Lk 6:20 - Meta’

²⁰ Yeso nyaʼa nɔ̀ɔ̀rɨ̀ əghə nèŋ mbi mə̀mə̀ə̀nɨ̀-ɨnû ghà ni, “Ŋwìə̀ zɨ əbɔrəbɔd ɨgwɨ nən, mbə̀n bə̂d ɨkwaŋ, ɨmbə̀ʼ ɨghəm nɨ à yɨə mbə̀nə bɨrɨ jɨg ənû ɨfɔ̀n ə Ŋwiə̀.

Ikan feg

²⁰ Yeso ya ghabri nèn mə̀mə̀nənùg məd, ghà inɔb gha, Ŋwiye zì àbɔrɔ̀bɔd igun inən, mbə̰ mbe ne chəyi àzən imbə̀ʼ icheg ne anug ìfɔ̀n Ŋwiye ya àzən.

Lk 6:20 Referans Kwoze

Jems 2:5

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ zwetɨ! Ŋwìə̀ nyaʼa chɔʼ bə̂d mbe nɨ yeʼ bə̂d kwaŋ ɨŋga ɨsɨg ɨmbə̀ʼ mbɨ yeʼ bə̂d mbɔ̂n ɨchî nɨ mbɨ ben ə Yeso Kristo. Əne mbɨ bɨrɨ jɨg ənû ɨfɔ̀n ze nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

2 Kɔrèn 8:9

Mbə kyerɨ ɨ̀chɔ̀m we nɨ Ə̀nùŋɨ̀sɨg Yeso Kristo nyaʼa ghɨ̌, nɨ ka à bè yeʼi ni wɨ̀ nyaʼa berɨ mbɔ̂n, àyɨə wɨ̀ nyaʼa bèŋ ənɨ wə̀d ɨkwaŋ ɨmbə̀ʼ əwən, ɨmbə̀ʼ ənjìm ɨchî nɨ wɨ̀ kwaŋɨ, mbə mbe tɨ̀ mbə berɨ mbɔ̂n.

Lk 12:32

“Tɨ mbə̀ bɔ ə, kyɨə bɔn njɨ̀g, ɨmbə̀ʼ ɨghəm nɨ ə Mbǎʼ ə ghaʼ nɨ naʼ ənû ɨfɔ̀n ɨ nən.

Matìyò 25:34

Əne ɨfɔ̂n we bɨrɨ gha əmbɨ ə bə̂d mbe nɨ yeʼ əbɔ ə jɨgɨ ni, 'Mbə̀ yeʼe, kyɨə mbə̀n mbe nɨ mɨ Mbǎʼ fə zɨ əbɔrəbɔd ɨgwɨ nən. Mbə̀ yeʼe jɨg ənû ɨfɔ̀n ze nɨ mɨ Mbǎʼ nyaʼa fə tekɨ nùŋ ɨ nən tɨ ənɨ wɨ̀ nyaʼa tekɨ ɨsɨg.

Ɨnû 2:9

Mə kyerɨ ɨchî nɨ àwɔ̀ ə zəə ŋgəʼ bə̀ kyerɨ ɨchî nɨ à kwaŋɨ, àyɨə àwɔ̀ yɨə wə̀d ɨkab. Mə kyerɨ ɨnû mbe nɨ bə̂d mbe nɨə ghà ni mbə yɨə mɨ̀Jû, àyɨə kaʼi mbɨwən, ə ghàə̀ ɨmbə̀ʼ chəkɨ e ɨkum. Mbɨ yɨ rɨŋga ɨfetɨ Satàn.

2 Kɔrèn 6:10

Bə̂d mɔʼɔ mbɨə ghɨ̀ mbɨ na ɨghabɨ ni tɨ̀ yɨə bə̂d nɨə kə̀nə̀, àyɨə tɨ̀ wɨə ghaʼrɨ əwa ɨghəm jìm. Bə̂d mɔʼɔ mbɨə ghɨ̀ mbɨ na ɨghabɨ ni tɨ yɨə bə̂d ɨkwaŋ, àyɨə tɨ wɨə ghɨ̀ ni bə̂d mɨ̀nɔnɔʼ fuʼ əwən. Bə̂d mɔʼɔ mbɨə neŋ əwa ni tɨ̀ yɨə bə̂d nɨ chəi əghɨ, àyɨə tɨ̀ berɨ ɨghɨjìm.

Jems 1:12

Ŋwìə̀ zɨ əbɔrəbɔd ɨgun ə wə̀d we nɨə nyìʼ ənɨ ə̀kwàʼnɨ̀ ə nyɨ ɨgwɨ məd, ɨmbə̀ʼ ɨghəm nɨ ənɨ wɨ̀ chè ə̀kwàʼnɨ̀ ze, wɨ̀ bɨrɨ nɨŋ ɨneʼe. Ɨneʼe we yɨ ɨ̀tènɨ̀ rɨ mì we nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

2 Tès 1:5

Ɨnû mbɔ̂ jìm ə chwi ni Ŋwìə̀ bɨrɨ saʼ bə̂d ɨchî nɨ kuʼnɨ. Əne Ŋwìə̀ bɨrɨ zə ni mbə kuʼ nɨ nyɨ ɨŋga ənû ɨfɔ̀n əməd. Mbə mbɨə zəə ŋgəʼ ɨmbə̀ʼ ənû ɨfɔ̀n rəŋgu ze.

1 Tèsàlonikà 1:6

Mbə mbɨə nyaʼə ghɨ̀ ɨnû mbe nɨ tɨ̀ nyaʼə ghɨ̀ə̀ bə̀ ghɨ̀ə̀ mbe nɨ Ə̀nùŋɨ̀sɨg nyaʼə ghɨ̀ə̀. Ka à bè yeʼi ni mbə mbɨə nyaʼə zəə ŋgəʼ, Əzwî ə Zeŋɨ ə nyaʼa ghɨ̀ mbə̀ nɨŋ ɨŋgam we mbɨ ɨghaʼi.

2 Kɔrèn 8:2

Ɨ mbɨə nyaʼa zə ŋgəʼ əku, àyɨə ɨghaʼi nyaʼa swi ɨŋga fîŋ tɨ mɨ̀mə̌d. Əze ə nyaʼa ghɨ̀ ni mbɨ saŋnɨ chè əbɔ, ka à bè yeʼi ni ɨkwaŋ mɨ̀mə̌d nyaʼa bə̀ chè əbɔ.

Ɨ̀fàʼì 14:22

Ɨ mbɨə nyaʼə yènə̀ tìmbɨ̀ ə bə̂d mbe nɨ nyaʼa ben ə Kristo, bə̀ yènə̀ ghàə̀ ni mbɨ yim ɨbenɨ wɨ kaanə wo ɨmbì. Mbɨ nyaʼa bə̀ ghà əmbɨ mɨ̀mə̌d ni, “Tɨ̀ berɨ zə ŋgəʼ nɔnɔʼ bɔŋ nyɨ ɨŋga ənû ɨfɔ̀n ə Ŋwiə̀.”

Lk 14:15

Ənɨ mbaŋə̀ mɔʼɔ rəbɔʼ mbe nɨ nyaʼa chubɨ jɨg mbɨ məd, nyaʼa zu ənû zɔ̂, wɨ̀ nyaʼa ghà ɨ bɔ ni, “Ŋwìə̀ zɨ əbɔrəbɔd ɨgun ə wə̀d we nɨ bɨrɨ jɨg əchwɨ̂ ze ɨŋga ənû ɨfɔ̀n əməd!”

Lk 13:28

Mbə bɨrɨ sɨə zə̀ʼə̀ kud əsɔŋ ənɨ mbə̀ zə ə Abràham, Aizìk mbɨ Jakɔ̂b mbɨ ə bə̂d ɨ̀kə̀n Ŋwiə̀ mɨ̀jìm ɨŋga ənû ɨfɔ̀n ə Ŋwiə̀, àyɨə mbɨ tin əwən ɨsɨg.

Lk 4:18

“Əzwî Ə̀nùŋɨ̀sɨg ə zɨ ɨgwɨ num, ɨmbə̀ʼ ɨghəm nɨ Ə̀nùŋɨ̀sɨg fə zɔʼ əmɨ ni mə gha ɨkə̂n chɔ̀m əmbɨ ə bə̂d ɨkwaŋ. Wɨ̀ fə tom əmɨ ni mə̀ saʼ ni Ŋwìə̀ bɨrɨ chɨ bə̂d ndəŋ sàŋɨ̀, fɔrɨ ni mɨfɨgɨ̀ bɨrɨ zə ɨsɨ bə̀ fɔrɨ ni mbɨ bɨrɨ saŋ bə̂d mbe nɨ mbɨə nyèm mɨ̀mə̌d,

Matìyò 11:5

Mɨfɨgɨ̀ mbɨə sɨə zə ɨsɨ, bə̂d nɨə tèʼ ɨwu mbɨə sɨə yèn ɨchî chɔ̀m, əpabɨ ə mì i rɨ ənɨ bə̂d mbe nɨ nyaʼə wɔ̀n əpabɨ, mbɨ̀rɨko mbɨə sɨə zu ɨnû, ɨvɨ bə̂d zwemə, ɨ mbɨə bə̀ ghà ɨkə̂n chɔ̀m əmbɨ bə̂d ɨkwaŋ.

Lk 16:25

Àyɨə Abràham nyaʼa ghà ni, 'Wân, kɔndɨ ni ənɨ à nyaʼa ɨkǎ, à nyaʼa berɨ ɨghɨ chɔ̀m, àyɨə Lazarɔ̀s nyaʼa berɨ ɨghɨ rɨbɔ̀ŋ. Tɨ̀nîn məd wɨ ɨŋga chɔ̀m əgha, àyɨə àwɔ̀ wɨ əŋgəʼ.

Matìyò 5:1

Ənɨ Yeso nyaʼa zə mɨnɔ̂n bə̂d mbe, wɨ̀ nyaʼa kɔʼ ɨkaŋ ɨwum pè chub ə si. Mə̀mə̀ə̀nɨ̀-ɨnû ɨməd nyaʼa wò əsɨ məd,