Mə̀Hibrù 10:35 - Meta’

³⁵ Əne tɨ mbə̀ waʼ əwən ənû nɨ nuŋ fîŋ ɨgun Ə̀nùŋɨ̀sɨg, ɨmbə̀ʼ ɨghəm nɨ əze ə bɨrɨ yeʼe mbɨ ɨchɔʼ ə̀fàʼì kyeŋ.

Ikan feg

³⁵ Ane, imbə̀ʼ mbə̰ chiye awən ibḛfiŋ igun Anɔŋisəg imbə̀ʼ icheg ne ibḛfiŋ we biri nàʼ chùd ne faŋi inən.

Mə̀Hibrù 10:35 Referans Kwoze

1 Kɔrèn 15:58

Əne mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ̀. Tɨ mbə̀ ben ə ni əghɨ ə mɔʼɔ chiʼ əwən. Mbə̀ faʼ ə̀fàʼì ze nɨ Ə̀nùŋɨ̀sɨg zɨ ɨŋga tə rɨkyerɨ-ɨbɔ. Mbə̀ faʼ əne wò ɨmbì. Mbə mɨ yeʼe ghɨ̀ əne, mbə̀ kyerɨ ni chəi ənû ə mɔʼɔ ze nɨ mbə̀ ghɨ əmbɨ Ə̀nùŋɨ̀sɨg ə bɨrɨ che ətu ə̀kǒ.

Mə̀Hibrù 3:6

Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

Lk 14:14

À mɨ ghɨ̀ əne, Ŋwìə̀ bɨrɨ zɨ əbɔrəbɔd ɨgwɨ ne, ɨmbə̀ʼ ɨghəm nɨ chəi ənɨ tɨ mbɨ wì ənû ze nɨ à ghɨ̌. Ŋwìə̀ bɨrɨ wì ənû ze nɨ à ghɨ̌ ənɨ ə nyùmə̀ we nɨ bə̂d mbe nɨə ghɨ̀ ɨnû nɨ kuʼnɨ bɨrɨ zwemə.”

Mə̀Hibrù 11:26

Wɨ̀ nyaʼa zə ni ənû nɨ zə ŋgəʼ ɨmbə̀ʼ Wə̀d we nɨ Ŋwìə̀ zɔʼɔ ə bɔ̀ŋ chè mbɔ̂n ze rɨ ə Ijìpt, ɨmbə̀ʼ ɨghəm nɨ ɨ wɨə nyaʼə nèŋ ɨmbì ɨmbə̀ʼ ɨchɔʼ ə̀fàʼì we nɨ wɨ̀ bɨrɨ berɨ.

Matìyò 5:12

Mbə̀ ghaʼrɨ bə̀ gyendɨ əwən, ɨmbə̀ʼ ɨghəm nɨ Ŋwìə̀ bɨrɨ naʼ ɨneʼe kyeŋ ɨ nən ɨkaŋ. À yɨə bə̀ ɨchî nɨ bə̂d nyaʼə nwèndɨ̀ rɨkyerɨ-ɨwu bə̂d ɨ̀kə̀n Ŋwiə̀ mbe nɨ nyaʼa ɨmbì ɨ nən.

Mə̀Hibrù 4:14

Tɨ̀ berɨ ətu ɨgwɨ ə bə̂d mbàn Ŋwìə̀ nɨ dabə. Məd yɨə Yeso Wan Ŋwìə̀ we nɨ nyaʼa wò ɨkaŋ. Əne tɨ̀ yim ənû ze nɨ tɨ̀ benɨ zɨə kaanə.

Mə̀Hibrù 3:14

Tɨ̀ bɨrɨ yeʼ ənɨ ənû ə mɔʼ mbɨ Kristo ənɨ tɨ̀ yim ənû ze nɨ tɨ̀ nyaʼa be benɨ wò pè ənɨ ɨnwǐ.

Matìyò 10:32

“Wə̀d jìm we nɨ ben ɨfě bə̂d ni tə kyerɨ əmɨ, mə bɨrɨ bɨ ben ɨfě mɨ Mbǎʼ we nɨ yeʼ ɨkaŋ ni mə kyerɨ əməd.

Matìyò 10:42

Wə̀d mɔʼɔ we nɨ naʼ ka àbei toʼ mɨnib zwɨrɨ-zwɨrɨ əmbɨ wɨ kwa mɔʼɔ rəbɔʼ mbɔ̂ ɨmbə̀ʼ ɨghəm nɨ məd yɨ mɨ ə̀mə̀ə̀nɨ̀-ɨnû, njɨ mə ghà rəsìʼ ɨ nən ni, ka wɨ bɨrɨ nim i i ɨchɔʼ ə̀fàʼì.”

Mə̀Hibrù 2:2

Ɨkə̂n we nɨ mbɨ̀aŋgɨrə̀ nyaʼa gha əmbɨ mba mɨ̀mbǎʼ rəŋwe yɨə nyaʼa ɨkə̂n rəsìʼ. Əne bə̂d mɨ̀jìm mbe nɨ chəi mbɨ nyaʼa ghɨ̀ ɨnû mbe nɨ mbɨ nyaʼa gha ɨŋga ɨkə̂n we, kɨ̀ mbe nɨ chəi mbɨ nyaʼa ghɨ ɨnû mbe, nyaʼa berɨ ɨchə nɨ kuʼnɨ.

Efesùs 3:12

Ənɨ ɨfɔtɨ mbɨ Kristo bə̀ fɔrɨ ənjìm ɨbenɨ we nɨ tɨ̀ nuŋ ɨgwɨ məd, tɨ̀ fə berɨ ɨka nɨ wò əsɨ ə Ŋwiə̀ nɨ chəi ɨbɔɔ.

Mə̀Hibrù 10:19

Mbɨ bɔŋgɔb, tɨ̀ kyerɨ ni tɨ̀ bɨrɨ nyɨ ɨŋga Əsɨ nɨ Zeŋɨ Màànɨ̀ ənjìm ənəm ə Yeso.

2 Jɔn 1:8

Mbə̀ we əwən ɨmbə̀ʼ tɨ mbə̀ nim ə əghɨ ze nɨ mbə̀ fə faʼ ɨmbə̀ʼ əzɨ əwən, àyɨə mbə̀ wo ɨmbì fàʼ ɨmbə̀ʼ mbə̀ berɨ ɨchɔʼ ə̀fàʼì ɨ swi.