Lk 3:8 - Meta’

⁸ Mbə̀ ghɨ̀ ɨnû mbe nɨ chwiə ni mbə̀ fə bèŋ tə fîŋ. Tɨ mbə̀ kɔ ghà ə mbənə mbənə ni, 'Tɨ̀ yɨə bɔn tɨ ənɨ əghaŋ ə Abràham'. Mə ghà ɨ nən ni, Ŋwiə̀ we tɨ̀ wɨ̀ nɨŋ əti zɔ̂ bèŋ ənɨ ə bɔn Abràham.

Ikan feg

⁸ Mbə̀ chwi ane ìwən ikuchèg gha mbə fə sìkì inug tibɔ̀ŋ, bə̀ nàʼ ìtən fìŋ abə Ŋwiye. Imbə̀ʼ mbə̰ ghi ghà awən gha, ‹Tì fə pum imbə̀ʼ icheg ne mba ya bɔn inga aghaŋ inəbi Abràham.› Chəyi àze yaʼi anug mɔ̀ʼɔ. Ŋwiye we tì wì bə̀ŋì ateg azo̰ ane bɔn inga aghaŋ inəbi Abràham.

Lk 3:8 Referans Kwoze

Ɨ̀fàʼì 26:20

Mə nyaʼa bè kɔ gha ɨŋgam Ŋwiə̀ ə Dàmaskɔ̀s, beenɨ ə Jèrusalèm, beenɨ ɨŋga ɨsɨ jìm mbe rɨ ə Jùdeyà bə̀ fɔrɨ əkaʼ bə̂d nɨ kaʼi mɨ̀Jû. Mə wɨə nyaʼə ghàə̀ ni mbɨ beŋ tə fîŋ beenɨ əbɔʼ ə Ŋwiə̀, Mə wɨə nyaʼə bə̀ ghàə̀ ni mbɨ ghɨ ɨnû mbe nɨ chwi ni mbɨ fə bèŋ tə fîŋ.

Matìyò 21:43

Əne mə ghà ɨ nən ni Ŋwìə̀ bɨrɨ nɨŋ ənû ɨfɔ̀n əməd rɨ nən, sɨ nàʼ əmbɨ ə bə̂d mbe nɨ bɨrɨ sɨə ghɨ̀ ɨnû mbe nɨ wɨ̀ kə̀bɨ.”

Fìlipì 1:11

Àmei Yeso Kristo we tɨ wɨ̀ ghɨ̀ ni mbə̀ ghɨ ɨnû ɨchî nɨ kuʼnɨ, ɨmbə̀ʼ bə̂d wumnɨ ə Ŋwiə̀ bə̀ yiirɨ əməd.

Rm 9:7

Ka bɔn mɨjìm tɨ ənɨ əghaŋ ə Abràham yɨ ə bɔn Ŋwiə̀. Ŋwìə̀ nyaʼa ghà əmbɨ Abràham ni, “À yɨ ənjìm ə Aizìk nɨ à bɨrɨ berɨ bɔn mbe nɨ mə̀ kaʼ ɨ ne.”

Rm 4:16

Ŋwìə̀ nyaʼa kàʼ ɨghɨ ənjìm ɨbenɨ, ɨmbə̀ʼ ənjìm ɨ̀chɔ̀m məd, bɔn mɨjìm tɨ ənɨ əghaŋ ə Abràham mbe tɨ̀ mbɨ jɨg ɨghɨ mbe nɨ wɨ̀ nyaʼa kàʼi. Ka ɨghɨ mbe nɨ wɨ̀ nyaʼa kàʼi nyaʼa àmei əmbɨ ə bə̂d mbe nɨə nùŋə̀ rɨkə, ɨ mbɨə nyaʼa bə̂ əmbɨ mbe nɨ nyaʼa benɨ ɨchî nɨ Abràham nyaʼa bə benɨ. Abràham yɨə mbǎʼ ɨgwɨ mbà mɨjìm.

Lk 19:40

Wɨ̀ nyaʼa wììrɨ̀ ni, “Mə ghà ɨ nən ni, bə̂d mbɔ̂ mɨ kəm rəziə, əti zɔ̂ ə bɨrɨ kɔ kyeŋɨ yiirɨ ə Ŋwiə̀.”

Jn 8:33

Mbɨ nyaʼa wììrɨ̀ ɨ bɔ ni, “Tɨ̀ yɨə bɔn tɨ ənɨ əghaŋ ə Abràham, əne chəi tɨ̀ kweʼ ben ɨ̀bòʼò əmbɨ wə̀d mɔʼɔ. Zɨə nɨə yeʼ əne, njɨ əton nɨ à ghǎ ni, 'Tɨ̀ bɨrɨ chub ənɨ a ɨghəm' kɨ ni yè ə?”

Jn 8:39

Mbɨ nyaʼa wììrɨ̀ ɨ bɔ ni, “Abràham yɨ a mbǎʼ.” Yeso nyaʼa ghà əmbɨ mɨ̀mə̌d ni, “Mbə mɨ kàŋ yeʼ bɔn Abràham, njɨ mbə bɨrɨ ghɨ ɨnû mbe nɨ Abràham nyaʼə ghɨ̀ə̀.

Matìyò 3:8

Mbə̀ ghɨ ɨnû mbe nɨ chwiə ni mbə fə bèŋ tə fîŋ.

Matìyò 3:9

Tɨ mbə̀ kɔndɨ əwən ni mbə fə jwɨ̀ rəŋgəʼ àmei ɨchî nɨ mbə̀ə ghàə̀ mbənə mbənə ni, 'Tɨ̀ yɨə bɔn tɨ ənɨ əghaŋ ə Abràham!' Mə ghà ɨ nən ni Ŋwìə̀ we tɨ̀ wɨ̀ nɨŋ əti zɔ̂ bèŋ ənɨ ə bɔn Abràham.

Lk 5:21

Məchwiə̀ rɨ̀kə̌ mbɨ mɨ̀Farisiî nyaʼa zu əne kɔ biirɨ mbənə mbənə ni, “Mbaŋə̀ zɔ̂ nɨə zɔ̀m ə Ŋwiə̀ kɨə we ə? À kɨə we nɨ tɨ̀ wɨ̀ waʼ ɨnû rɨbɔ̀ŋ bə̂d chè rɨ ənɨ ə Ŋwiə̀ rə̀zìʼ wi ə?”

Lk 13:25

Ənɨ wə̀d nəb fə nɔʼ fə̀n i nəb, mbə bɨrɨ təmbɨ ɨsɨg kɔ goŋgɨ ɨchû nəb ghàə̀ ni, 'Masà, fiʼ nəb ɨ na.' Wɨ̀ bɨrɨ wiirɨ ɨ nən ni, 'Chəi mə̀ kyerɨ əsɨ ze nɨ mbə̀ nɔʼ rəŋgu!'

Lk 13:26

Əne mbə bɨrɨ kɔ gha ni, 'Tɨ̀ wɨə nyaʼə jɨgə bə̀ nɔə mbɨ ne. À wɨə nyaʼə bə̀ chwi ɨnû ɨtu ɨzib ɨsɨ mbe nɨ tɨ̀ nyaʼə chub əŋgu.'

Lk 14:9

Əne wə̀d we nɨ kəʼ won mbən mbe mɨbe bɨrɨ yeʼe pè ghà ɨ ne ni, 'Naʼ rɨmbin əmbɨ wə̀d wɔ̂.' Ətu ə bɨrɨ nid ɨ ne, əne à nɔ̀ʼ wò chub ɨgun ətən ə kwa.

Lk 19:9

Yeso nyaʼa ghà ni, “Tə̀chɔ̀ŋ, ənû nɨ jwɨ rəŋgəʼ fə yeʼe ɨŋga nəb zɔ̂, ɨmbə̀ʼ ɨghəm nɨ mbaŋə̀ zɔ̂ yɨə bə̀ ə wan tɨ ənɨ əghaŋ ə Abràham.