Lk 6:12 - Meta’

¹² À nyaʼa əni ə mɔʼɔ, Yeso nyaʼa wò ɨkaŋ ɨwum ɨ kɔŋgɨ ə Ŋwiə̀. Wɨ̀ nyaʼa kɔŋgɨ ə Ŋwiə̀ ɨzimɨ we jìm.

Ikan feg

¹² Aneg mɔ̀ʼɔ, Yeso ya kɔʼ ghò ikaŋ iwum mɔ̀ʼɔ ni chàʼra Ŋwiye. Wì ya chughi angu chàʼra Ŋwiye anene ituʼ chəg.

Lk 6:12 Referans Kwoze

Mə̀Hibrù 5:7

Ənɨ Yeso nyaʼa ɨgwɨ ə si, ɨ wɨə nyaʼə kɔ̀ŋgɨ̀ ə Ŋwìə̀ bə̀ nɔn ɨnû rɨ əmbɨ ə Ŋwìə̀ we nɨ tɨ̀ wɨ̀ nyaʼa fe əməd tɨ əmbɨ ɨvɨ. Ɨ wɨə nyaʼə kɔŋgɨ əne mbɨ əwob ə ka ka fɔrɨ mbɨ mɨsɨ əghə. Ŋwiə̀ nyaʼa zu ə̀kɔ̀ŋgɨ̀ əməd ɨmbə̀ʼ ɨghəm nɨ wɨ̀ nyaʼa swi i ɨnyod wumnɨ ə Ŋwiə̀.

Mk 6:46

Ənɨ wɨ̀ nyaʼa fə ndàʼnɨ mbɨ mɨ̀mə̌d, wɨ̀ nyaʼa kɔʼ wò ɨkaŋ ɨwum ɨ kɔŋgɨ ə Ŋwiə̀.

Mk 1:35

À nyaʼa ɨsɔsɔ ənɨ chəi ɨtuʼ nyaʼa kɨrɨ jeŋgɨ chɨg, Yeso nyaʼa jwɨ̀ wò əsɨ nɨ chə nyaʼa i bə̂d əŋgu. Wɨ̀ nyaʼa wò kɔŋgɨ ə Ŋwiə̀ tə̀zìʼ wi.

Kòlosè 4:2

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm. Mbə mɨ yeʼə kɔ̀ŋgɨ̀ə̀, mbə̀ chub ɨkyèʼe bə̀ nàʼə̀ məben-əwe ɨ bɔ.

Matìyò 6:6

Àyɨə ənɨ à kəb kɔŋgɨ ə Ŋwiə̀, nyɨ ɨŋga e ətu ə nəb, wùb ɨchû nəb, kɔ̀ŋgɨ̀ e Mbǎʼ we nɨ yeʼ ənə̀mə. Əne, e Mbǎʼ we nɨə zə ɨnû mbe nɨ àwɔ̀ ə ghɨ̀ ənə̀mə, bɨrɨ chɔʼ e ə̀fàʼì.

Matìyò 5:1

Ənɨ Yeso nyaʼa zə mɨnɔ̂n bə̂d mbe, wɨ̀ nyaʼa kɔʼ ɨkaŋ ɨwum pè chub ə si. Mə̀mə̀ə̀nɨ̀-ɨnû ɨməd nyaʼa wò əsɨ məd,

Mk 3:13

Yeso nyaʼa kɔʼ ɨkaŋ ɨwum pè tɔŋ mbaŋə̀ te nɨ wɨ̀ nyaʼa kəbɨ. Wɨ̀ nyaʼa tɔŋ əne, mbɨ wò əsɨ məd.

Lk 5:16

Yeso nyaʼa kɨə wò ɨŋga ɨbad rɨkwàʼi ɨmbə̀ʼ kɔŋgɨ ə Ŋwiə̀.

Lk 6:11

Àyɨə məchwiə̀ rɨ̀kə̌ mbe mbɨ mɨ̀Farisiî mbe nyaʼa sə ɨtəm kwàʼ rɨŋgəʼ, əne mbɨ nyaʼa kɔ ghambɨ mbənə mbənə ɨmbə̀ʼ ɨnû nɨ tɨ̀ mbɨ ghɨ̀ mbɨ Yeso.

Lk 6:17

Yeso nyaʼa swiʼ rɨkaŋ ɨwum we mbɨ ə bə̂d tom mbe pè təm əsɨ ɨbad mbɨ ɨnɔ̂n mə̀mə̀ə̀nɨ̀-ɨnû ɨməd fɔrɨ mbɨ ɨnɔ̂n bə̂d nɨ nyaʼa kwàʼ wɨ kyeŋ nɨ nyaʼa nɔʼ rɨŋga ɨsɨ jìm mbe rɨ ə Jùdeyà fɔrɨ ə Jèrusalèm fɔrɨ ɨban rɨ̀bàà we rɨ ə Taì mbɨ ə Sidòn.

Lk 9:18

À nyaʼa əni ə mɔʼɔ nɨ Yeso nyaʼə kɔ̀ŋgɨ̀ ə Ŋwiə̀ rə̀zìʼ wi, mə̀mə̀ə̀nɨ̀-ɨnû ɨməd nyaʼa chub ɨban məd. Əne wɨ̀ nyaʼa biirɨ əmbɨ mɨ̀mə̌d ni, “Bə̂d kɨə ghàə̀ ni mɔ̌ yɨə we ə?”

Lk 9:28

À nyaʼa ɨghabɨ ə kàb fibɨ̀ nɨ Yeso nyaʼa gha ɨnû mbɔ̂, wɨ̀ nyaʼa nɨŋ ə Pità mbɨ Jɔ̌n fɔrɨ ə Jems, mbɨ kɔʼ wò ɨkaŋ ɨwum ɨ wò kɔŋgɨ ə Ŋwiə̀.

Lk 9:29

Ənɨ wɨ̀ nyaʼə kɔ̀ngɨ̀ə̀, ɨfě məd nyaʼa kwepə, ngywɨ̌ rɨ məd nyaʼa sɨə fuə teenɨə.

Jn 6:3

Ənɨ mbɨ nyaʼa pe əŋgu, Yeso mbɨ mbi mə̀mə̀ə̀nɨ̀-ɨnû nyaʼa kɔʼ ɨkaŋ ɨwum pe chub ə si.