Lk 5:24 - Meta’

²⁴ Àyɨə mə bɨrɨ ghɨ mbə̀ kyerɨ ni Wan Wə̀d ə berɨ ɨka ɨgwɨ ə si nɨ waʼ ɨnû rɨbɔ̀ŋ.” Ənɨ wɨ̀ nyaʼa ghà əne, wɨ̀ nyaʼa ghà əmbɨ ə mbaŋə̀ ze nɨ nyaʼa buʼrə ni, “Nɔʼ rətiə, bèʼ e ɨkon, wò əwe ɨnuʼ.”

Ikan feg

²⁴ Mə biri chwi inən gha Ŋwan Wə̀d bèrì ika igun isəg ni waʼ inug tibɔ̀ŋ bəd. Ane, wì ya si ghàbri ghà abə wə̀d we ne ya buʼrə gha, “Nɔ̀ʼɔ titighe, kad àze abaʼ ghò ine achan.”

Lk 5:24 Referans Kwoze

Ɨnû 1:13

Wə̀d mɔʼɔ nɨ nyaʼa ɨghabɨ ə Wan Wə̀d wɨə nyaʼə əkaʼ ɨtən mbe. Wɨ̀ nyaʼa zɨ̀ ngywɨ̌ se, bə̀ neb əwâm nɨ mbɨ nyaʼa tekɨ ənɨ ə gôl.

Ɨ̀fàʼì 14:10

Əne Pɔ̂l nyaʼa ghà ɨ bɔ ənɨ ə gɨ̂ nɨ kǎ ni, “Nɔʼɔ təm!” Mbaŋə̀ ze nyaʼa nɔ̀ʼ təm kɔ yènɨ̀.

Ɨ̀fàʼì 9:40

Pità nyaʼa chà mɨ̀mə̌d mɨjìm ɨsɨg, chìndɨ̀ ɨtu ɨnywɨ ə si, kɔ̀ŋgɨ̀ ə Ŋwiə̀, bèŋ nèŋ əvɨ ze ghà ni, “Tabità, nɔʼ rətiə!” Wɨ̀ nyaʼa fìʼ e əghə. Ənɨ wɨ̀ nyaʼa zə ə Pità, wɨ̀ nyaʼa nɔ̀ʼ chubɨ.

Ɨ̀fàʼì 9:34

Pità nyaʼa ghà ɨ bɔ ni, “Eniàs, Yeso Kristo fə vɨ əwe. Nɔʼ rətiə tekɨ e baʼ.” Eniàs nyaʼa nɔ̀ʼ àmei əwu əwən.

Ɨ̀fàʼì 5:31

Ŋwìə̀ nyaʼa nɔ əməd nùŋ ənɨ e əbà əbɔ ə jɨgɨ ni wɨ̀ chub ənɨ Ə̀chà bə̂d fɔrɨ ənɨ Wə̀d nɨə chɨ̀ə̀ bə̂d rəŋgəʼ, ɨmbə̀ʼ wɨ̀ ghɨ ni mɨ̀Izre beŋ tə fîŋ, Ŋwìə̀ waʼ ɨnû rɨbɔ̀ŋ mɨ̀mə̌d.

Jn 17:2

À fə nàʼ ɨka ɨ bɔ ni wɨ̀ tumbɨ bə̂d mɨjìm rɨŋga ɨsɨg, ɨmbə̀ʼ wɨ̀ naʼ ɨ̀tènɨ̀ rɨ mì əmbɨ ə bə̂d mbe nɨ à naʼ ɨ bɔ.

Jn 11:43

Ənɨ wɨ̀ nyaʼa gha ənû zɔ̂, wɨ̀ nyaʼa kyeŋ rɨkǎ ghà ni, “Lazarɔ̀s, jwɨə yeʼe!”

Jn 5:27

Mbǎʼ fə bə̀ nàʼ ɨka ɨ bɔ ni wɨ̀ saʼ bə̂d, ɨmbə̀ʼ ɨghəm nɨ məd yɨə Wan Wə̀d.

Jn 3:13

Chəi wə̀d mɔʼɔ nɨ kɨrɨ wo ɨkaŋ, chè rɨ ənɨ Wan Wə̀d nɨ nyaʼa swiʼ rɨkaŋ.

Lk 8:54

Àyɨə wɨ̀ nyaʼa yim əbɔ ə wan əyi we, ghàm rɨ̀kǎ ghà ni, “Wân, nɔʼ rətiə!”

Lk 7:14

Ənɨ wɨ̀ nyaʼa ghà əne, wɨ̀ nyaʼa wò bètɨ̀ ɨkon we nɨ mbɨ nyaʼa beʼ əvɨ ə wə̀d ze ɨgun. Bə̂d mbe nɨ nyaʼa bèʼ ɨkon we nyaʼa təm. Əne wɨ̀ nyaʼa ghà ni, “Əjɔŋ, mə ghà ɨ ne ni nɔʼ rətiə!”

Lk 5:13

Yeso nyaʼa sem əbɔ, betɨ əməd, ghà ni, “Mə ghaʼ nɨ ghɨ̀ əne. Ɨnyod, zeŋ!” Àmei əwu əwən, əpabɨ ze ə nyaʼa mì i.

Matìyò 28:18

Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si.

Matìyò 26:64

Yeso nyaʼa wììrɨ̀ ɨ bɔ ni, “À fə ghà əne. Àyɨə mə ghà ɨ nən ni, ɨ kɔ rɨ̀nîn, mbə bɨrɨ zə Wan Wə̀d nɨ chub əbà əbɔ ə jɨg ə Ŋwìə̀ we nɨ berɨ ɨka jìm, bə̀ zə ənɨ wɨə yeʼe ɨgwɨ ə pàʼ.”

Matìyò 25:31

“Ənɨ Wan Wə̀d wɨrɨ yeʼe ɨghabɨ ɨfɔ̀n mbɨ mbɨ̀aŋgɨrə̀ mɨ̀jìm mbɨ məd, wɨ̀ bɨrɨ chub ɨgun e ətən ɨfɔ̀n.

Matìyò 16:13

Ənɨ Yeso nyaʼa wo əbà əbeŋ ze rɨ ə Kàisàriyà Filipì, wɨ̀ nyaʼa biirɨ əmbɨ mbi mə̀mə̀ə̀nɨ̀-ɨnû ni, “Bə̂d kɨə ghàə̀ ni Wan Wə̀d yɨə we ə?”

Matìyò 9:6

Àyɨə mə bɨrɨ ghɨ mbə̀ kyerɨ ni Wan Wə̀d ə berɨ ɨka ɨgwɨ ə si nɨ waʼ ɨnû rɨbɔ̀ŋ.” Ənɨ wɨ̀ nyaʼa ghàm əne, wɨ̀ nyaʼa ghà əmbɨ mbaŋə̀ ze nɨ nyaʼa buʼrə ni, “Nɔʼ rətiə, beʼ e ɨkon, wò əwe ɨnuʼ.”

Matìyò 4:24

Ɨchî nɨ wɨ̀ nyaʼə ghɨ̀ əne, mɨkâ məd nyaʼa jàŋ ɨŋga Sirià jìm. Əze ə nyaʼa ghɨ̀ ni bə̂d mbe rəŋgu nɨŋ bə̂d mbe nɨ nyaʼə wɔ̀nə̀ tɨkwɨrɨ əwɔn jìm wò əsɨ məd. Wɨ̀ nyaʼa vɨ̀ bə̂d əwɔn mbe mɨjìm. Bə̂d əwɔn mbɔ̂ yɨ mbe nɨ ɨsɨ ɨnyod nyaʼə seə, mbe nɨ ɨzwî rɨbɔ̀ŋ nyaʼa ɨŋga mɨ̀mə̌d, mbe nɨ ə̀fìrɨ̀ ə nyaʼə gywɨ̀ə̀ fɔrɨ mbe nɨ nyaʼa buʼrə.

Lk 5:18

Àmei əwu əwən, bə̂d mɔʼɔ nyaʼa bèʼ mbaŋə̀ mɔʼɔ ɨgun əbàʼ yeʼe mbɨ wɨwən. Mbaŋə̀ ze nyaʼa buʼrə. Mbɨ nyaʼa kə̀b ni njɨ mbə nyɨ nùŋ əməd ɨfě Yeso.

Lk 5:23

À kɨ ənû zi ə zam ə? À kɨ ɨ gha ni, 'Mə fə waʼ mbe ɨnû rɨbɔ̀ŋ', kɨ̀ ɨ gha ni, 'Nɔʼ rətiə yèn ə'?