Lk 8:14 - Meta’

¹⁴ Ɨghɨ mbe nɨ nyaʼa feŋ ɨŋga ɨ̀jə̀ŋɨ̀ yɨə bə̂d mbe nɨ fə zu ɨŋgam we, àyɨə ɨchî nɨ mbɨə yènə̀ wòə̀, ɨnû ɨmbə̀ʼ ɨghɨ rɨŋga ɨsɨg, ənû nɨ zɨ fîŋ ənɨ ɨkab mbɨ ɨnû nɨ ghɨ ɨnû mbe nɨ nyamnyod ə feenɨə, mbɨ yeʼe nib ɨghɨ mbe, ghɨ̀ chəi ɨbenɨ mɨ̀mə̌d kaanə.

Ikan feg

¹⁴ Titam te ne ya fendi inga ìjə̀ŋì ya chwìye bəd ne zughi Ìngam Ŋwiye bḛ. Si ya gha, icheg ne nyùmə̀ we chè, anug ni nwìʼì nyɔd imbə̀ʼ ighi igun isəg tì anug ni nwìʼì nyɔd imbə̀ʼ ikab fɔrɔ anug ne ghì ighi mbe ne nyàmnyɔd ze ghə̀ʼrə̀ ya kɔ̀rɔ awɔb bə̀ ghìyə̀ chəyi mbɔb mbe kwèghe kà ane anug Ŋwiye.

Lk 8:14 Referans Kwoze

1 Timotì 6:17

À yeʼ ɨmbə̀ʼ bə̂d mbɔ̂n mbe nɨ yeʼ ɨŋga ɨsɨg wɔ̂, gha əmbɨ mɨ̀mə̌d ni tɨ mbɨ nɔ ə ɨnyod, kɨ̀ bè nùŋ tə rɨkɔndɨ ɨgun mbɔ̂n ze nɨə che i che. Mbɨ nuŋ rɨkɔndɨ yeʼ ɨgun ə Ŋwìə̀ we nɨə nàʼ ɨghɨ ɨ na ə̀bù-ə̀bù. Ɨ wɨə nàʼ ɨmbə̀ʼ tɨ chub ɨchî chɔ̀m.

Mk 4:19

ənû nɨ nwiʼ ɨnyod ɨmbə̀ʼ ɨghɨ rɨŋga ɨsɨg, ənû nɨ berɨ mbɔ̂n, fɔrɨ ənû nɨ feenɨ ɨghɨ nɔnɔʼ, mbɨ fumnɨ ɨŋgam we, chəi wɨ kɔ rɨtam.

Matìyò 13:22

Ɨghɨ mbe nɨ nyaʼa feŋ ɨŋga ɨ̀jə̀ŋɨ̀ yɨ ɨghabɨ bə̂d mbe nɨ zu ɨŋgam Ŋwiə̀, əne ənû nɨ nwiʼ ɨnyod ɨmbə̀ʼ ɨghɨ rɨŋga ɨsɨg mbɨ ənû nɨ berɨ mbɔ̂n, mbɨ fumnɨ ɨŋgam we, chəi wɨ kɔ rɨtam.

Lk 21:34

“Mbə̀ we ə ni tɨ mbə̀ zɨ ə tə fîŋ ənɨ ənû nɨ jɨg əku, ənɨ ənû nɨ nɔ be bə̀ fɔrɨ ənɨ ənû ɨmbə̀ʼ ɨghɨ rɨŋga ɨsɨg, njɨ əni ze ə bɨrɨ saʼ yeʼe ɨgwɨ nən ɨchî nɨ ətam ə gywɨ̀ə̀ nyam,

Lk 8:7

Tɨ̀ mɔʼɔ nyaʼa feŋ ɨŋga ɨ̀jə̀ŋɨ̀. Ɨ̀jə̀ŋɨ̀ we nyaʼa kwi nib ɨghɨ mbe.

2 Timotì 4:10

ɨmbə̀ʼ ɨghəm nɨ Demàs fə waʼ əmɨ wo əwi ə Tèsàlonikà. Wɨ̀ fə wò əŋgu ɨmbə̀ʼ ɨghəm nɨ wɨ̀ ghaʼ ɨnû rɨŋga ɨsɨg wɔ̂. Kresèn fə wò ə Gàlesià. Taitùs fə bə̀ wò ə Dalmatià.

Jn 15:6

Wə̀d mɔʼɔ we nɨ chəi wɨ̀ chub ənɨ ənû ə mɔʼ mbɨ num, mbɨ sob əməd waʼ ɨchî nɨ mbɨə waʼ fɨtəb zobɨ. Bə̂d bɨrɨ fetɨ rɨtəb zobɨ te màʼ ɨŋga ɨwid tɔ̀n.

Lk 16:13

“Chəi wə̀d ə̀fàʼì mɔʼɔ nɨ tɨ̀ wɨ̀ fàʼ əmbɨ mɨ̀mbǎʼ ə̀fàʼì mɨ̀be, ɨmbə̀ʼ ɨghəm nɨ wɨ̀ bɨrɨ ban wɨ fibɨ̀ ghaʼ wɨ cherə, kɨ wɨ̀ fàʼ ənɨ i fîŋ jìm əmbɨ wɨ fibɨ̀ tə̀ə̀nɨ̀ wɨ cherə. Chəi ənɨ tɨ̀ à fàʼ əmbɨ ə Ŋwiə̀ bə̀ fàʼ nɨ berɨ mbɔ̂n əwu əwən.”

Lk 8:13

Ɨghɨ mbe nɨ nyaʼa feŋ ɨgun ɨwɔ̌ yɨə bə̂d mbe nɨ ənɨ mbɨ fə zu ɨŋgam we, mbɨ nɨŋ ənɨ ɨghaʼi. Àyɨə chəi wɨ nyɨ ɨŋga fîŋ tɨ mɨ̀mə̌d. Ɨ mbɨə ben ɨŋgam we ənɨ ɨkə nyùmə̀, àyɨə ənumbɨ ə mɨ yeʼe, mbɨ chɨ̀ tə fîŋ tɨ ənɨ ənû ze nɨ mbɨ benɨ.

Lk 8:15

Ɨghɨ mbe nɨ nyaʼa feŋ ɨŋga si chɔ̀m, yɨə bə̂d mbe nɨ ənɨ mbɨ zu ɨŋgam we, mbɨ yim wɨ kàànɨ ɨŋga tə fîŋ te nɨ zeŋɨ bə̀ bɔ̀ŋ, əne yim fîŋ pè ənɨ mbɨ ghɨ ɨnû mbe nɨ Ŋwìə̀ kə̀bɨ.

Mə̀Hibrù 6:1

Tɨ̀ saŋ ɨnû mbe nɨ tɨ̀ nyaʼa be kwembɨ ɨmbə̀ʼ ə Kristo, əne wò ɨmbì kwembɨ mbe nɨ fə kaanɨ. Tɨ rɨ wɨrɨ gha a ɨnû rɨtu mbe ni bə̂d beŋ tə fîŋ tɨ ənɨ ɨnû mbe nɨə zwiirɨə bə̂d mbɨ ni bə̂d nuŋ fîŋ ɨgun ə Ŋwiə̀.