Lk 7:47 - Meta’

⁴⁷ Əne mə wɨə ghà ɨ ne ni, mbɨ fə waʼ ɨnû rɨbɔ̀ŋ məd mbe nɨ nyaʼa kaŋ nɔʼ, ɨmbə̀ʼ ɨghəm nɨ wɨ̀ bə chwi ɨghaʼi nɔnɔʼ. Àyɨə wə̀d we nɨ mbɨ waʼ ɨnû rɨbɔ̀ŋ məd rɨpiî bɨrɨ bɨ chwi àmei ɨghaʼ rɨpiî.”

Ikan feg

⁴⁷ Ane, àghò kyeri gha àkɔ̀ŋì azo̰ ne məd chwi anìŋ fə ghì gha mə̀ waʼ inug tibɔ̀ŋ məd ijìm. Wə̀d ne mbi waʼi inug tibɔ̀ŋ məd məyi iki piʼì, ya bə̀ chwìye àkɔ̀ŋì məyi iki piʼì.”

Lk 7:47 Referans Kwoze

1 Jɔn 4:19

Tɨ̀ wɨə ghaʼə Ŋwiə̀ ɨmbə̀ʼ ɨghəm nɨ məd ziə nyaʼa bè ghaʼ əwa.

1 Jɔn 3:18

Mbɨ bɔn nɨ mə̀ ghaʼi kwàʼ rɨŋgəʼ, tɨ rɨ̀ ghaʼ a bə̂d àmei ənɨ ɨŋgam bə̀ fɔrɨ ənɨ ɨchù. Tɨ̀ berɨ chwi ənɨ ta rɨghɨrɨ-ɨnû bə̀ fɔrɨ ənɨ rəsìʼ we nɨ tɨə ghàə̀ ni tɨ̀ ghaʼ mɨ̀mə̌d.

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

Rm 5:20

Tɨkə nyaʼa yeʼe ɨ ghɨ ni ɨnû rɨbɔ̀ŋ nɔʼ. Àyɨə əsɨ ze nɨ ɨnû rɨbɔ̀ŋ nɔʼɔ, ɨ̀chɔ̀m Ŋwiə̀ bɨrɨ nɔʼ chè,

Efesùs 6:24

Ŋwìə̀ ghɨ ɨ̀chɔ̀m ənɨ ə bə̂d mɨjìm mbe nɨ ghaʼ a Ə̀nùŋɨ̀sɨg Yeso Kristo mbɨ ɨkwɨ ɨghaʼi we nɨ ka wɨ bɨrɨ nɔ mi i.

1 Jɔn 5:3

Ɨ ghaʼ ə Ŋwìə̀ ə chwiə ni tɨ̀ berɨ nuŋ tɨkə rɨ məd. Chəi tɨkə te jeŋgɨ se ɨ na nɨ nuŋ,

1 Timotì 1:14

À Ə̀nùŋɨ̀sɨg nyaʼa ghɨ̀ ɨ̀chɔ̀m ənɨ ə num wɨ swi sɨə gwèə̀. Wɨ̀ nyaʼa bə̀ nàʼ ɨbenɨ ɨ num bə̀ ghɨ̀ ni ɨghaʼi swi ɨŋga mɨ fîŋ ɨchî nɨ mə̀ yeʼ ənɨ ɨfɔtɨ mbɨ Kristo Yeso.

Fìlipì 1:9

Mə wɨə kɔ̀ŋgɨ̀ ə Ŋwiə̀ ni mbə̀ ghaʼ mbə bɔŋgɔb wò ɨmbì. Mə wɨə bə̀ kɔ̀ŋgɨ̀ə̀ ni mbə̀ kyerɨ rəsìʼ ɨmbə̀ʼ ə Ŋwiə̀ bə̀ kyerɨ ɨkwepɨ rəbɔʼ ɨnû chɔ̀m mbɨ ɨnû rɨbɔ̀ŋ,

Ɨ̀fàʼì 5:31

Ŋwìə̀ nyaʼa nɔ əməd nùŋ ənɨ e əbà əbɔ ə jɨgɨ ni wɨ̀ chub ənɨ Ə̀chà bə̂d fɔrɨ ənɨ Wə̀d nɨə chɨ̀ə̀ bə̂d rəŋgəʼ, ɨmbə̀ʼ wɨ̀ ghɨ ni mɨ̀Izre beŋ tə fîŋ, Ŋwìə̀ waʼ ɨnû rɨbɔ̀ŋ mɨ̀mə̌d.

1 Jɔn 1:7

Tɨ̀ mɨ yeʼ ɨŋga ɨzeŋɨ zeŋɨ, ɨchî nɨ məd ziə bə yeʼ ɨŋga ɨzeŋɨ zeŋɨ, njɨ tɨ̀ wɨ ənɨ ɨfɔtɨ mbǎ mbǎ, əne ənəm ə Yeso, Wan məd, ə zɨə sò mba ɨnû rɨbɔ̀ŋ jìm.

Lk 7:39

Ənɨ Farisiî we nɨ nyaʼa tɔŋ ə Yeso nyaʼa zə ənû ze, wɨ̀ nyaʼa ghà ɨŋga i fîŋ ni, “Mbaŋə̀ zɔ̂ mɨ kàŋ kə̀ʼ yeʼ wə̀d ɨ̀kə̀n Ŋwìə̀, njɨ wɨ̀ kyerɨ əyi wɔ̂ nɨə bètɨ̀ əməd bə̀ kyerɨ ɨkwɨ əyi we nɨ wɨ̀ yeʼ wɨwən, ɨmbə̀ʼ ɨghəm nɨ əyi wɔ̂ wɨə ghɨ̀ ɨnû rɨbɔ̀ŋ.”

Matìyò 10:37

“Wə̀d mɔʼɔ we nɨ ghaʼ i mbǎʼ kɨ̀ i nɨŋ chè əmɨ, rɨka kùʼ i nɨ yeʼ mɨ ə̀mə̀ə̀nɨ̀-ɨnû. Wə̀d mɔʼɔ we nɨ ghaʼ i wan mbaŋə̀ kɨ̀ i wan əyi chè əmɨ, rɨka kùʼ i nɨ yeʼ mɨ ə̀mə̀ə̀nɨ̀-ɨnû.

2 Kɔrèn 5:14

Əghɨ ze nɨə tin əwa yɨ ɨghaʼi we nɨ Kristo ghaʼ əwa. Tɨ̀ kyerɨ əne ɨmbə̀ʼ ɨghəm nɨ wə̀d mɔʼ nyaʼa kwɨ ɨgwɨ ətu ə bə̂d mɨjìm, əne bə̂d mɨjìm fə bə̀ kwɨ.

Lk 7:46

Chəi à zɔʼ mɨ ətu ənɨ mɨwud, àyɨə wɨ̀ fə zɔʼ mbɨ ɨwu ənɨ mɨwud nɨə nyùʼrɨ ɨfɔ chɔ̀m.

Lk 7:48

Wɨ̀ nyaʼa ghɨ əne, ghà əmbɨ əyi we ni, “Mə fə waʼ mbe ɨnû rɨbɔ̀ŋ.”