Lk 23:2 - Meta’

² Mbɨ nyaʼa pè əŋgu kɔ zɨ ɨsaʼi ɨgwɨ məd ghàə̀ ni, “Tɨ̀ kəʼ zə mbaŋə̀ zɔ̂ ənɨ wɨə bùùrɨ̀ a əbeŋ ghàə̀ ni tɨ bə̂d maʼ ə mɨ̀tagsɨ̀ əmbɨ Kaisà. Ɨ wɨə nyaʼə bə̀ ghàə̀ ni tə yɨə Wə̀d we nɨ Ŋwiə̀ zɔʼɔ, nɨ yeʼ ɨfɔ̂n.”

Ikan feg

² Mbɔb ya ko gu zì isaʼi igun məd gha, “Tè gwì wə̀d gho̰ ne we zìyè àbùrì inga aben. Wì gha imbə̀ʼ bəd naʼa awɔb mə̀tag abə Kayisà. Wì bə̀ ywìrì gha, zi ya Wə̀d we ne Ŋwiye zɔ̀ʼi, bə̀ yaʼ ifɔn.”

Lk 23:2 Referans Kwoze

Jn 19:12

Ənɨ Pailèt nyaʼa zu ənû zɔ̂, wɨ̀ nyaʼa kə̀b ni njɨ tə chɨ̀ əməd sàŋɨ̀, àyɨə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa kyeŋ rɨ̀kǎ ghà ni, “À mɨ tɔ chɨ̀ mbaŋə̀ zɔ̂ sàŋɨ̀, kaʼ àwɔ̀ yɨ e sə̀ʼ Kaisà! Wə̀d we nɨə nɨŋ i ɨnyod ni tə yɨ ɨfɔ̂n yɨə wə̀d pə̀n Kaisà.”

Lk 23:14

əne ghà əmbɨ mɨ̀mə̌d ni, “Mbə̀ kə̀ʼ nɨŋ mbaŋə̀ zɔ̂ yeʼe əsɨ num ghà ni ɨ wɨə bùùrɨ̀ ə bə̂d. Mə fə nwèndɨ̀ əməd ənɨ ə ɨfě, əne zə ni chəi wɨ̀ gu ənû ə mɔʼɔ rəbɔʼ mbe nɨ mbə̀ zɨ ɨgwɨ məd.

Ɨ̀fàʼì 24:5

Tɨ̀ fə zə ni mbaŋə̀ zɔ̂ yɨə wə̀d nɨə kə̀b ɨsaʼi. Ɨ wɨə bə̀ bù əchɔb əkaʼ mɨ̀Jû mɨ̀jìm ɨŋga ɨsɨg. Məd yɨ ətu ɨgwɨ ɨfɔtɨ we nɨ mbɨə tɔŋ ənɨ ɨfɔtɨ Nazarîn.

Jn 18:30

Mbɨ nyaʼa wììrɨ̀ ɨ bɔ ni, “À mɨ yeʼ nɨ chəi wɨ̀ kəʼ gù ənû, njɨ chəi tɨ̀ nɨŋ əməd yeʼe naʼ ɨ ne.”

Mk 12:17

Yeso nyaʼa ghà əmbɨ mɨ̀mə̌d ni, “Mbə̀ naʼ ɨghɨ Kaisà əmbɨ Kaisà, bə̀ nàʼ ɨghɨ Ŋwiə̀ əmbɨ ə Ŋwiə̀.” Mbɨ nyaʼa kàŋ yiirɨ ɨchî nɨ wɨ̀ nyaʼa wiirɨ ɨŋgam we.

Matìyò 22:21

Mbɨ nyaʼa wììrɨ̀ ni, “À yɨ wɨ Kaisà.” Əne wɨ̀ nyaʼa ghà əmbɨ mɨ̀mə̌d ni, “Mbə̀ nàʼ ɨghɨ Kaisà əmbɨ Kaisà, bə̀ nàʼ ɨghɨ Ŋwiə̀ əmbɨ ə Ŋwiə̀.”

Ɨ̀fàʼì 24:13

Chəi ənɨ tɨ̀ mbɨ chwi ɨ ne ni ɨnû mbe nɨ mbɨ zɨ ɨgwɨ num yɨ ɨnû rəsìʼ.

Lk 23:5

Àyɨə mbɨ nyaʼa rəbə nyèŋ ə nyeŋɨ ghà rɨ̀kǎ ni, “Məd wɨə noə bə̂d ɨŋga Jùdeyà jìm mbɨ ɨnû mbe nɨ wɨə chwiə. Wɨ̀ nyaʼa kɔ ə Galiliî. Tɨ̀nîn wɨ̀ fə yeʼe pè əgha.”

Matìyò 17:27

Àyɨə ɨmbə̀ʼ tɨ fîŋ bə̂d mbɔ̂ bə i, ndə̀ wò màʼ saʼ ɨŋga ə sà. Ɨgwi rɨtu we nɨ à gywɨ̌, fiʼ ɨchû ɨməd, à bɨrɨ zə ɨkab ətənɨ ɨŋga. Chɨ ɨkab we wò nàʼ əmbɨ mɨ̀mə̌d ənɨ e ɨghəm bə̀ fɔrɨ ənɨ wum.”

Matìyò 27:11

Yeso nyaʼa təm ɨfě gɔmnà, əne gɔmnà we nyaʼa biirɨ ɨ bɔ ni, “Àwɔ̀ kɨ ɨfɔ̂n mɨ̀Jû ə?” Yeso nyaʼa wììrɨ̀ ni, “À fə ghà əne.”

Mk 15:2

Pailèt nyaʼa biirɨ ɨ bɔ ni, “Àwɔ̀ kɨ ɨfɔ̀n mɨ̀Jû ə?” Wɨ̀ nyaʼa wììrɨ̀ ɨ bɔ ni, “À yɨ ɨchî nɨ à ghǎ.”

Jn 18:29

Əne Pailèt nyaʼa jwɨ̀ wò kumnɨ mɨ̀mə̌d ɨsɨg, biirɨ əmbɨ mɨ̀mə̌d ni, “Ɨsaʼi we nɨ mbə̀ zɨ ɨgun ə mbaŋə̀ zɔ̂ kɨ ni ye ə?”

Rm 13:7

Mbə̀ naʼ ɨghɨ əmbɨ ə bə̂d mbe nɨ mbə̀ berɨ nɨ naʼ əmbɨ mɨ̀mə̌d. Mbə̀ maʼ mɨ̀tagsɨ̀ əmbɨ ə bə̂d mbe nɨə fetɨ mɨ̀tagsɨ̀. Mbə̀ chwɨ mɨ̀tagsɨ̀ ɨgwɨ ɨghɨ mbe nɨ mbə berɨ əmbɨ ə bə̂d mbe nɨ mbɨə chwɨ əmbɨ mɨ̀mə̌d. Mbə̀ bɔ bə̂d mbe nɨ mbə̀ berɨ nɨ bɔ, bə̀ wumnɨ mbe nɨ mbə̀ berɨ nɨ wumnɨ.