Lk 6:24 - Meta’

²⁴ Àyɨə ŋgəʼ kyeŋ bɨrɨ nyɨ ɨgwɨ nən, mbə̀n mbe nɨ berɨ mbɔ̂n, ɨmbə̀ʼ ɨghəm nɨ mbə̀ fə berɨ ɨghɨ mbe nɨə ghɨ̀ə̀ ni mbə̀ chub ɨŋga chɔ̀m.

Ikan feg

²⁴ Yeso ya bə̀ gha, “Ngəʼ kyen biri nyi igun inən mbə̰ mbe ne àzən yaʼi angu, imbə̀ʼ icheg ne mbə̰ fə jəg ìwən ìchɔ̀mì.

Lk 6:24 Referans Kwoze

1 Timotì 6:17

À yeʼ ɨmbə̀ʼ bə̂d mbɔ̂n mbe nɨ yeʼ ɨŋga ɨsɨg wɔ̂, gha əmbɨ mɨ̀mə̌d ni tɨ mbɨ nɔ ə ɨnyod, kɨ̀ bè nùŋ tə rɨkɔndɨ ɨgun mbɔ̂n ze nɨə che i che. Mbɨ nuŋ rɨkɔndɨ yeʼ ɨgun ə Ŋwìə̀ we nɨə nàʼ ɨghɨ ɨ na ə̀bù-ə̀bù. Ɨ wɨə nàʼ ɨmbə̀ʼ tɨ chub ɨchî chɔ̀m.

Matìyò 6:2

“Əne ənɨ àwɔ̀ ə nàʼ ɨghɨ əmbɨ wə̀d ŋgəʼ, tɨrə̀ fə e tàŋ ɨchî nɨ ɨbekɨ bə̂d ə ghɨ̀ ɨŋga nəb tɨ ə̀kàtɨ̀ bə̀ ghɨ̀ ɨtu ɨzib. Ɨ mbɨə ghɨ̀ əne ɨmbə̀ʼ bə̂d yiirɨ mɨ̀mə̌d. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Jems 2:6

Àyɨə mbə fə tìbrɨ̀ wə̀d ɨkwaŋ. Kaʼ à wa kɨ i bə̂d mbɔ̂n mbe ə nyèm əwən ə? Kaʼ à wa kɨ i mɨ̀mə̌d ə sùŋ əwən nɨŋə wò ɨŋga nəb ɨsaʼi ə?

Matìyò 6:16

“Ənɨ mbə̀ chub rɨ jɨg, tɨ mbə̀ ghɨ ə ɨghabɨ ə bə̂d nɨə kə̀nə̀, ɨchî nɨ ɨbekɨ bə̂d ə ghɨ̀ə̀. Ɨ mbɨə ŋgɨ̀ndɨ̀ tə rɨfě ɨmbə̀ʼ bə̂d zə ni ɨ mbɨə chubə rɨ jɨg. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Matìyò 6:5

“Ənɨ mbə̀ə kɔ̀ŋgɨ̀ ə Ŋwiə̀, tɨ mbə̀ ghɨ ə ɨghabɨ ɨbekɨ bə̂d. Ɨ mbɨə ghaʼə nɨ təm ɨŋga nəb tɨ ə̀kàtɨ̀ bə̀ fɔrɨ ɨban ɨnə̂njɨ̀ bɔŋ kɔŋgɨ ə Ŋwiə̀. Ɨ mbɨə ghɨ̀ əne àmei ɨmbə̀ʼ bə̂d zə mɨ̀mə̌d. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Lk 6:25

Ŋgəʼ kyeŋ bɨrɨ nyɨ ɨgwɨ nən, mbə̀n mbe nɨ fə jɨg kod rɨ̀nîn, ɨmbə̀ʼ ɨghəm nɨ njì rɨ bɨrɨ kɨrɨ zaŋ əwən. Ŋgəʼ kyeŋ bɨrɨ nyɨ ɨgwɨ nən, mbə̀n mbe nɨə chəʼə rɨ̀nîn, ɨmbə̀ʼ ɨghəm nɨ mbə bɨrɨ kə̀nə̀ bə̀ dì.