Lk 7:13 - Meta’

¹³ Ənɨ Ə̀nùŋɨ̀sɨg nyaʼa zə əməd, wɨ̀ nyaʼa kə̀n ənɨ məd ghà ɨ bɔ ni, “Tɨrə̀ dì e.”

Ikan feg

¹³ Anyumə̀ ne Anɔŋisəg ya bàri àyi we, wì ya bèrì àsɔ̀mnəfiŋ igun məd. Wì ya ghà ibo gha, “Imbə̀ʼ àghò dèghe awe.”

Lk 7:13 Referans Kwoze

Mə̀Hibrù 4:15

Chəi tɨ̀ berɨ ətu ɨgwɨ ə bə̂d mbàn Ŋwìə̀ nɨ chəi ənɨ tɨ̀ wɨ̀ kən ɨmbə̀ʼ ɨchî nɨ tɨ̀ bɔrɨ. Tɨ̀ berɨ yeʼ we nɨ mbɨ nyaʼa numbɨ əməd ənɨ mɨ̀nə̂njɨ̀ jìm ɨchî nɨ mbɨə bə̀ numbɨ əwa, àyɨə chəi wɨ̀ nyaʼa ghɨ̌ ənû rɨbɔ̀ŋ.

Lk 8:52

Bə̂d mɨ̀jìm mbe nɨ nyaʼa əŋgu mbɨə nyaʼə zə̀ʼə̀, dìə̀ wan we. Àyɨə Yeso nyaʼa ghà əmbɨ mɨ̀mə̌d ni, “Tɨ mbə̀ zəʼ ə ɨmbə̀ʼ ɨghəm nɨ chəi wɨ̀ kɨrɨ kwɨ. Ɨ wɨə gwenɨ i gwenɨ.”

Mə̀Hibrù 2:17

À yɨ əton nɨ wɨ̀ nyaʼa berɨ yeʼ ɨghabɨ mbi bɔŋgɔb ənɨ ɨnû jìm, ɨmbə̀ʼ wɨ̀ yeʼ ətu ɨgwɨ ə bə̂d mbàn Ŋwìə̀. Ɨ wɨə dììrɨ̀ə̀ bə̂d bə̀ fàʼ əmbɨ ə Ŋwiə̀ ənɨ i fîŋ jìm. Ɨ wɨə ghɨ̀ əne ɨmbə̀ʼ Ŋwìə̀ waʼ ɨnû rɨbɔ̀ŋ bə̂d.

Jn 20:15

Yeso nyaʼa biirɨ ɨ bɔ ni, “Əyî, à kɨə zə̀ʼ ə ye ə? À kɨə bə̀ kə̀bə̀ we ə?” Mèri nyaʼa kɔndɨ əzi ni à yɨə wə̀d we nɨ berɨ mbeŋ ze, əne wɨ̀ nyaʼa ghà ɨ bɔ ni, “Masà, à mɨ yeʼ nɨ à yɨ àwɔ̀ beʼ əməd wò, gha əsɨ ze nɨ à nuŋ əməd əŋgu ɨmbə̀ʼ mə wò nɨŋ əməd.”

Mk 8:2

“Mə wɨə kàŋə̀ kə̀n ɨmbə̀ʼ ɨnɔ̂n bə̂d wɔ̂, ɨmbə̀ʼ ɨghəm nɨ mbɨ fə chubɨ mbɨ num ɨni tad, əne chəi mbɨ wɨrɨ berɨ əghɨ ə mɔʼɔ nɨ tɨ̀ mbɨ jɨg.

Jn 11:2

Mèri we nɨ nobɨ məd nɨ nyaʼə Lazarɔ̀s nyaʼə wɔ̀nə̀ yɨ we nɨ nyaʼa zɔʼ Ə̀nùŋɨ̀sɨg ənɨ mɨwud bə̀ fu ɨwu məd ənɨ ti nyôŋ rɨ ətu.

Lk 24:34

Mbɨ nyaʼa ghà əmbɨ ə mbaŋə̀ te rɨ̀be ni, “À yɨ rəsìʼ ni Ə̀nùŋɨ̀sɨg fə zwemə! Wɨ̀ fə chwi i ɨnyod əmbɨ Saimòn!”

Lk 17:5

Bə̂d tom Ə̀nùŋɨ̀sɨg nyaʼa ghà ɨ bɔ ni, “Ghɨ ni à ɨbenɨ kaanə!”

1 Kɔrèn 7:30

Bə̂d mbe nɨə dìə̀ chub ɨghabɨ ni chəi mbɨə dìə̀, mbe nɨə ghaʼə chub ɨghabɨ ni chəi mbɨə ghaʼə, mbe nɨə zon ɨghɨ chub ɨghabɨ ni chəi mbɨ berɨ ɨghɨ,

Jn 20:13

Mbɨ nyaʼa biirɨ ɨ bɔ ni, “Əyî, à kɨə zə̀ʼ ə ye ə?” Wɨ̀ nyaʼa wììrɨ̀ əmbɨ mɨ̀mə̌d ni, “Mbɨ fə chɨ̀ mɨ Ə̀nùŋɨ̀sɨg, əne chəi mə kyerɨ əsɨ ze nɨ mbɨ nuŋ əməd əŋgu.”

Lk 13:15

Ə̀nùŋɨ̀sɨg nyaʼa wììrɨ̀ ɨ bɔ ni “Mbə yɨ ɨbekɨ bə̂d! Ɨmbə̀ʼ wə̀d mɔʼ mɔʼ rəbɔʼ nən wɨə zà əzi rɨkun kɨ̀ i jàkas rɨŋga ɨkam əni əkwɨ, wò chà ni zɨ̀ nɔ mɨnib ə?

Lk 10:1

Ənɨ mbɨ nyaʼa maanɨ rɨ əwɔ, Ə̀nùŋɨ̀sɨg nyaʼa chɔʼ bə̂d ɨwum sambe chɔ̀b rɨ̀be, əne tom mɨ̀mə̌d mɨbe mɨbe ni mbɨ wo ɨmbì ɨ bɔ ɨŋga ɨsɨ jìm mbe nɨ məd ziə nyaʼa berɨ wo əŋgu.

Lk 7:19

Əne wɨ̀ nyaʼa tɔŋ mɨ̀mə̌d mɨbe, tom mɨ̀mə̌d əsɨ Ə̀nùŋɨ̀sɨg ni mbɨ biirɨ ɨ bɔ ni, “Àwɔ̀ wa kɨə wə̀d we nɨ bə̂d ɨ̀kə̀n Ŋwiə̀ nyaʼə ghàə̀ ni wɨ̀ bɨrɨ yeʼe, kɨ̀ rɨ̀ wa wom wɨ cherə ə?”

1 Tèsàlonikà 4:13

Mba bɔŋgɔb, tɨ̀ kə̀b ni mbə̀ kyerɨ rəsìʼ ɨmbə̀ʼ bə̂d mbe nɨ fə kwɨ, ɨmbə̀ʼ tɨ mbə kən ə ɨghabɨ ə bə̂d nɨ chəi mbɨ nuŋ ɨkɔndɨ ni mbə bɨrɨ chubɨ mbɨ ə Ŋwiə̀.

Lk 22:61

Ə̀nùŋɨ̀sɨg nyaʼa bèŋ neŋ ə Pità əwu əwən. Əne Pità nyaʼa kɔndɨ ɨŋgam Ə̀nùŋɨ̀sɨg, ɨchî nɨ wɨ̀ nyaʼa gha ɨ bɔ ni, “Bɔŋ ɨnoŋgub sɨə tɔŋə, rə̀chɔ̀ŋ à bɨrɨ fə ton əmɨ ɨghəm tad.”

Lk 7:12

Ənɨ wɨ̀ nyaʼa sɨə wò pe ɨban ɨchû ɨkam we nɨə nyɨ ɨŋga əsɨ ze, wɨ̀ nyaʼa zə ənɨ mbɨ nyaʼə bèʼ əvɨ ə wə̀d mɔʼɔ jwɨ̀ə̀ mbɨ əzɨ əwən. Mbaŋə̀ ze nɨ nyaʼa kwɨ yɨə nyaʼa àmei wan we mɔʼ əmbɨ i nɨŋ, nɨ nyaʼa ɨku əyi. Ɨnɔ̂n bə̂d nɨ nyaʼa kwàʼ wɨ kyeŋ nyaʼə beenɨ əbɔʼ ɨku əyi we.

Lk 7:14

Ənɨ wɨ̀ nyaʼa ghà əne, wɨ̀ nyaʼa wò bètɨ̀ ɨkon we nɨ mbɨ nyaʼa beʼ əvɨ ə wə̀d ze ɨgun. Bə̂d mbe nɨ nyaʼa bèʼ ɨkon we nyaʼa təm. Əne wɨ̀ nyaʼa ghà ni, “Əjɔŋ, mə ghà ɨ ne ni nɔʼ rətiə!”

Lk 11:1

Yeso wɨə nyaʼə kɔ̀ŋgɨ̀ ə Ŋwiə̀ əsɨ ə mɔʼɔ. Ənɨ wɨ̀ nyaʼa màànɨ, ə̀mə̀ə̀nɨ̀-ɨnû məd mɔʼɔ nyaʼa ghà ɨ bɔ ni, “Ə̀nùŋɨ̀sɨg, chwi ɨchî nɨ mbɨə kɔ̀ŋgɨ̀ ə Ŋwiə̀ ɨ na, àmei ɨchî nɨ Jɔ̌n nyaʼa chwi əmbɨ mbi mə̀mə̀ə̀nɨ̀-ɨnû.”

Lk 11:39

Əne Ə̀nùŋɨ̀sɨg nyaʼa ghà ɨ bɔ ni, “Tɨ̀nîn mbə̀nə mɨ̀Farisiî mbɨə sòə̀ njìm toʼ bə̀ sòə̀ njìm əkaŋ, àyɨə tə fîŋ ə swi mbɨ əjə fɔrɨ ɨnû ɨzɨg.

Lk 12:42

Ə̀nùŋɨ̀sɨg nyaʼa wììrɨ̀ ni, “Wə̀d ə̀fàʼì we nɨə fàʼ ənɨ i fîŋ jìm bə̀ berɨ ɨwe, nɨ mbǎʼ ə̀fàʼì məd nuŋ ni wɨ̀ nəŋgɨ mbi bə̂d ə̀fàʼì, bə̀ nàʼ ɨghɨjɨg əmbɨ mɨ̀mə̌d ənɨ ə nyùmə̀ kuʼu kɨ wi ə?

Lk 17:6

Ə̀nùŋɨ̀sɨg nyaʼa wììrɨ̀ əmbɨ mɨ̀mə̌d ni, “Mbə mɨ kəʼ berɨ ɨbenɨ nɨ kə ɨghabɨ sǎm ə̀wɔ̀mɨ, njɨ mbə mbe tɨ mbə̀ ghà əmbɨ əzed ə sikamò zɔ̂ ni, 'Chɔʼ rɨ ə si wò kon e ɨŋga rɨ̀bàà,' əne zɨə bɨrɨ zuunɨ əwən.”

Lk 18:6

Ə̀nùŋɨ̀sɨg nyaʼa ghà ni, “Mbə̀ zu ənû ze nɨ əsob mɨ̀sàʼi rɨbɔ̀ŋ we ə ghàə̀.

Lk 19:8

Sàkiò nyaʼa nɔ̀ʼ təm rətiə ghà əmbɨ Ə̀nùŋɨ̀sɨg ni, “Masà, zə, mə bɨrɨ naʼ əba rɨ ənɨ mbɨ ɨghɨ əmbɨ ə bə̂d ɨkwaŋ. Mə mɨ fə fɨ̀g wə̀d mɔʼɔ, mə bɨrɨ wì ɨghəm kwè.”

Lk 24:3

Àyɨə ənɨ mbɨ nyaʼa nyɨ ɨŋga, chəi mbɨ nyaʼa zə əvɨ ə Yeso.

Jn 4:1

Mɨ̀Farisiî nyaʼa zu ni bə̂d mɨ̀nɔnɔʼ mbɨə nyaʼə beenɨ əbɔʼ ə Yeso. Mbɨ nyaʼa bə̀ zu ni ɨ wɨə nyaʼə nàʼə̀ mɨnib əmbɨ ə bə̂d mɨ̀nɔnɔʼ chè ə Jɔ̌n,

Jn 6:23

Ɨbaŋ ɨgyɨ̀ mɔʼɔ rɨ ə Tìberiàs nyaʼa wo təm ɨban əsɨ ze nɨ Yeso nyaʼa nɨŋ ŋgə̀ŋ, kɔŋgɨ ə Ŋwiə̀, nàʼ əmbɨ ɨnɔ̂n bə̂d we ni wɨ̀ jɨg.

Jn 11:3

Məyi mbɔ̂ mɨbe nɨ nyaʼə bɔŋgɔb nyaʼa tom ɨkə̂n əmbɨ Yeso ni, “Ə̀nùŋɨ̀sɨg, e sə̀ʼ we nɨ à kaŋ ghaʼ wɨə wɔ̀nə̀.”