Lk 3:1 - Meta’

¹ À nyaʼa ɨŋga ɨghəm ɨwu wum chɔ̀b rɨtân nɨ Tiberiùs nyaʼə Kaisà, Pontiùs Pailèt yɨə nyaʼə gɔmnà ə Jùdeyà, Herɔ̀d wɨə nyaʼə tùmbɨ̀ ə Galiliî, aŋgɔb məd Filip wɨə nyaʼə tùmbɨ̀ ɨba ɨbeŋ mbe rɨ ə Ɨturià fɔrɨ ə Trakonotìs, Lisaniàs wɨə nyaʼə tùmbɨ̀ ə Àbìlenè.

Ikan feg

¹ Anyumə̀ ne ifɔn kyen məRom ne ikum məd ya Tìberùs ya yaʼi tituʼ ìghum chɔ̀b ita̰ igun atən, Pɔntiyos Payilèd ya yaʼ gɔbnà a Jùdeyà. Erɔ̀d yaya bə̀ tùmbə̀ məGalìli. Ifi məd ne ikum ya Filib yaya bə̀ tùmbə̀ məÌturà tì məTàkònitì. Nìsàniyà yaya bə̀ tùmbə̀ məÀbilèn.

Lk 3:1 Referans Kwoze

Lk 2:1

À nyaʼa ənɨ ə nyùmə̀ we, Kaisà Ogɔstùs nyaʼa sob ni mbɨ taŋ bə̂d mɨjìm mbe nɨ nyaʼa ɨŋga ɨbeŋ mbe nɨ məRom nyaʼə tùmbɨ̀ə̀.

Matìyò 27:2

Mbɨ nyaʼa taŋ əne, kod əməd, nɨŋ wò nàʼ əmbɨ Pailèt nɨ nyaʼə gɔmnà.

Ɨ̀fàʼì 26:30

Ənɨ wɨ̀ nyaʼa gha əne, ɨfɔ̂n, gɔmnà, Benis mbɨ ə bə̂d mɨjìm mbe nɨ nyaʼa chubɨ mbɨ mɨ̀mə̌d nyaʼa nɔ̀ʼ rətiə.

Ɨ̀fàʼì 24:27

Ənɨ ɨghəm ɨwu nyaʼa che ɨbe, Posiòs Festùs, nyaʼa jɨg ətən ə Felìz ɨghabɨ ə gɔmnà. Ɨchî nɨ Felìz nyaʼə kə̀bə̀ ni mɨ̀Jû ghaʼ əməd, wɨ̀ nyaʼa sàŋ ə Pɔ̂l ə nəb ndəŋ.

Ɨ̀fàʼì 23:26

“À yɨə mɔ̌ Klodiùs Lisiàs ŋwaʼnɨ ə̀ŋwàʼnɨ̀ zɔ̂. Mə wɨə ŋwaʼnɨ ɨ ne àwɔ̀ Wə̀d kyeŋ, gɔmnà Felìz. Mə chàʼrɨ̀ əwe.

Ɨ̀fàʼì 4:27

À yɨ rəsìʼ ni Herɔ̀d mbɨ Pailèt nyaʼa fɔtɨ mbɨ ə bə̂d mbe nɨ kaʼi mɨ̀Jû bə̀ fɔtɨ mbɨ mɨ̀Izre ɨŋga əsɨ zɔ̂, əne taŋ mɨnaŋ ɨgwɨ ə Yeso, e wə̀d ə̀fàʼì we nɨ zeŋɨ, nɨ à nyaʼa zɔʼɔ,

Lk 23:24

Əne Pailèt nyaʼa ghà ni mbɨ ghɨ ɨchî nɨ mbɨ kəbɨ.

Lk 9:7

Ənɨ Herɔ̀d we nɨ nyaʼə tùmbɨ̀ ə Galiliî nyaʼa zu ɨnû jìm mbe nɨ nyaʼa ghɨ̌, ətu əməd ə nyaʼa bùùrɨ̀ ɨmbə̀ʼ ɨghəm nɨ bə̂d mɔʼɔ mbɨə nyaʼə ghàə̀ ni Jɔ̌n we nɨ nyaʼə nàʼ mɨnib fə zwemə.

Lk 3:19

Wɨ̀ nyaʼa ghàm əbɔʼ Herɔ̀d nɨ nyaʼə gɔmnà, ɨmbə̀ʼ ɨghəm nɨ wɨ̀ nyaʼa nam ə Hèrɔdiàs nɨ nyaʼə ɨwi aŋgɔb məd. Wɨ̀ nyaʼa bə̀ ghàm əbɔʼ məd, ɨmbə̀ʼ ɨghəm nɨ ɨ wɨə nyaʼə ghɨ̀ ɨnû rɨbɔ̀ŋ nɔnɔʼ.

Mk 6:17

Herɔ̀d ziə wɨə nyaʼə kɔndɨ əne ɨmbə̀ʼ ɨghəm nɨ wɨ̀ nyaʼa chà mɨ̀sɔgyɨ̀ mbɨ wò gywɨ̀ ə Jɔ̌n, kod, wò zɨ ə nəb ndəŋ dè ə Hèrɔdiàs. Hèrɔdiàs yɨə nyaʼa ɨwi Filip nɨ nyaʼə aŋgɔb Herɔ̀d, àyɨə Herɔ̀d nyaʼa nam əməd.

Matìyò 14:3

Herɔ̀d nyaʼa kɔndɨ əne ɨmbə̀ʼ ɨghəm nɨ wɨ̀ nyaʼa ghɨ̀ ni mbɨ gywɨ̀ ə Jɔ̌n, kod, wò zɨ̀ ə ndəŋ dè ə Hèrɔdiàs. Hèrɔdiàs yɨə nyaʼə ɨwi Filip, nɨ nyaʼə aŋgɔb Herɔ̀d, àyɨə Herɔ̀d nyaʼa nɨŋ əməd ənɨ i ɨwi.

Matìyò 14:1

À nyaʼa ənɨ ə nyùmə̀ we, Herɔ̀d we nɨ nyaʼə tùmbɨ̀ ə Galiliî nyaʼa zu mɨkâ Yeso.

Matìyò 14:6

À nyaʼa ɨgwɨ əni ze nɨ mbɨ nyaʼa gywɨ ə Herɔ̀d, wan əyi Hèrɔdiàs nyaʼa bin ɨfě bə̂d mɨ̀jìm mbe nɨ nyaʼa ənɨ ənû ze. Əze ə nyaʼa ghɨ̀ ni fîŋ Herɔ̀d bɔŋ əku.

Matìyò 22:17

Gha ɨ na rɨ̀nîn, e ɨkɔndɨ kɨ ni yè ə? Tɨkə ə wa chwiə ni tɨ̀ maʼ mɨ̀tagsɨ̀ əmbɨ Kaisà, kɨ̀ chə ə?”

Mk 6:21

Əpan ə nyaʼa jwɨ̀ əmbɨ Hèrɔdiàs əni ze nɨ ə Herɔ̀d nyaʼa kaʼ i əni əgywɨ, əne tɔŋ mbi mɨ̀kǔm fɔ̀n, tɔŋ ɨtu kyeŋ ɨgwɨ mɨ̀sɔgyɨ̀ bə̀ tɔŋ bə̂d kyeŋ mbe nɨ nyaʼa ə Galiliî.

Lk 13:31

À nyaʼa ənɨ ə nyùmə̀ we, mɨ̀Farisiî mɔʼɔ nyaʼa wò əsɨ Yeso pè ghà ɨ bɔ ni, “Nɔʼ əwe rɨ əgha wò əsɨ ə cherə, ɨmbə̀ʼ ɨghəm nɨ Herɔ̀d wɨə kə̀b zwiirɨ əwe.”