeso.