Lk 6:42 - Meta’

⁴² Kɨ̀ tɨ̀ à ghà əmbɨ we aŋgɔb ni, 'Aŋgɔb, sɨ mə chɨ əchəb əghɨ ze nɨ yeʼ ɨŋga e ɨghə,' nɨ chəi àwɔ̀ ə zə əkwirɨ ɨwəŋ ze nɨ yeʼ ɨŋga we ə? Àwɔ̀ yɨ əbekɨ ə wə̀d! Fə be chɨ̀ əkwirɨ ɨwəŋ ze nɨ yeʼ ɨŋga e ɨghə, əne à bɨrɨ zə ɨsɨ ɨchî chɔ̀m bɔŋ chɨ əchəb əghɨ ze nɨ yeʼ ɨŋga ɨghə we aŋgɔb.

Ikan feg

⁴² Tì àghò ghà abə ìwe ifi gha, ‹Ìmə ifi, si mə chìye achəpi aghi ine inga ighə›, ne akwiri iŋwen yaʼi ine inga ìwe tì ighə? Àghò wə̀d àbèmni inug, àghò fə bi chì akwiri iŋwen ne yaʼi ine inga ìwe tì ighə, bɔŋ kə si bàd icheg ni chì achəpi aghi ne yaʼi inga ighə abə ìwe ifi.”

Lk 6:42 Referans Kwoze

2 Pità 1:9

Wə̀d mɔʼɔ we nɨ chəi wɨə ghɨ̀ ɨnû mbɔ̂ yɨ ɨghabɨ ə wə̀d we nɨ chəi wɨə zə ɨsɨ ɨchî chɔ̀m. Wɨ̀ yɨə bə̀ ɨghabɨ ɨfɨgɨ. Wɨ̀ fə neb ni Ŋwìə̀ nyaʼa fə zeŋnɨ əwi tɨ ənɨ ɨnû rɨbɔ̀ŋ ə nun.

2 Timotì 2:21

Wə̀d mɔʼɔ mɨ zeŋnɨ i ɨnyod waʼ mbi ɨnû rɨbɔ̀ŋ, wɨ̀ bɨrɨ yeʼ ɨghabɨ əkaŋ ze nɨ Ŋwìə̀ bɨrɨ nɨŋ fàʼ mbɨ əzɨ əwən əni ənû. Wɨ̀ bɨrɨ fə zeŋ màànɨ̀. Əne Mbǎʼ ə̀fàʼì məd bɨrɨ nɨŋ əməd fàʼ mbɨ məd ɨchî nɨ wɨ̀ fə tekɨ i ɨnyod nɨ ghɨ ɨnû chɔ̀m jìm.

2 Kɔrèn 5:18

Ɨnû mbɔ̂ jìm yɨ rɨ əmbɨ ə Ŋwiə̀. Wɨ̀ nyaʼa chè ənjìm ə Kristo màànɨ̀ taŋ mbɨ na. Wɨ̀ fə nàʼ ə̀fàʼì ze nɨ maanɨ taŋ ɨ na ni tɨ̀ sɨə fàʼə̀.

Rm 2:1

Kɨ̀ àwɔ̀ kɨə we, tɨrə̀ ghà e ni, “Chəi mə̀ kəʼ kyerɨ” ənɨ àwɔ̀ ə sob mɨsaʼi bə̂d cherə. Àyɨə kyerɨ ni ənɨ àwɔ̀ ə sob ɨsaʼi wə̀d cherə, à wɨə zɨ̀ ɨsaʼi ɨgwɨ ne, ɨmbə̀ʼ ɨghəm nɨ àwɔ̀ we nɨə sob mɨ̀sàʼi wɨə ghɨ̀ àmei ɨnû mbe nɨ məd ə bə̀ ghɨ̀ə̀.

Ɨ̀fàʼì 13:10

“Àwɔ̀, wan Debɨ̀rə̀! À bàn ɨnû jìm mbe nɨ kùʼnɨ̀. À berɨ mɨnə̂njɨ̀ jìm nɨ tambɨ bə̂d. Ɨnû rɨbɔ̀ŋ bə̀ swi ɨŋga e fîŋ. Ka à wa bɨrɨ sob e nɨ beŋ ɨnû chɔ̀m mbe nɨ Ə̀nùŋɨ̀sɨg ə ghɨ̀ə̀ ə?

Ɨ̀fàʼì 8:21

Chəi à berɨ əba kɨ̀ rɨmbin ɨŋga ə̀fàʼì zɔ̂, ɨmbə̀ʼ ɨghəm nɨ chəi e fîŋ kuʼ ɨfě Ŋwiə̀.

Ɨ̀fàʼì 2:38

Pità nyaʼa wììrɨ̀ əmbɨ mɨ̀mə̌d ni, “Wə̀d mɔʼ mɔʼ rəbɔʼ nən beŋ i fîŋ, nɨŋ mɨnib ənɨ ɨkum Yeso Kristo, ɨmbə̀ʼ Ŋwìə̀ waʼ mbə ɨnû rɨbɔ̀ŋ. Mbə mɨ ghɨ̀ əne, mbə bɨrɨ berɨ ɨneʼe nɨ yeʼ Əzwî ə Zeŋɨ.

Lk 22:32

Àyɨə mə fə kɔ̀ŋgɨ̀ ə Ŋwiə̀ ɨgwɨ ne ni tɨ e ɨbenɨ bɔd i. Ənɨ à wɨrɨ bèŋ e fîŋ ben əmɨ, à ghɨ̀ ni fîŋ tɨ mbe bɔŋgɔb wɨrɨ kàànɨ̀.”

Lk 13:15

Ə̀nùŋɨ̀sɨg nyaʼa wììrɨ̀ ɨ bɔ ni “Mbə yɨ ɨbekɨ bə̂d! Ɨmbə̀ʼ wə̀d mɔʼ mɔʼ rəbɔʼ nən wɨə zà əzi rɨkun kɨ̀ i jàkas rɨŋga ɨkam əni əkwɨ, wò chà ni zɨ̀ nɔ mɨnib ə?

Matìyò 26:75

Əne Pità nyaʼa kɔndɨ ɨŋgam we nɨ Yeso nyaʼa gha ɨ bɔ ni, “Bɔŋ ɨnoŋgub sɨə tɔŋə, à bɨrɨ fə ton əmɨ ɨghəm tad.” Ənɨ wɨ̀ nyaʼa kɔndɨ əne, wɨ̀ nyaʼa jwɨ̀ wò ɨsɨg chweŋ mɨsɨ kwàʼ rɨŋgəʼ.

Matìyò 7:3

Əton nɨ àwɔ̀ ə zə əchəb əghɨ ze nɨ yeʼ ɨŋga ɨghə we aŋgɔb, àyɨə chəi àwɔ̀ ə zə əkwirɨ ɨwəŋ ze nɨ yeʼ ɨŋga e ɨghə kɨ ɨmbə̀ʼ ə yè ə?

Matìyò 7:4

Kɨ̀ tɨ à ghà əmbɨ we aŋgɔb ni, 'Sɨ mə chɨ əchəb əghɨ ze nɨ yeʼ ɨŋga e ɨghə', nɨ əkwirɨ ɨwəŋ ə yeʼ ɨŋga we ə?

Lk 6:41

“Əton nɨ àwɔ̀ ə zə əchəb əghɨ ze nɨ yeʼ ɨŋga ɨghə we aŋgɔb, àyɨə chəi àwɔ̀ zə əkwirɨ ɨwəŋ ze nɨ yeʼ ɨŋga e ɨghə kɨ ɨmbə̀ʼ ə ye ə?

Lk 6:43

“Chəi əzed ə chɔ̀m ə kɔ rɨtam rɨbɔ̀ŋ. Chəi əzed rɨbɔ̀ŋ ə bə̀ kɔ rɨtam chɔ̀m.