Lk 8:18 - Meta’

¹⁸ “Əne mbə̀ we əwən ɨchî nɨ mbə̀ə zu ɨnû, ɨmbə̀ʼ ɨghəm nɨ wə̀d we nɨ berɨ ɨghɨ, mbɨ bɨrɨ naʼ mbɨ cherə ɨ bɔ, wɨ̀ sɨ berɨ mbɨ nɔʼ. Àyɨə we nɨ chəi wɨ̀ berɨ əghɨ, ka àbei ɨkə we nɨ wɨ̀ kɔndɨ ni tə berɨ, mbɨ bɨrɨ nɨŋ rɨ bɔ.”

Ikan feg

¹⁸ Ane, mbə̀ taŋ zì atog ni zug inug mbe ne mə ghà inən. Bəd ne beri ìmbɔb ighi, mbi biri yètì ighi inɔb. Wə̀d ne chəyi wì beri ighi, ka à ya bè àze kwa kwa ze ne wì kɔ̀ndi gha zìye bèrì, mbi biri niŋ ibo.”

Lk 8:18 Referans Kwoze

Matìyò 13:12

Əton nɨ mɨə ghàm əmbɨ mɨ̀mə̌d ənɨ ɨnû mɨgɨ yɨ ɨmbə̀ʼ ɨghəm nɨ wə̀d we nɨ berɨ ɨghɨ, mbɨ bɨrɨ naʼ mbɨ cherə ɨ bɔ, wɨ̀ sɨ berɨ mbɨ nɔʼ. Àyɨə we nɨ chəi wɨ̀ berɨ əghɨ, ka àbei ɨkə we nɨ wɨ̀ berɨ mbɨ bɨrɨ nɨŋ rɨ bɔ.

Lk 19:26

Wɨ̀ nyaʼa wììrɨ̀ ni, 'Mə ghà ɨ nən ni wə̀d jìm we nɨ berɨ ɨghɨ, mbɨ bɨrɨ naʼ mbɨ cherə ɨ bɔ wɨ̀ sɨ berɨ mbɨ nɔʼ, àyɨə we nɨ chəi wɨ̀ berɨ əghɨ, ka àbei ɨkə we nɨ wɨ̀ berɨ, mbɨ bɨrɨ nɨŋ rɨ bɔ.

Matìyò 25:29

ɨmbə̀ʼ ɨghəm nɨ wə̀d jìm we nɨ berɨ ɨghɨ, mbɨ bɨrɨ naʼ mbɨ cherə ɨ bɔ, wɨ̀ sɨ berɨ mbɨ nɔʼ chè. Àyɨə we nɨ chəi wɨ̀ berɨ ɨghɨ, ka àbei ɨkə we nɨ wɨ̀ berɨ, mbɨ bɨrɨ nɨŋ rɨ bɔ.

Jn 15:2

Məd wɨə sopə rɨtəb jìm te nɨ yeʼ ənɨ ə num, nɨ yeʼ te nɨ chəi tɨə kɔ rɨtam. Məd wɨə bə̀ kwə̀ŋgɨ̀ rɨtəb jìm te nɨə kɔ rɨtam ɨmbə̀ʼ tɨ kɔ nɔʼrɨ.

Mə̀Hibrù 2:1

Tɨ̀ jeŋgɨ zɨ̀ ətu ənɨ ɨnû mbe nɨ tɨ̀ fə zu, ɨmbə̀ʼ tɨ rɨ̀ saŋ a ɨnû mbe sɨə beenɨ yeʼ əbɔʼ ɨnû cherə.

1 Kɔrèn 14:37

Wə̀d mɔʼɔ mɨ kɔndɨ ni tə yɨə wə̀d ɨ̀kə̀n, kɨ̀ ni mɨneʼe mbe nɨ Əzwî ə Zeŋɨ ə nàʼ ɨ mbɨ ɨŋga məd, wɨ̀ kyerɨ ni ənû zɔ̂ nɨ mɨə ŋwàʼnɨ̀ ɨ nən yɨ ɨkə Ə̀nùŋɨ̀sɨg.

1 Kɔrèn 8:2

Chəi wə̀d mɔʼɔ we nɨ kɔndɨ ni tə kyerɨ ənû kɨrɨ kyerɨ ɨchî nɨ tɨ̀ wɨ̀ kə̀ʼ kyerɨ.

1 Kɔrèn 3:18

Tɨ wə̀d mɔʼɔ tambɨ i i ɨnyod. Wə̀d mɔʼɔ rəbɔʼ nən mɨ kɔndɨ ni tə yɨə wə̀d ɨwe, ɨchî nɨ bə̂d rɨŋga ɨsɨg kyerɨ bə̂d ɨwe, wɨ̀ beŋ ənɨ əneŋ ɨmbə̀ʼ wɨ̀ berɨ ɨwe we nɨ Ŋwìə̀ ə nàʼə̀,

Rm 12:3

Ɨchî nɨ Ŋwìə̀ fə ghɨ ɨ̀chɔ̀m ənɨ ə num, mə wɨə ghà əmbɨ wə̀d jìm əkaʼ nən ni tɨ wɨ̀ kɔndɨ i ni tə chè ɨchî nɨ tə yeʼ ə, àyɨə wə̀d jìm kɔndɨ ənû ɨmbə̀ʼ i ɨnyod ɨchî nɨ kuʼnɨ. Wə̀d mɔʼ mɔʼ kɔndɨ beenɨ əbɔʼ ɨchî nɨ Ŋwìə̀ naʼ ɨbenɨ ɨ bɔ.

Ɨ̀fàʼì 17:11

Mɨ̀Jû mbe rɨ ə Berià nyaʼa berɨ fîŋ chɔ̀m chè mbe rɨ ə Tèsàlonikà, ɨmbə̀ʼ ɨghəm nɨ mbɨ nyaʼa nɨŋ ɨŋgam Ŋwiə̀ ənɨ tə fîŋ rɨjìm. Ɨ mbɨə nyaʼə foŋ ɨŋgam Ŋwiə̀ ɨni jìm ɨ zə ni ɨnû mbe nɨ Pɔ̂l nyaʼə ghàə̀ kɨ ɨnû rəsìʼ ə?

Ɨ̀fàʼì 10:33

Ənɨ mə̀ nyaʼa zu əne, mə nyaʼa tom bə̂d əsɨ ne əwu əwən ni mbɨ tɔŋ əwe. À fə kàŋ ghɨ̀ ənû ə chɔ̀m ɨchî nɨ à yeʼe. Tɨ̀nîn tɨ̀ wɨ əgha mbà mɨjìm ɨfě Ŋwiə̀ ɨ zu ɨnû mbe nɨ Ə̀nùŋɨ̀sɨg gha ɨ ne ni à gha ɨ na.”

Lk 9:44

“Mbə̀ zu ɨŋgam wɔ̂ wɨ̀ jeŋgɨ nyɨ ɨŋga mbə ɨtu. Ɨŋgam rəŋgu yɨ ni mbɨ bɨrɨ fen Wan Wə̀d əmbɨ ə bə̂d.”

Fìlipì 3:4

ka à bè yeʼi ni mə berɨ əton nɨ zɨ fîŋ ənɨ ɨnû mbe nɨ bə̂d mɨ̀sɔŋɨchù ə ghɨ̀ə̀. Wə̀d mɔʼɔ mɨ kɔndɨ ni tə berɨ əton nɨ zɨ fîŋ ənɨ ɨnû mbe nɨ bə̂d mɨ̀sɔŋɨchù ə ghɨ̀ə̀, njɨ mə berɨ chè əməd.

Mk 13:14

Yeso nyaʼa ghà ni, “Ənɨ mbə̀ zə əghɨ ze nɨə ghɨ̀ ni bə̂d tibrɨ mbàn Ŋwìə̀, nɨ mbɨ nuŋ əsɨ ze nɨ chəi mbɨ kəʼ berɨ nuŋ əŋgu (ətu ə wə̀d we nɨə foŋ ə zeŋ), əne bə̂d mbe nɨ yeʼ ə Jùdeyà mbɨ norə kɔʼ ɨkaŋ tɨwum.