Mə̀Hibrù 11:31 - Meta’

³¹ À yɨ ɨbenɨ nyaʼa ghɨ ni tɨ ə̀kùnɨ̀ ze nɨ mbɨ nyaʼə tɔŋ ənɨ ə Rahàb kwɨ i mbɨ ə bə̂d mbe nɨ nyaʼa ghɨ rɨ̀zuə̀. Chəi wɨ̀ nyaʼa kwɨ ɨmbə̀ʼ ɨghəm nɨ wɨ̀ nyaʼa nɨŋ mɨ̀-ànàŋgɔŋ mbe nɨ nyaʼa yeʼe jɨrɨ neŋ ə Jerikò. Wɨ̀ nyaʼa nɨŋ mɨ̀mə̌d kwàʼ ənɨ əbɔrəbɔd.

Ikan feg

³¹ À ya anjìm ibḛfiŋ ne chəyi mbi ya zweti Rahàb ne ya yaʼi àkwàrì abɔ̀ʼ bəd mbe ne ya ghi tìzughə̀ abə Ŋwiye. Chəyi mbi ya zweti aməd imbə̀ʼ icheg ne wì ya niŋ mə̀Ju mbe ne ya ghò ni nyaʼ nwendi inug imbə̀ʼ Jèrikò, nə̀mbì ibo inga nəb.

Mə̀Hibrù 11:31 Referans Kwoze

Jems 2:25

À yɨ bə̀ əndəŋ əndəŋ nɨ Ŋwìə̀ nyaʼa ben ni ə̀kùnɨ̀ ze nɨ mbɨ nyaʼə tɔŋ ənɨ ə Rahàb nyaʼa təm kùʼnɨ̀ ənjìm ənû ə chɔ̀m ze nɨ wɨ̀ nyaʼa ghɨ̌ ənɨ mɨ̀-ànàŋgɔŋ mɨ̀Izre mbe nɨ nyaʼa wo jɨrɨ neŋ ə Jerikò. Wɨ̀ nyaʼa nɨŋ mɨ̀mə̌d ɨchî chɔ̀m əne cha mɨ̀mə̌d ni mbɨ wò əwən ɨnə̂njɨ̀ cherə.

Matìyò 1:5

Salmɔ̀n yɨə nyaʼə mbǎʼ Boàz. Ɨŋgɔb məd yɨə nyaʼə Rahàb. Boàz yɨə nyaʼə mbǎʼ Obèd. Ɨŋgɔb məd yɨə nyaʼə Ruf. Obèd yɨə nyaʼə mbǎʼ Jesè.

Matìyò 1:1

Wɔ̂ yɨ ɨwaŋ tɨ̀ghə̀m rɨ mɨ̀mbǎʼ Yeso Kristo rəŋwe. Yeso Kristo yɨə wan tɨ ənɨ əghaŋ ə Dèvîd we nɨ nyaʼə wan tɨ ənɨ əghaŋ ə Abràham.

1 Pità 3:20

Mbɔ̂ yɨ ɨzwî bə̂d mbe rəŋwe nɨ chəi mbɨ nyaʼa zuunɨ ə Ŋwiə̀ ənɨ wɨ̀ nyaʼa yim fîŋ wom ənɨ ə nyùmə̀ we nɨ Noà nyaʼə kombɨ əbaŋ ɨgyɨ̀ ze. Àmei bə̂d rɨpiî, əne yɨə bə̂d famɨ nyaʼa jwɨ rəŋgəʼ ɨŋga əbaŋ ze.

1 Pità 2:8

fɔrɨ ni, “À yɨ ɨti nɨ bɨrɨ ghɨ ni bə̂d tɨ̀grə, bə̀ yeʼ ɨwɔ̌ nɨ bɨrɨ ghɨ ni bə̂d gu ə.” Ɨ mbɨə tɨ̀grə ɨmbə̀ʼ ɨghəm nɨ chəi mbɨə ghɨ̀ ɨnû mbe nɨ yeʼ ɨŋga ɨŋgam Ŋwiə̀. Əzɔ̂ yɨ ənû nɨ Ŋwìə̀ nyaʼa fə nuŋ əmbɨ mɨ̀mə̌d.

Mə̀Hibrù 3:18

À kɨ əmbɨ mɨwe nɨ Ŋwìə̀ nyaʼa kan ni chəi mbɨ bɨrɨ nɔ nyɨ ɨŋga əsɨ ə̀zwììrɨ̀ ze nɨ wɨ̀ bɨrɨ nàʼ əmbɨ mɨ̀mə̌d ə? Kaʼ à wa kɨ i əmbɨ ə bə̂d mbe nɨ chəi mbɨ nyaʼə zuunɨ əməd ə?

Ɨ̀fàʼì 15:33

Ənɨ mbɨ nyaʼa fə chub əŋgu ənɨ əkɔb ə nyumə̀, bɔŋgɔb mbe nyaʼa wɨrɨ chà mɨ̀mə̌d ənɨ əbɔrəbɔd əmbɨ mbe nɨ nyaʼa tom mɨ̀mə̌d.